富安威寶的家長, 入黎交流吓啦

ktmama

HI, Giann728
我諗佢哋都教咗幾多嘢 lu, 成日都聽到亞仔唱 "食茶點歌"
你講果首中文歌我就無聽仔仔唱過, 不過佢上年喺 nursery ms chow 有教過佢哋唱過, 連埋手勢一齊做都幾得意 ga.  

我諗應該學咗幾句國語喺 :
1 ) 李老師早安 ( 原本只喺老師早安, 但昨日聽佢講李老師早安 )

2.  老師好, 老師好, 這個老師真好呀 ( 唱歌, 我諗喺咁上吓啩 )

但我就未聽過佢講過自己個中文名的國語讀音, 又無聽過 : 我們都是 ....... ( 可能佢未講啩 ).   

你個女女依家番學慣唔慣呀, 開唔開心呀? 我個仔仔間唔中就會講吓學校 d 同學發生咗 d 咩事我知, 真喺比佢笑死.  

giann728

Ktmama,
我個女唔肯講比我知學校野架，我好辛苦先套到少少咋﹗  你仔仔好叻呀，識同你講咁多野﹗  我問佢食茶點有無唱歌，佢竟然答我無﹗

原來仲學左首國語歌，等我今晚再套吓佢先﹗

基本上我女女返學好開心呀，佢仲話鐘意Miss Wong多過佢以前個班主任，唉，咁快移情別戀，我係以前個班主任都心傷﹗

ktmama

Hi, Giann728
可能每個小朋友都唔同, 有時你問佢嘢, 佢又會唔認真答, 真喺睇佢心情咋. 我個仔仔有時都喺咁 ga.

咁都好呀, 佢鐘意 ms wong, 即喺佢覺得老師鍚佢, 都喺一件好事.  

giann728

ktmama
尋晚我再問我個女有無唱茶點歌，佢唱左首英文既出黎，唔知咩thank you teacher.....thank you... food...，我估係上年學，今年學果首佢仲未記得﹗

咁你仔仔有無話鐘唔鐘意返學呀??

ktmama

HI, Giann728
喺呀, 咪就喺呢首囉. 唔知咩thank you teacher, thank you ms wong, thank you ms lam, 請各位小朋友食茶點.

我仔仔都好鐘意返學, 成日都會喺屋企做番或者講番佢喺學校發生的事, 或者學到ga 嘢, 聽 ms wong 講佢喺學校都好乖. 所以我都好放心.

今日紅雨又三號風球, 好彩仔仔搭校車, 唔喺就慘囉.

ktmama

HI, QKHUI
點呀你, 好似好耐無同你傾計啦.  今日大風又大雨, 你仔仔有無變咗落湯雞呀?  

就快中秋節, 又要做親子燈籠 GA 時候, 你開始做未呢?

giann728

尋日真係好大雨，我女女坐校車我都濕晒，因為要一手抱住佢，一手渣遮，仲要咩住個書包，好在我預先同女女著雨褸，如果唔係佢都濕埋﹗

唔知係唔係落雨關係，學校尋日唱左首Rain Rain Go Away呢，我女女尋晚成日掛住係口邊﹗

qkhui

Hi ktmama, 最近比較忙, 今日先有時間上來傾o下.. 佢昨天無, 都唔明天文台點攪, 又大風又大雨. 好彩我地住得近咋...
佢最近寫o的字好深, 昨天寫個門字.. 寫到佢死下死下o敢.. 真係可憐

ktmama

Hi, Giann728
喺呀, 我問過仔仔有無唱過 rain rain go away, 佢話有呀, 跟住就唱咗俾我聽 lu.

我仔仔就好彩d, 因為個校巴站喺商場出面, 所以只喺上車時要遮吓佢, 都無俾雨弄濕到.

亞仔呢二日開始唔喺咁鐘意連線, 掛住玩, 唔知喺咪覺得悶呢? 真喺頭痛

ktmama

hi, qkhui
咁都無辦法啦, 唔通唔做功課咩?  我今日聽個家長話 k2 下學期開始會串字同默書添呀.  小朋友返幼稚園都有唔少壓力喎.

喺呀, 琴日咁大雨,  d 小朋友返學真喺好狼狽, 但教署朝早又唔公佈叫幼稚園停課, 攪到 d 家長好難做.   

giann728

好在我女女仲肯做功課，佢每日下晝會自己攞本功課出黎做架，工人話佢自動自覺，我估佢好enjoy做功課，希望佢唔好咁快覺得悶啦﹗

你開始幫仔仔整燈籠未呀??  我打算今個weekend去買材料整呀﹗

ktmama 寫道:
Hi, Giann728
喺呀, 我問過仔仔有無唱過 rain rain go away, 佢話有呀, 跟住就唱咗俾我聽 lu.

