想了解吓深水埗基督教崇真

winsome

我想知道崇真會收BAND 1 OR BAND 2 的學生, 我囡囡現在就讀小六, 但成績一般, 對大抽獎感到無奈及真係好驚佢入咗BAND 3 學校 ...   [quote]

mother-cat

我囡囡是band 1的,去年跨區派位不理想,故考入了TTCA,去年學校仍有參加大抽獎,故相信有部份是band 2生,但今年學校已全部自行收生,band 2生的比例絕對會減少.其他已被TTCA取錄了的媽媽,可再給意見

silviang

dear winsome

我囡囡又係因為成績一般,又怕派得唔好.所以決定放棄大抽獎.可以自己決定學校,總好過俾電腦支配.而且今年TTCA改為全自行收生.覺得學校方面也不會選一些操行太差的學生吧.

bkfriend

Hello, 各位,

我的囝囝也是band 1的(英B,中A,數B,常A),不過都係擔心派得差(因為荃灣區得3間英中,好多人爭), 所以都冇參加大抽獎, 情願每個月比多少少去直資,依家揀左崇真都算安樂哂

希望日後多的聯絡啦!!!

winsome

期實我我諗緊如果抽獎抽得唔好, 我打算去拍門, 我囡囡就係九龍塘區的小學, 係band 1 未和band 2 頭邊緣打滾, 真係有啲擔心, 請問依家學費是多少? 和重有咩中學可以recommend 比我 ? :idea:

bkfriend

Hi, winsome,

我諗你已經決定左大抽獎喇, 咁就放鬆心情, 準備揀選學校啦, 據我知九龍塘區個校網幾好吓,你個小朋友係band1就多數都抽到band1中學,未必一定要搵直資
崇真依家學費係18000/year, 個人覺得都算合理
你係九龍區,假如到時候你囡囡派位唔理想, 除左可以考慮崇真, 重有德望,福建,東九龍匯基,顏寶鈴,李國寶,我覺得都係唔錯既選擇  

mody

hi bkfriend

歡迎你加入我地 TTCA 家長的行列呀!  

以後要多多保持聯絡啦!  :

winsome

Tks for the recommendation. 但係我果囡囡係在band 1尾 band 2 頭, 所以我都唔知參加大抽獎有冇make 錯decision, 希望佢會抽倒一間好的中學啦... 校風好就得架啦 ... 我會參考你提供的意見, 如果結果落空, 會第一時間去其他直資學校排隊, 依家做媽咪真係慘啦...   

bkfriend

winsome,

唔使客氣,希望你個囡囡考到好中學啦,到時記得上黎分享吓呀

Hello,mody,

係呀,開學前相信重有好多野要交流, 以後多多聯絡
講開又講, 今個星期學校通知開始準備大抽獎, 慶幸我地已經選擇左學校, 自己同囝囝都冇哂壓力,我地重planning緊放暑假去旅行添   

vvmammy

我都係呀!  完全輕鬆哂, 都係plan緊暑假去旅行d野呀! hehe

mother-cat

Hi,silviang,

再回應有關活動的問題.學校有很多活動小組於放學後(約4PM)舉行,以我囡囡為例:星期一參加排球組,星期三參加合唱團,星期四則參加長笛,而星期五放學後學校安排了團契,讓學生自由參加.
基本上學校是推行「一生一體藝」,每位學生必須學習一種樂器,(自行學習的也計算在內,如鋼琴),學校有弦樂隊及其他校隊,讓有水準的同學加入.
另一方面,校方亦安排了不同類型的活動讓學生接觸,記憶所得,(只是中一的項目,其他班級會不同)有去海洋公園,AIA的機動樂園,學習打高爾夫球,社區服務,植樹活動,也曾於復活節及每年暑假舉辦遊學團等.當然有些是自願性的,有些是要收費的.
還有甚麼想知的,希望可以解答得到

silviang

hi mother-cat

多謝你提供咁多意見給我們這群未來新生.讓我們可先多D了解TTCA. 照你這麼說,學校有咁多的課外活動.是否差不多6點才放學.夠唔夠時間做功課?(平均每天的功課量有多少?)是否星期六要回校補課或課外活動?
真係唔好意思,咁多問題要問
  

silviang

hi bkfriend

歡迎加入.以後多多交流及聯絡
你住荃灣區嗎?以後準備怎樣安排上/下課的交通問題?

