SKH's interview (Central)

fsforth

我都有同感, 我去in 個group 個老師花左成5分鐘同其中一個Daddy 講野, 但係其間都無咩同個小朋友有咩野interaction, 因為根本時間分配不平均, 所以, 我都無要求我個仔坐定定, 由得佢在課室中想去玩咩就玩咩, 個仔問我野我照正常答, 心想我唔你你都唔洗旨意呢兩個老師理你...

下面掛隊就已經浪費時間, 上到來又要等, 入到去見到個兩個老師就唔開胃, 如果唔係校名和跟其他名小學關係好, 真係有D唔想個仔入來in.

仲有兩個老師點可能同時間deal with 12個人 (小朋友+家長), 完全浪費大家時間, 一D感覺唔到佢地為過小朋友設想

fsforth

內部認購我想間間都有, 但不是草草了事既借口, 好多公司都請人都一個位幾百人去in, 都係screen 過resume先叫人上來in, 更加唔會叫你等一個鐘, 跟住in唔夠你一分鐘就叫你走,你班老師又唔係無我地D申請書係手, 如果你覺得個小朋友唔順你老師大小姐眼, 父母背景又唔係你要既, 就晨早叫佢唔好來in 啦...

我覺得就算入到呢間野, 如果到時D老師先覺得個小朋友唔好教先來玩ignore, 三年架! 真係好影響個小朋友心智發展...到時一樣入唔到名校....

都係搵一間有愛心既學校先對得住個仔

fsforth

總之都係個句...塞翁失馬, 焉知非福....

係呢個SKH interview 入面, 有些家長見到好親切既老師, 也有不少見到果幾個不知所謂既老師, 樹大有枯枝, 但係一間叫做有名譽既學校, 正在容忍呢一類人有機會去教我地子女, 忙不是一個借口去冷落一個小朋友, even 呢個小朋友已經比呢班自以為高高在上的女人certify 左入唔到來讀, 小朋友正值一個人格培養時間, 不幸遇到呢類老師, 點算呢? 如果得罪左呢類人, 當你個仔女到時又唔係咁得寵時, 會唔會在K3上小學的重要時刻, 由你自生自滅呢? 如果上唔到DG, DB, SP Co-ed, 等等名校, 又會去邊呢? SKH 有無公開小學派位結果?

而且SKH 校舍太似一間小學, 個氣氛唔太合適小朋友...

fsforth

我覺得小朋友需要一個有心既老師, 名校當然有佢既價值, 但最後成功不是必然的, 十年前我身在大學讀書的時間, 身邊有不少所謂名校畢業生, 如Kings, SP Co-ed, DB...你話真係好特出, 我真係唔覺, 當中有唔少入到大學成績大跌, 好在中小學時學過下violin 同 piano, 係玩得幾好, 但未至於李雲廸既水準, 近呢幾年都係當婚禮現場樂師搵食, 我唔係職業歧視, 但心想如果我年年幾萬銀讀呢D名校而個outcome係咁, 我都覺得幾悲哀, 同呢D朋友講開, 中學會考有2, 3條A, 一D都唔開心, 因為9條A先有人理, 有人恭喜, 普遍既成績就無咩人去認同, 如果仔女成績唔係太勁, 入呢D學校, 可能有陪太子讀書既感覺...

第二, 名校好出路與否, 其實有D同家庭收入背景有關, 當中老豆有錢既自然有多D機會, 大不了出國讀書, 如果我地小朋友三年後有幸入到SP Coed, 好大機會同李超人個孫女做同學, 我地個仔女係屋企可能係寶, 但分分鐘係呢個情況下係學校中成為三等公民.

第三, 呢個係我個表妹經驗, 佢屋企唔係好有錢, 老豆打工仔一名, 總算有3-4萬一個月, 幼稚園讀維記(10年前), 小學聖心, 中學只憑實力考入SP Coed, 我可以講, 幼稚園同小學入唔到個D好top既名校, 可能真係少左D後台, 但上到入中學的時間, 比實力比重高好多, 戰鬥永遠係長久既...而家佢成績應在頭十名之內, 當然, 身邊依然仲有D富家小姐日日show 身家, 有個居然同人講屋企有間房長開冷氣, keep住佢D皮草, 好左我表妹都大個女, 心智成熟, 呢D野聽左得啖笑就算了, 如果你小朋友會care 呢D野, 就成為一種壓力...

