06年9月入讀蘇淅幼稚園K1既家長, 入唻交流下啦!

十月媽咪

wewetwet,
我會幫阿女扮小仙女呀! 我諗星期一應該有通告喇啩? 希望今年唔好話我知取消個趴地啦, 我都好心急想快d見到張通告呀!

都明既, 成日要飛, 一飛又見唔到小朋友幾日, 係會心掛掛的! 莫講話你成日要飛, 我自生完個女, 我佬話同我去旅行, 但唔帶個女去 (因為阿女之前體弱多病, 個個月都要睇醫生的, 所以唔想帶佢去), 我都寧願唔去旅行, 留響香港陪阿女的! 卒之就足足三年幾無去過旅行, 而家阿女大喇, 身體狀況亦比以前好, 係時候可以同佢飛下喇!

不過如果你真係想轉行呢, 都要轉一份唔駛成日OT既工, 事關而家D工, 好似真係無乜邊份唔駛OT的, 我好多FRIEND都係起碼要七點幾八點先返到屋企, 有D仲要九點幾十點, 最過份果個係十二點幾一點! 真係...唉...響公司既時間仲長過響屋企呀, 陰功!

話時話, 可唔可以同你公司商量下, 轉番做地勤之類, 咁會唔會可以唔駛飛呢?

十月媽咪

CANKAN,
打番D跳舞句子畀你睇番丫, 你得閒果陣可以問下KELLY的!

第一個動作:
大PIZZA, 好好味,
KELLY KELLY (其實老師係講佢地中文名, 但唔講姓的)好想食,
趴落去, 唔好郁,
我地SHAKE SHAKE SHAKE....

第二個動作:
刨刨刨刨刨尖支鉛筆,
拮落去 (我女係搵隻食指拮落去手掌), 嘩...好痛呀...

十月媽咪

ccffcc,
點呀點呀, 今日面試情況如何呀? 對學校, 對老師既第一個印象好嗎? 分享下吖!  

十月媽咪

CanKan,
我今日係等埋阿女放學呀! 中途去左KFC食早餐兼嘆左份報紙, 然後行左去中旅社, 問有關申請回鄉證既問題及拎一D去長隆既酒店船飛資料, 之後再行番轉頭買菜買魚, 跟住就返上學校等阿女放學, 好充實兼行到我腳仔軟!

各位,
今朝問過老師, 老師話手冊有寫萬聖節既安排, 但我同佢講無, 佢就CHECK一CHECK, 發覺真係無喎! 老師話會代追通告的, 我諗呢一兩日應該會有喇啩!
今日口頭上, 老師同我講, 31/10萬聖節係唔駛著校服的, 可以著靚靚返學, 我會幫阿女扮小仙女, 唔知到時佢係咪真係似個小仙女呢?
好期待睇下KELLY著果套靚靚衫呀!

ccffcc,
唔駛客氣!  

十月媽咪

wewetwet,
日本同台北, 我去都未去過呀! 好羡慕既呢! 尤其日本呀, 好想去下呀! 不過我驚我一去既話, 會清袋呀!    

十月媽咪

joeytcy,
咁咪又見唔到悠悠幾日囉? 今次去幾多日呀?
我地下個月, cheap cheap地, 去長隆住一晚兼睇動物咋!    

十月媽咪

CanKan,
我地係諗住11月既第三or第四個禮拜上去長隆住一晚, 兼飲飲食食, 玩下睇下野的! 上次你同kelly去, 我都帶唔到阿女去架, 因為阿女未有回鄉證, 我會今個星期六帶佢去做證呀!

其實今次去長隆, 我之前已經同我舊老細單左聲, 因為佢響長隆做顧問的, 佢可以幫我安排食宿, 食果方面, 佢會幫我訂定酒樓or餐廳, 房果方面, 佢叫我買左套票之後, 再幫我upgrade做商務客房喎!

我老細話, 第一日去到長隆, check in之後, 就先玩歡樂世界, 玩完就食dinner, 跟住就睇大馬戲!