我仔仔就好彩d, 因為個校巴站喺商場出面, 所以只喺上車時要遮吓佢, 都無俾雨弄濕到.

亞仔呢二日開始唔喺咁鐘意連線, 掛住玩, 唔知喺咪覺得悶呢? 真喺頭痛

qkhui

hi ktmama, 不過佢昨晚又係寫個門字, 佢今次又寫得好好WOR, 又唔會唔開心, 有時O的小朋友真係難明....  
下學期開始串字同默書AR? 唔係噉快係MA... 我唸唔止小朋友有壓力, 我們大人都有.. 唉.....

我無唸過同佢做燈籠WOR..   , 不過依家都會唸下..

prudy

qkhui,

Prudy 讀LKA,我都覺得d生字都深,佢都冇抗拒,似幾enjoy,但有時話隻手好倦,紅哂,我就'氹'佢好快就寫完.

如果下學期開始串字同默書,咁咪好辛苦?

係呀,又要做燈籠la,d小朋友唔辛苦,係d家長辛苦d

ktmama

HI, GIANN728
我快啦, 快啦, 就快開始做燈籠啦, 材料有齊, 但就喺未 dick 起心肝去做囉   , 不過都要開始啦, 因為下個星期要交啦.

下個星期開生日會啦, 唔知到時佢哋點呢?

ktmama

Hi, Prudy, QKhui
喺呀, 我嗰日同個家長傾開, 佢講我知架. 所以我諗應該無錯卦.

喺呀, 其實依家小朋友讀書辛苦,  d 家長仲辛苦過佢哋  

qkhui

Hi, Ktmama, Prudy,

係ar.. 噉就真係怕la.. 仔仔 開學到依家都寫佐10幾個中文字, 有時問返佢, 都唔係個個都記得.. 仲話下學期要串字tim ar.. 真係唸起都怕....

Prudy, 你女女讀LKA ar... 你幫佢報佐咩課外活勳ar ? 你女女鍾唔鍾意溫書ka ?

prudy

Morning, qkhui & Ktmama,

我冇在學校報課外活動,但Sunday會在屋苑琴行學畫畫.妳哋呢?
Prudy都鍾意溫書,成日叫我陪佢溫ga.
Yesterday,終於整好嗰燈籠,明天可以交貨la,妳哋呢?

giann728

我地星期六都做左一半燈籠啦，仲差少少就完成啦﹗  係呢，你會唔會做房屋模型呀??  星期六果日我地一次過做埋lu﹗

尋晚我同個女唱左首學校英文歌，問佢老師教左未，佢話Ms. Sheron教左佢喎，唔知個外籍老師係唔係就係Ms. Sheron呢??!!  仲有，我個女都唱左首國語歌比我聽啦，大至同你仔仔唱果首差唔多﹗   佢仲模仿Miss Wong叫佢地做線條既說話，話呢版依家做，呢版返屋企做﹗

ktmama 寫道:
HI, GIANN728
我快啦, 快啦, 就快開始做燈籠啦, 材料有齊, 但就喺未 dick 起心肝去做囉   , 不過都要開始啦, 因為下個星期要交啦.

下個星期開生日會啦, 唔知到時佢哋點呢?

qkhui

Hi prudy, 噉未好lo, 佢肯自己溫書. 我仔仔唔會叫我ka, 我有時未問o下佢. 噉又同佢玩時問下佢o的字lo. 佢最多肯讀一次ka 咋.. :

佢地真係好聽老師話ka, 老師叫佢邊樣功課home 做, 佢就唔會改ka la, 所以佢依家成日要等我地同佢做lo...

你地仔仔/女女早唔早瞓ka ? 我仔仔成日都成11點幾12點先瞓ka ....

ktmama

Hi, Giann728
終於做好咗燈籠同房屋模型啦, 明天可以交俾老師 lu

喺呀, 佢哋個 oral teacher 個名叫 sharon呀. 有一日我播 logman 套 vcd 俾仔仔睇, 睇佢唱歌仔個樣同 d 手勢真喺好得意, 証明佢都好鐘意上堂.

我個個就無你女女咁乖 lu, 做功課都要睇心情, 好心情就俾心機做, 唔好心情就 ........... 哎

佢哋普通話好似教咗 " 我是女孩子 ", 但唔知教咗 "我是男孩子" 末呢 .