- 在線時間
- 296 小時
- 最後登錄
- 23-7-6
- 國民生產力
- 32
- 附加生產力
- 605
- 貢獻生產力
- 0
- 註冊時間
- 04-3-30
- 閱讀權限
- 10
- 帖子
- 758
- 主題
- 8
- 精華
- 0
- 積分
- 1395
- UID
- 20567
|
littledada :
我今朝送妹妹上學都見到成班家長企左響露天操場簷篷位,我都望左一陣,睇下係乜野事,因為都好勞嘈...
原來有全日制n班家長投訴佢個囡囡響星期四同五連續兩日放學後有多處瘀傷,校方冇通知家長,家長要求校長調查,到星期一都冇電話解釋,據釋該名家長已經報左警,由秀茂坪重案組調查,好似話警方曾入去校園調查,該家長已同囡囡去睇私家同急症檢查...
我見有三名家長,應該喊晒口o既係囡囡o既媽咪,另外兩位我就唔清楚,今天走黎要求校長道歉,並向其他家長展示囡囡瘀傷相片,希望其他家長留意自己子女有沒有異樣...
校長話事件正在調查,不會作任何解釋,剩係話:冇咁o既事,猛咁接返學o既小朋友入課室,成班家長就圍住睇野,結果校長搵左德福保安黎,同埋話報左警,要求果位家長出校園範圍...
該家長展示相片多張可見,手臂有多處呈圓形瘀傷,係好密好多,唔係一兩達,係十幾二十達,胸口位紅左一大片,仲有其他紅腫瘀傷..
據該位家長話瘀傷於上星期四五出現,校方冇通知家長,亦冇做報告,佢囡囡個小朋友兩歲五個月,應該識講好多野冇喊,件事發生後返到屋企猛咁話眼訓,冇胃口食野,唔肯講野,問主任,主任話:乜你個囡會喊咩?你個囡冇喊喎
該家長話警方曾到場調查,話裏面d玩具有d好危險,該家長向校長反映,校長回應係:d玩具危險,都唔可以剝削小朋友o既創意...
我o既疑問係:
1.小朋友有咁多瘀傷,如果唔係學校整親,點解校方冇向家長查問?懷疑有人虐兒?因為去廁所,姐姐或老師應該會望到,因為好多同好顯眼
2.而家小朋友真係咁傷,點解學校老師冇通知家長及解釋?
3.係咪家長一放學親自接送即刻發現?會唔會有工人湊小朋友,或係工人做?
4.老師會唔會咁笨做得咁明目張膽?
5.冇可能係小朋友自己撞傷或同小朋友打交,因為睇力度同瘀傷之多,應該唔係...
6.同埋點解係一個小朋友?唔通閂埋門打?會唔會仲有其他小朋友?
不過,如果我係果位家長,我都會好明白佢感受,真係好痛心,俾成五千幾蚊學費,結果令個囡搞到咁...
而今次新校長處理方法真係好差...
你地如果知道更多詳情,快d講下啦 |
|