第二朝瞓醒, 去飲個早茶, 然後就去動物園睇動物, 之後食lunch or tea (視乎時間而定), 跟住check out酒店, 然後坐船回港!

咦, 我一直都以為係坐船來回中港碼頭&蓮花港 or 上到深圳坐旅遊巴之類去長隆的, 乜原來香港有直通巴士直達長隆架? 你唔講, 我真係唔知道呀! 仲要一百蚊咁平? 咁你果陣係響邊樹買飛 & 訂房架?

你覺得個大馬戲值唔值得睇呀? 我老細可以幫我安排VIP位, 佢話咁樣唔駛同其他旅客爭位坐喎! 唔知係咪真係咁多人睇馬戲既呢?    

嘩, 如果ANSON同KELLY一齊上去玩, 哈, 不得了, 佢兩個實開心到暈啫! 不過我地係諗住星期日去, 星期一返的, 事關逢星期六下晝, ANSON都要上音樂班, 如果星期六上, 去到長隆都天黑咯! 所以我地好大機會做逃學威龍呀! 哈哈!  

十月媽咪

CanKan,
我就係驚我控制唔到自己, 瘋狂咁買買買呀! 最慘我唔係買畀自己, 而係專攻d靚野買唻畀個女, 而又其實個女都唔知鍾唔鍾意既, 只係我見到好想買既啫! 所以我至一直都唔敢去日本囉! 我d friend話, 佢地去日本, 一家三口, 五日, 大約用二萬蚊喎, 唔知係咪真係二萬蚊就ok呢?

至於台北, 嘿嘿...我本身對台灣無乜好感, 所以都唔太恨去, 反而想去下沙巴relax下!   不過都係果句, 未去過! 基本上, 自陀住阿女, 到佢出左世, 我同隻佬都無再坐過飛機喇! (除左一年一度大婆台搞既空中暢遊, 仲要淨係我坐, 我佬就留響屋企湊女) 一唻唔放心丟低個女響香港; 二唻帶埋佢去又大家辛苦, 所以呢幾年都寧願唔去, 而家阿女三歲喇, 真係好想出年去一轉沙巴or日本呀! or邊度都好啦, 總之好想坐下飛機, 出去外面玩下!  

十月媽咪

cankan,
我啱啱睇番中旅社d門券&景點套票既價目表, 我見長隆大馬戲係105蚊, 長隆歡樂世界係130蚊, 香江野生動物世界係96蚊咋喎, 都唔係你講咁貴既?  

十月媽咪

joeytcy,
嘿嘿, 不過我都係唔捨得阿女, 所以我點都會辛苦d同佢一齊去的!

十月媽咪

joeytcy & cankan,

哎吔, 聽你兩個咁講, 我真係要好好咁plan下個行程先得喇, 再唔係, 就改到復活節至去, 不過到時又可能會好多人, 嗯...等我諗諗先!

嘿嘿...其實我最想都係同阿女坐下飛機, 三日兩夜去下新加坡都好丫...可惜我佬唔睬我啦, 激c!    :cry:

十月媽咪

cankan,
阿女係逢星期六下晝1545-1645響鑽石山柏斯上小小莫札特啟蒙班的, 已經完左上學期, 上個月開始左下學期喇, 暫時教晒十隻手指仔響個琴上面, 最基本要應付既琴鍵, 亦教左1-4拍既音樂符號; 1拍, 2拍同埋4拍既休止符號; 上堂開始教五線譜入面既上加一線同埋下加一線, 亦都教左響呢兩條線上面果個最基本既音middle C等等...因為係我佬陪阿女上堂, 所以我都係知D唔知D, 我淨係知暫時大約係教左咁多野!

上堂果陣又會唱下歌, 做下課本既練習, 老師每堂亦會畀每個小朋友出去個琴度, 跟住本書唻逐個音彈! 阿女果班, 只有四個同學仔(最多都係收五個一班), 阿女係四個入面最細果個, 亦都係最唔專心果個, 激到我佬紮紮跳, 哈哈! 不過又好奇怪的, 每次老師叫佢出去彈果D音果陣, 佢又勉強彈到果喎, 所以我地都吹佢唔漲! 不過就真係好想搵D方法去改善下佢專注力低呢個問題!  

