小一既家長,你哋覺唔覺得個書包好重啊?

焯媽媽

可能只返上午班，我孩子只帶３－４本書返學，很輕．．

kwokyk

我囡囡用今年新出的Hello Kitty 納米護脊書包，不重。書包內有橡根帶可將書本固定在近背脊位置，拿起書包感覺真不重，記將重的書本放後面，輕的放前面，這樣會冇咁重的。
另外，學校要學生一定帶食物袋放水樽、食物盒和毛巾，所以書包冇咁重。

ii-3

重, 重, 重, 我個女個書包都係重!

羊咩咩太太

kwokyk

我今朝幫亞囡磅過書包,連小吃和水重7磅,亞囡都有60磅,佢話個書包幾重,禽日上課室時,佢重話爭d跌落樓梯,好險呀 ;
老師已經好好收起佢地一d作業,幫佢地減下磅 ;
問題係而家只上上午課,到正式上全日時,個書包無10磅都有8磅啦 ;真係要好好諗下點樣幫到佢地;我lee兩日幫佢拎書包到校門;我都覺得膝蓋有d痛了           

我對你講既書包好有興趣,因為有護脊功能，不重,好緊要呀,可以講比我知狂那裡有得買.

kwokyk 寫道:
我囡囡用今年新出的Hello Kitty 納米護脊書包，不重。書包內有橡根帶可將書本固定在近背脊位置，拿起書包感覺真不重，記將重的書本放後面，輕的放前面，這樣會冇咁重的。
另外，學校要學生一定帶食物袋放水樽、食物盒和毛巾，所以書包冇咁重。

zimba

kwokyk 寫道:
我囡囡用今年新出的Hello Kitty 納米護脊書包，不重。書包內有橡根帶可將書本固定在近背脊位置，拿起書包感覺真不重，記將重的書本放後面，輕的放前面，這樣會冇咁重的。
另外，學校要學生一定帶食物袋放水樽、食物盒和毛巾，所以書包冇咁重。

我兒子都用呢種書包, 我就覺得個設計唔係太好, 我替兒子背書包時, shoulder覺得痛, 我認為肩帶的設計不理想. 我兒子背書包時也是覺得shoulder位置痛.
我現在考慮緊好不好讓兒子用運動型背包, 因為我自己有一個, 幾重也不會覺得痛.

迪迪洛洛媽媽

我個仔今年升P1, 用SPI書包, 真係重到頂唔順, 佢都未夠40磅, 本身淨係個書包都好重, 加埋書, 連大人都覺重. 中文科老師已經講明每堂中文一定要帶齊書, 作業及工作紙三本書, 仲未計其他書及簿, 其他老師又未講要否每堂都要帶作業, 又要行上二樓課室上課.  上美術科又要另帶畫袋, 袋入面有墊枱紙, 膠水, 剪刀及粉彩顏色筆; 上體育科, 仲要帶衫返學校換, 所以都唔知點算好.

食物盒及水已經另外用一個袋, 遲些重要帶飯盒, 所以打算轉書包, 有沒有媽咪用過 Chiropak 書包? 是否比 SPI 輕? 請給點意見.

kwokyk:

請問除了 Hello Kitty 款, 有沒有其他公仔合男生用的呢?


謝!

S.S.

咁阿仔間學校就好d 喇...所有作業都.美勞用品都放在課室的櫃內,老師話唔想小朋友個書包太重,佢昨日才取書,合共10本,希望唔會一日要上哂所有堂喇...(因時間表仍未有,可能今天會收到囉.)

cherry_2005

S.S.

唉, 我個小朋友就係咁好彩如你所講既情況
星期二要上晒所有堂
個書包重到痴線

羊咩咩太太

咪就係,都未帶飯壺,佢地就怏變人肉起重機啦     

藍媽寶

好重呀~~~陰功。

QUINCY121HK

我千金...個書包唔重.....敞在...d書就鬼c甘重...   

ivymame

我已買咗個"seven"書包給亞囡用, 但又要帶水壺, 食物盒, 書本, 唔重就難了, 所以都只須她回到學校時才要她背書包, 免小朋友太辛苦.

開學那天, 學校還派咗14本新書給她帶回家, 個囡話重到背著時因為企唔穩而跌倒, 你話幾'禁'心痛呢!

IVYMAME

zimba

我終於去咗間派山用品店買咗個deuter genius既書包俾個仔. 個書包比個thomas納米護背書包細dd, 但係都仲可以放到f4袋. 可能thomas書包對兒子來說是太大了.
我都是替兒子拿書包到學校門口, 再由他背上課室. 見他背起書包時, 會重到退後2步, 都真係好肉痛!

WChan

真係好重, 見個囡咩左書包之後真係好似多左個龜殼咁, 好鬼肉痛!

HY412

囡囡已用 SEVEN 書包, 但因為條背帶太硬, 令佢肩膊好痛, 我試過亦有同感, 請問用緊 SEVEN 的 MUMMY 有沒有此問題     .

我想買個海棉墊加在肩膊帶上, 但去了好多地方 ( 運動舖/手提袋 ) 都搵唔到, 請問各位 MUMMY 知唔知道在什麼地方可以買到 ?

fc2004668

唉!個書包重到令他也企不穩. :

杰杰媽媽

我個仔1號已經要返全日,早3日已經要上晒全日d堂,帶得最多書連作業個日有成10本,但我個仔都仲話好輕喎.
呢2日都要帶5-6本書,佢直頭跑到好輕鬆咁走黎走去    ,不過有人可能覺得呢個書包唔夠大,但我個仔間學校唔算太多書就冇問題,好好用,又輕.

麟媽媽

我個仔今年小三了，路經講幾句，
我仔用過卡通書包、SPI 同Chiropak，
卡通書包話護脊但無咩用架，又易爛。
SPI 重身，雖有護脊板，但D 書要擺得好，
書要放貼近背部既帶扣好，咁先會好，
如果唔係D 書「浪來浪去」，重心向外的話，
會好重，小朋友仲會不自覺傾向前就番，
咁就唔得喇！腰都唔得直，寒背架！
但我仔好多時亂塞D 書，所以用SPI 都覺重，
所以用SPI 要教小朋友點放D 書先啱。
今年我仔用左chiropak 書包話真係唔覺重，
我教亞仔放晒書之後要將兩邊既扣索緊，
咁書包既厚薄會因應書既多少而調較，
D 書係書包裡面唔會「浪來浪去」，
令到個重心向番入而貼住個背脊，
咁早幾日派左好多欠書同寫字簿，
我見書包本身都重架，但亞仔揹左上身，
都話唔覺得重，最緊要瀉到D 重量，幾掂！

HinMa

迪迪洛洛媽媽,
重有新幹線&thomas,我個仔買左新幹線.

迪迪洛洛媽媽 寫道:
請問除了 Hello Kitty 款, 有沒有其他公仔合男生用的呢?
謝!

kwokyk

迪迪洛洛媽媽,


唔好意思，而家才回覆。
納米護脊書包有新幹線&Thomas 兩種 ，藍色的。$ 339.0
.很多大書局 、 UNY和 JUSCO 都有得買。