以上係我考慮過既問題, 可能有D人覺得係多餘, 總之覺得個仔入到名校就一帆風順, 我就想多左有關心理因素, 人生價值觀同EQ發展.
   

keilocl 寫道:

講真, 講名氣講派位就SKH, 不過講氣氛, 講老師, 講有心就肯定係SPC....各位mami, do you agree?

fsforth

sunnygirl,

比個機會我分析一下點解呢次有咁多人對SKH有反感, 正如eastchee所講, 問題不在是否太多人排隊或者名校會唔會"大牌", 基本上120個學位, 1200人去考就一早代表大部分人都會失望而回, 對於小朋友或者家長, 一次正式既面試最大得益係父母可以從中了解自己子女既能力, 面試結果只係其次, 特別係現在只係考幼稚園, 對於一生人考驗相比實在是微不足道, 其實好多家長對這次由SKH辦既interview都有expectation, 至少可以讓子女接觸一下有經驗既老師, 從中觀察出平時察覺不到的問題...

但對於好多家長來說, 結果是浪費時間! 當中過程好多家長都知或者已經post左出來, 如果你還覺得他們係說晦氣說話, 我打個簡單比喻比你, 等如而家個仔去會考, 入左個試場, 考官只係叫佢坐低, 試卷都唔派比佢, 叫佢睇住其他考生做, 結果, 卷都未見過就當有考過出番來, 就當然係 fail 啦, 而呢個考生永遠都唔知自己有咩野係唔識... 如果SKH可以用SPC面試既時間分配, 相信大部分人都可以心服口服.

Anyway, 可能SKH還是一間好學校, 只係SKH係大家心目中有如一幅完美圖畫, 而呢次interview對好多人來說就是畫上面一點污垢, 分別係有些人看不見, 有些人看得見...

再者, 內部認購在好多名校來說已經是人人皆知事實, 你可以否定它的存在嗎? 當然只係佔少數, 當中以實力獲取錄還是佔多數的, otherwise, 學校整體成績會下跌, 一間名校係唔會比呢D事發生既..  

最後, 請不要標籤對SKH interview有comment 既家長, 他們只係上來BK呻下, 不一定他們會"自怨自憐、埋怨別人", 他們已無辜地給你標籤, 你覺得後補一句 "純粹個人意見，若有得罪多多見諒"有什麼意思呢?


FSForth

sunnygirl 寫道:

非常同意你既講法，起初呢個 topic好多人鬧個interview唔公平、老師好 cool等，口說不知幾唔鍾意呢間學校，但其實心裡都不知幾在意個結果。到公布左結果又話人地係靠關係、靠背景先考入，又是口說收都唔讀等晦氣說話，其實又不知幾在意個 waitlist。雖然我小朋友都考唔到skh，不過我從來都無埋怨個學校些什麼。我覺得作為家長身教真的很重要，若果自己係個d自怨自憐、埋怨別人的人，試問又點教出積極人生觀既小朋友呢？

純粹個人意見，若有得罪多多見諒。

fsforth

多謝CCWC, banson_mum既回應, 但我已聞到火藥味了, 係時候輕鬆一下, 對吧?

其實每間學校要求都不同, 大家只係拿自己杯茶(子女)去比老師試下岩唔岩飲, (注意:係岩唔岩飲, 唔係好唔好飲), 問題只在未飲過就倒左, 大家難免有反感.

我出聲既原因就係感覺到有人對發表不同意見的家長, 強加一個"發難渣"的形象, 這種一支竹打死一船人的說法的確會引起大家不滿, 更可能還以更不理性反駁, 所以, 有需要為一群理性質疑呢個interview家長澄清一下立場, 我唔排除有sunnygirl所說的口不對心的家長, 但語氣可以溫和一點, 以事論事, 也不需要否定"背景後台"的存在, 另外, 不論輸贏, 賽後檢討其實十分重要, 最怕不明不白, 失敗後"發難渣"當然不對, 但是, 失敗後不去檢討反而幫主辦單位頭上加上一個神聖光環, 也是不對.

相信大家已睇到今日喇沙單新聞, 我都想天真一點, 但係都幾十歲人, 這個社會係點大家心中有數...