十月媽咪

joeytcy,
係喎, 所以你可能會比起我哋好少少, 起碼唔會見少陣都心掛掛嘛! 有時我丟低阿女響阿媽度, 然後去威威 (即做個facial呀, 同d朋友食餐飯呀之類), 我至多幾個鐘, 我就會掛住個女, 要趕返屋企睇佢架喇!    

十月媽咪

我無追電視劇好耐喇!  

十月媽咪

唉, 呢兩日阿女唔舒服, 搞到我無晒心機添! 今朝仲要好似燒同唔燒之間, 都唔知今晚去唔去到跳舞添呀! 不過我諗就算去到跳, 都要畀佢帶定個口罩, 費事佢對住其他小朋友咳, 唔衛生嘛!

cankan,
原來你無去到東京呀, 咁應該唔會點瘋癲地買野既, 豪斯登堡聽講好靚的 (以前d同事去果度拍旅遊特輯, 返唻話好正), 我成日都想去, 不過一直都無去! 唉...我成日都係得個諗字, 唔知幾時至會實踐呢個飛行夢呢?    

十月媽咪

joeytcy,
耳水不平衡, 好辛苦的啊, 我試過一次, 又暈又嘔, 果陣讀緊中學咋, 幾驚以為自己會c呀! 真係諗番起都覺得自己傻傻地!    

十月媽咪

cankan,
係呀, 係要大人陪架, 之前簡簡單單既呢, 就我陪, 而家開始越教越深呢, 就我佬陪, 因為我佬既音樂底子比我好, 佢一講就明, 但我就...嘿嘿...左耳入右耳出!

柏斯係無得試堂, 無得請假, 無得補堂架, 一畀就要畀晒上學期既費用, 如果無記錯, 係2880 (18堂), 下堂期都係呢個價錢&堂數! 所以淨係上晒上下學期, 已經係講緊五千幾蚊, 仲要買埋書&CD, 都差唔多六千蚊架! 好彩阿女都鍾意上既, 雖然上堂果陣好似遊緊魂咁, 但呢個係佢STYLE, 看似唔太專心, 但其實隻耳都聽左唔少的! 不過始終希望佢再大D可以專心D啦!

而家開始教五線譜, 佢唔專心, 我都唔知點幫佢呀!

完左呢個小小莫札特啟蒙班, 跟住再上就係親子班, 聽老師講, 親子班都係要一個家長陪上堂果喎! 咁你想幫KELLY報果個, 究竟係乜野班唻架? 係咪要四歲至可以上果D班唻架? 阿女而家上緊呢D, 兩歲半開始就上得架喇!

十月媽咪

CANKAN,
我佬成日都話, 其實只要我肯丟低個女響阿媽度, 我地隨時都可以飛的, 但我就寧願選擇唔鬼飛, 都要陪住個女, 一係唔飛, 一飛就要帶埋佢飛, 否則就索性唔飛喇! 至多齊齊留響香港啫!

仲有仲有, 我有時會窒我佬的, 唔同佢飛就得, 唔同阿女飛就唔得, 激C佢!    

十月媽咪

CANKAN,
照你地咁講, 其實如果我只係玩兩日一夜, 係咪應該淨係集中玩動物園, 唔去睇馬戲&歡樂世界呢?

十月媽咪

joeytcy,
21號係聖誕聯歡會, 之前阿女班主任講過, 佢地而家排緊果隻舞, 係for聖誕節時表演的, 但係咪響21號表演, 咁就真係唔知喇!

12月1日係生日會, 唔知呢日係咪輪到K1既同學仔表演呢? 不如你打個電話返學校問下, CONFIRM左學校, 然後再決定啦! 再唔係, 直接打畀班主任問啦, 我諗佢應該最清楚嘛!