有d唔開心!

Mrs.Fong

囝囝讀k3. 早幾日, 佢話比我知佢好開心, 因為在班中最多同學仔舉手話佢唱歌好聽, 細問之下我知道有3個女同學加埋囝囝在班上表演, 老師就叫其他同學仔做評判, 舉手投票邊個唱得最好, 結果囝囝有最多的12票...第二日, 我話左比爸爸知, 晚上爸爸再問囝囝此事...囝囝重複一次後, 再說:"不過, 好慘呀, 老師話我把聲唔入咪, 所以無得揸咪唱歌. :cry: " 但再問佢詳情, 佢又唔肯講...我個心有少少唔舒服, 我諗點解老師要投票, 囝囝得到最多票後, 又唔選佢, 又, 究竟選黎做mud?

於是, 我在翌日早上婉轉地問老師有關此事, 並問是否有何表演....老師當時是有點尷尬的, 她表示學校約在3月會有一個唱歌比賽, 班中確實有小朋友互選, 我的囝囝確實得到很高票數, 但她覺得囝囝的聲音不太入咪(老師解釋時是有點尷尬的), 她又說當時已提醒小朋友不要偏幫好朋友, 我的囝囝就算"可能"(我想應該是"一定")不是正選, 但也應是後備...
我當時的反應當然是無異議了, 我還能怎樣?!....但坦白說, 我真的覺得對囝囝不公平, 老師既然要民主選舉, 選了出來又不接受, 那何必把選擇權交給學生? 這讓對"選民"也難以交待吧!

kylie_mom

好似一般條例咁, 最終決策權係老師

唔.....我都覺得老師咁做唔係咁好, 雖然小朋友可能唔會明白老師用意,   但此舉會傷害小朋友的自尊心, 不既已經是一個k3學生.

小雲同小吉

MRS FONG
無洗唔開心啦,只要囝囝永遠都是妳心目中的正選便可,其實係老師唔究經驗來處理整件選舉過程,而令小朋友有不開心反應,不過亦欣賞老師坦白,其實佢大可以砌詞推搪責任,算好啦

Radiomama

唉! 學校老師的水平, 的確參差!
如果係我, 我會投訴, 但咁樣又會影響小朋友可能遭受報復性對待, 所以要小心處理投訴的技巧, 可以用對事不對人的方式: 與老師討論民主選舉的問題 , 參賽輸贏不重要等問題....我是一個理論派的人, 所以覺得學校對幼兒成長極為重要等....
Radiomama

Mrs.Fong

我就係怕我反應過激, 會令老師反感, 但唔講個心就係有d"銀"住....不過, 好彩我囝囝好大癲大肺, 佢淨係講過一次"好慘呀, 無得揸咪." 我又讚下佢唱歌好聽, 我同爸爸依家成日話佢係"本年度我最喜愛男歌手得主", 佢又好似無事, 好開心咁!

要向老師反映意見真係有難度架, 只怪我呢個做媽媽的唔識點處理.

Radiomama 寫道:
唉! 學校老師的水平, 的確參差!
如果係我, 我會投訴, 但咁樣又會影響小朋友可能遭受報復性對待, 所以要小心處理投訴的技巧, 可以用對事不對人的方式: 與老師討論民主選舉的問題 , 參賽輸贏不重要等問題....我是一個理論派的人, 所以覺得學校對幼兒成長極為重要等....
Radiomama

:cry:

jeremyphlam

２條路:-

1. 同學校反映
2. 轉校

OO記

要自強不息,家裏練習駁咪唱,改善唔入咪o既缺點,裝備自己,機會以後總會有.
要懷有欣賞別人o既態度,投入支持最終o既班代表,為班代表加油打氣.

Irenemama12

我都覺得你轉校係比較好d

雪瑩媽咪

囝囝係你地心目中最好既佢已經好幸福喇...
如果有機會咪同佢傾下而家邊個做左揸咪人囉,
囝囝有無唔開心呀?同佢傾番開解下佢囉~
要知道人地覺得你好...但係唔代表其他人唔好...
俾知都知道...哩個世界有時係會有d野唔如意...
畢竟佢都k3喇...相信你囝囝同你地咁好傾...佢會明白你地既意思既~


如果因為哩d野轉校...相信上到小學...都要搵定十間八間後備...同埋小朋友都要學習面對逆境,下下咁就佢...佢將來仲辛苦...真係一唔如意就話要"c"...咁就大獲喇...

孖孖叉

既然學校選擇用投票方式去揀人，那當然得票最高的可以入圍啦，這位老師是否用錯方法呢???

本來用投票方式去揀人是可以令小朋友自信心增強，但轉過頭同佢講你唔入咪就無得唱，就即時將佢自信心打至谷低，那算什麼活動教學??

既然要用此方法去選舉，選左出黎老師覺得小朋友聲線唔入咪，老師可以想辦法去改善小朋友的缺點教到佢得囉，唔係抺剎佢連唱都無得唱，其實都只是小朋友吧，老師肯用心教小朋友一定會感受到，而且重好快上手添

VKwan

老師的確處理得唔太成熟，但好小事姐，個家長要唔要個心有少少唔舒服？仲有人話"轉校"tim！其實正如有位家長講，教個細路處理自己的hard feeling，面對逆境咪仲有建設性。
其實我本來都唔想留言，但忍唔住都要講，唔係話得罪講句，e+個社會就係多左d咁小事化大的家長，d細路先咁脆弱，世事又豈如人意？在工作機構內，擺明唔公平的事多得很，咁係咪要下下轉工？
唔該各位家長，如果真係為貴子弟著想，首先要調整自己，要自己先有一個寬厚，樂觀以及健全的心靈。

bbmichelle

支持 VKwan 及 雪瑩媽咪的論點，也是我百份百的心聲，細路仔真係有樣學樣，學唔到逆境求存不特止，以前家長點做佢地將來就學足點做，我成日警戒自己唔係有理就要力爭，而係長線去諗會唔會影響到小朋友既將來先最重要，如果唔係發哥名句「忍一時，風平浪靜。退一步，海闊天空。」點會咁出名。