mother-cat

Hi silviang

星期一至星期五的課外活動,多是自由參與的,5:45前應可完成,限制性要參與的活動多安排在星期六早上舉行.
功課的數量不是很多,但每次要做的範圍則較大,不過多不是即交的,有幾天時間,但很多時囡囡8:30開始做功課,都會做到十點幾,加上要練樂器,所以都沒太多時間剩.我相信這是過渡期,由中文小學一轉要面對全部英文,且是很深的英文,是必須下苦功的,可幸囡囡明白這點,故都願意花時間串生字,這點是很重要的.
至於補課問題,能力較遜的同學是需要於星期六回校補課的.
我給囡囡買了中文版的書本對照,方便理解,是很好的方法,自己教她時也可作參考,買較新淨的二手書便行.

bkfriend

Hello, silviang,

你好,大家都係中一家長,以後真係要多的聯絡溝通呀...
我住係深井, 返學就搭校巴, 我問過因為深井係尾站,所以20分鐘就到校, 好方便...
放學就自己搭巴士返屋企, 不過要行返去長沙灣廣場先有巴士搭.

Hello, mother-cat,

多謝你提供既資料呀,好有用,使我加深對呢間學校既認識...
係呢,你囡囡小學既時候係屬於BAND幾架?我都擔心我個囝囝既程度唔夠,將來好辛苦吓(做家長真係好矛盾,又想搵間好學校,但又擔心跟唔上, 唉 )

waisiuchuen

hi : 各位.
我也來說一說崇真吧! 我兒是崇真首年開辦的中一學生, 今年
應該中三了但他於中一時留斑, 即讀了兩年中一現年讀中二,
當時大抽獎時派了崇真我已心想死得由於我兒的成績佷差,
很難想像怎樣有能力在一間英文中學生存, 但當時又無可能找到一 BAND 3 成績而校風較好的中文中學入讀. 唯有不自量力地入讀了. 你們猜一猜入讀後有什麼事情出現.........
留待您們估一估我在回應.

mody

hi waisiuchuen

好想知道呀! 因為我們的小朋友係今年九月就入讀 TTCA 啦! 真係好想了解一下這校的一切，尤其是對學生在校內的的表演如何處理及安排的是否恰當。

請詳細告知。謝謝!

waisiuchuen

hi mody :
首先答覆你校內表演是有很多機會的,由其是
很多時每日的 free time 都會有很多表演項目.
只要你小朋友願意參加.

bkfriend

hello, waisiuchuen,

我都想知你係基崇遇到什麼事, 可以分享到你既經歷....

hello,各位,
我係網上搵到1個實習老師既Bolg,入面分享左佢係基崇實習時既苦與樂,同埋一的校園趣事,可以feel到佢地師生感情好好...

英英日記

mother-cat

hI, bkfriend,

不用客氣.我囡囡在是大埔讀小學的,成績不是很突出,但總叫平穩,是band 1中間,選校時已部署她出九龍讀書,目的是多擴闊眼光,學會處理成長要面對的事,例如怎樣乘搭MTR和巴士,落大雨上學要帶多對襪,遲起床要轉用第二條上學途徑等,都有助她長大.老實說,小學時上學只會坐校車,出街又多坐私家車,若中學再在大埔渡過,則她便會成為大埔豬.
很高興你可讓囝囝放學後自己搭巴士回家.
放心,小學程度不夠,不代表他沒有能力,好的中學自會將他的潛力誘發出來,不過這個過渡期是很需要家長的支持及鼓勵,小朋友也需明白自己的付出是有回報的.
在今年的中一家長會中,丘校長便很有自信地回答家長有關會考成績的提問,說第一年已有學生(全是外招回來,其他較差中文學校篩出來的籮底橙),於兩年的努力,用英文作答取得了17分的成績,雖然我明白為數不是太多,但足已見到學校的本事.

Hi,waisiuchuen
我相信你必定有這方面的經驗與我們分享,是嗎?很是心急.