請問東區邊度學芭蕾舞好?

alienova

囡囡成日都話想學芭蕾，而家不過佢生得細粒，手腳又唔太夠力，而家差唔多3歲9個，諗都可以讓她學跳舞。
我想知有學跳舞/讓小朋友學跳舞的的，邊間較有愛心? 老師有點耐性? 阿女越大越薄皮，有時講佢兩句都小氣~  
此外, 價錢實惠都重要啦 :p
我對跳舞太外行，請給意見, 拜託!  

doris_cot

銅鑼灣可唔可以?
有間江芷欣芭蕾舞學校, 地址0係銅鑼灣摩頓台5號百富中心8 樓.
個老師係miss Kong, 好好人，好有耐性，有日本小朋友０係佢度學跳舞，所以上堂有時會用廣東話，英文同小小日文．．
不過學費要一次交３個月，＄１４３０（１３堂）．一堂４５分鐘
你可以俾囡囡去試下free trial class .

alienova

doris_cot 寫道:
銅鑼灣可唔可以?
有間江芷欣芭蕾舞學校, 地址0係銅鑼灣摩頓台5號百富中心8 樓.
個老師係miss Kong, 好好人，好有耐性，有日本小朋友０係佢度學跳舞，所以上堂有時會用廣東話，英文同小小日文．．
不過學費要一次交３個月，＄１４３０（１３堂）．一堂４５分鐘
你可以俾囡囡去試下free trial class .

對我來說有點遠，不過我都會去問問作比較，而且價錢相對不是最昂貴

謝謝你

alienova

有好幾間都想帶囡囡去試堂，但我對跳舞很不濟，應該留意些什麼? 而且我怕試堂的老師同實際教的不是同一人(尤其大規模的)，那試了會不會沒意思?

btw, 如果試太多間會否對小朋友不太好?
請給我多些意見, thanks!

doris_cot

如果大規模的學校,每個老師都會固定教某幾堂,所以通常試的老師都會是實際教的一個. 除非一個星期上2堂or above, 咁有機會另一堂0係另一個老師教~一間好0既學校,最多2個老師教同一個grade.

1. 你可留意下個老師細唔細心,試完堂次後,個老師肯唔肯同你花小小時間傾下囡囡的表現.
2. 會唔會成日換老師?如果成日換,咁有機會間學校辦得唔好,留唔住0的老師.咁樣對你囡囡都唔好, 最好係一個老師可以由細跟到大.
3. 會唔會淨係識做生意??! 有0的學校除0左學費貴,手冊+校服會唔會特別貴? 咁樣唔係一間好學校. 有0的學校, 就連考試費都貴過人..
4. 多唔多大姐姐0既班? 除0左新開學校,正常一間好學校都會有一定數目0既大姐姐, 咁就代表間學校可以留住0的學生,如果淨係得0的小朋友0既堂,咁代表間學校唔係幾好..
5.你可留意一班有幾多學生,當然愈小愈好,不過通常bb班都會比較多,大規模學校都會有17-18個學生, 所以呢樣都好難比較

細學校,通常都係校長教, 親力親為,都會比較著緊學生, 同埋有人情味,易話為.
大學校, 可能會比較商業化,不過都係因為規模大,商業化便於管理. 大學校有表演, 機會比較多(不過要叻學生,機會先多,但係我個人覺我只要你肯努力,每個人都可以好叻,所以每個人0既機會都係一樣)~會跟1-2個老師, 學到0既0野會更多.. 人情味較小, 競爭大.

希望幫到你啦..
我都有跳開舞, 你有咩問題可以隨時問我.

alienova

謝謝 doris ^^" 說得很詳細!