蘋果

其實唔駛比小朋友投票，可以開個歌唱大會，小朋友開心之餘，老師又可以揀人！
我想知係邊間學校，因為我個仔個間都成日揀人參加唔同o既比賽架！

gracelam

VKwan 寫道:
老師的確處理得唔太成熟，但好小事姐，個家長要唔要個心有少少唔舒服？仲有人話"轉校"tim！其實正如有位家長講，教個細路處理自己的hard feeling，面對逆境咪仲有建設性。
其實我本來都唔想留言，但忍唔住都要講，唔係話得罪講句，e+個社會就係多左d咁小事化大的家長，d細路先咁脆弱，世事又豈如人意？在工作機構內，擺明唔公平的事多得很，咁係咪要下下轉工？
唔該各位家長，如果真係為貴子弟著想，首先要調整自己，要自己先有一個寬厚，樂觀以及健全的心靈。

   agree   

小朋友將來要面對的事豈只於此, 還有將來面對同事上司等多的不公平事, 莫非又要父母向公司老闆投訴 不但小朋友iq重要, eq的培養也非常重要. 很多小朋友心靈脆弱, 小小事就自殺, 就是eq不高

Radiomama

Dear All,

一個問題的確可以有不同的思考方式, 這次也一樣!
通識: 就是訓練大家站在不同角度去思考, 考慮各方的難處和感受, 只要觀點有理據, 便是.
大家所言均有道理, 但性格各異, 所以就有不同結果....請不要只堅持自己的做法...同樣事情, 如果發生了, 你又如何?

Radiomama

Cyrus123

Agree   
父母為子女爭取是人之常情,但轉校�投訴也過激,miss已尷尬地explain,家長可試下接受,試想,miss點會唔揀best 人選？佢都想易train d, "唔入咪"亦可能會導致小朋友"出醜"架;不如避重就輕幫小朋友接受安排,train下EQ.

轉校絕不可取,以免讓孩子以為自己一定要做主角,冇得做就離場、逃避.
我個仔都試過在比賽中遇到不公平對待,我怒、反映,但不要求重賽(大會話可以),因我要他知道冇TAKE 2,要學下在逆境應變！

gracelam 寫道:
[quote]
VKwan 寫道:
老師的確處理得唔太成熟，但好小事姐，個家長要唔要個心有少少唔舒服？仲有人話"轉校"tim！其實正如有位家長講，教個細路處理自己的hard feeling，面對逆境咪仲有建設性。
其實我本來都唔想留言，但忍唔住都要講，唔係話得罪講句，e+個社會就係多左d咁小事化大的家長，d細路先咁脆弱，世事又豈如人意？在工作機構內，擺明唔公平的事多得很，咁係咪要下下轉工？
唔該各位家長，如果真係為貴子弟著想，首先要調整自己，要自己先有一個寬厚，樂觀以及健全的心靈。

   agree   

小朋友將來要面對的事豈只於此, 還有將來面對同事上司等多的不公平事, 莫非又要父母向公司老闆投訴 不但小朋友iq重要, eq的培養也非常重要. 很多小朋友心靈脆弱, 小小事就自殺, 就是eq不高 [/quote]

芝達

當初老師就唔好假民主啦！廢話！

Mrs.Fong

多謝各位的意見.

其實由細到大, 我自己的eq都不太高, 係果種事事要爭取, 事事要表達的人, 但人漸漸長大, 特別係做左媽咪後, 我所想的及顧慮的亦多左.
我在這裡說出這件事, 純粹係因為我想找尋一個平台抒發一下自己的感覺, 因為我都覺得我在囝囝前的處理手法係會對佢的心理上有好大的影響, 所以我在他面前, 要好收歛,  不會流露出我對老師這次的處理手法(不是老師平日的為人)有何不滿, 而且亦有多多鼓勵他...現在觀察所見, 亦可能如我早前所講, 囝囝比較大癲大肺的, 所以佢根本無覺得唔開心.
教育一個小朋友很費心力, 我也在天天學習, 好累呀!

VKwan

".......亦可能如我早前所講, 囝囝比較大癲大肺的, 所以佢根本無覺得唔開心."

咪係lor，其實有好多時細路仔係冇野，只係大人太敏感，需知道大人的反應又會影響返細路，所以我地要好小心。

其實做亞媽又點會唔心痛個仔，但我地控制唔到出面個世界，只可以教個仔點面對。我都分享下我的經驗。最近，仔仔好唔開心咁話比我知先生話佢d字好肉酸(講時眼泛淚光)，人地d字好靚，我個心即刻打個突。但我忍住，就同仔講，先生唔係話你寫字肉酸，只係想你比心機再改善，如果先生唔想你叻佢就唔出聲啦，講你都係想你叻。然後鼓勵佢比心機寫字，呢兩日，仔仔真係有心機左，字都整齊左。

各位媽咪，應該爭取就要教個仔勇於爭取，但有時都要平衡一下，我唔係向大家說教，只係抱著"幼吾幼以及人之幼"的心緊張我地ge下一代！在教仔的道路上，大家都要努力呀！