仁立紀念小學家長區 (1)

比比

管得嚴唔嚴我就唔知，不過開學時個訓導主任好強調對波鞋一定要純白色，連LOGO其他色都唔可以，而咁耐我眼見D學生都係著純白色。

比比

Mrssslui

校褸一定要買架，天氣轉左冬天著校服就著校褸，如果著運動衫時就著jacket再加校褸(講緊天氣已經冬定時)，因為件jacket唔會好厚，只會比風褸厚少少咋！

比比

MIMI&LONG

應該唔使家長去訂校服，我囝囝上年都係比100蚊佢帶返學校，上堂時會去度身訂校服，你只要係張單上寫你要D乜要幾套就得，如果想預大D就要係張單到寫低(係舊生家長教我)。

比比

Mrssslui

join唔join其實真係睇下你小朋友有冇恒心日日上網做，但我上年經驗來睇，英文個網真係好深(我覺得)，囝囝無興趣，重要比左錢無耐學校提供左一個free既網站(但個期好似得半年)我都比佢激死有個free又唔一早講，等我又比左錢買個，重要囝囝無興趣，一年上左唔夠十次。但今年會唔會係咁我就唔知。所以你地要自己恒量一下。

另外一提，我今日去左中聯國貨公司睇到d男生灰長褲做緊特價七十幾蚊一條(夏天短灰褲都係五十幾蚊)，如果同學校訂要起碼九十蚊，因為我囝囝上年果條校服公司幫我度到剛剛好，所以今年要買過。如果唔怕煩可以去國貨公司買。

比比

Mrssslui


我諗囡仔裙一定要同學校訂lu！灰外套我係上年去荃灣果間中聯國貨到買，我諗吉之島應該都有。

比比

Mrssslui, lucy


你地唔好咁緊張啦，雖然上年我都係咁，我記得上年囝囝第一次默英文係默a-z，中文就默幾個詞語，其實佢地上堂好多時老師都會抽問或測驗(分數唔會影響考試分)，因為我見上年囝囝耐不耐就派一些paper返來，先知原來上堂做既，其實都幾好架，可以知道小朋友平時吸收左幾多。

而家d老師好左好多，都好識得去鼓勵小朋友，囝囝上年個英文同中文老師為例，佢地都會用貼紙或印仔去奬比小朋友，上堂答問題、默書滿分、功課做得整齊等都有貼紙或印仔，等小朋友蓄滿五個就可以去搵老師換小禮物。對小朋友來講真係幾好既奬勵。

比比

ccpig

原來唐老師做你囡囡班主任呀，我囝囝上年都係佢做班主任，今年都係教囝囝中文同音樂，囝囝都幾鍾意佢，我覺得佢都算係幾好。

比比

ccpig

我囝囝係2年班，之前冇聽過話1,2年班會同一個班主任喎，你係邊到聽返來架！

ccpig 寫道:
比比,
乜唔係 1,2 年班都同一個班主任咩??  OR 你個囝 3 年级??                                               
[quote]
比比 寫道:
ccpig

原來唐老師做你囡囡班主任呀，我囝囝上年都係佢做班主任，今年都係教囝囝中文同音樂，囝囝都幾鍾意佢，我覺得佢都算係幾好。

[/quote]

比比

Mrssslui

我住石頭街都要成3:40先返到來，重係最早個日來計，你係咪坐劉生車架，其實之前我上過學校睇佢地放學情況，d學生要成半個鐘至七個字先出到學校，所以咪咁遲囉！因為佢地先放坐校車，跟住家長接送，再到自行放學，最后先到坐保母車，唔遲就奇啦，大家都要同學校反映下先得。

比比

Heart&Moon

好開心係到見到一個家敎會常務會員，希望你可以幫下我地表達意見。

比比

hi,invisiblema

你既資料來源係邊到，因為如果我無睇錯係今年九月開學無耐派過一份校刊比家長，上面寫住派左38人去林護喎！咁點會同仁立以倍數相差呢？而上年仁紀派去林護係48人，係比仁立既人數多。而且係校刊上竹重寫明聯繫中學係聖公會林護中學。你想知清楚些可以去以下網站到睇下啦！


仁紀校刊

比比

我今日都無乜點同個囝溫書，下晏重一家三口走左出街，成十點幾先返家，老實講，叫佢地坐定定幾個鐘無乜可能，其實我囝囝晒最多時間都係溫默書，因為一定要死記，好彩我上星期己開始同佢溫，其他我多數都係同佢睇下就算。

比比

Mrssslui

你地中文係咪份份都未派呀，係邊個老師敎呢？我囝囝差常識未派，係余老師教，我見其他班未派多數都係因為余老師教就未派，所以咁問你囉！但其實余老師由開學到現在都無出現過，我見囝囝既常識一開學就由代課老師教，到最近又轉左第二個代課，咁到底余老師重返唔返架呢？

Mrssslui 寫道:
我地班仲未派中文卷呀!未知result.

另外,聽女女講佢話班際都有獎架!整潔,禮貌獎,秩序獎三項.
A班/D班有一個獎,
B班/E班有兩個獎,
大家都要努力D啦!

比比

死火, 你地講既我囝囝都做齊喎.... 上年比較凍既時候, 著體育衫時, 會著風褸再加校褸，如果冇咁凍, 好似今日咁我就體育衫加冷背心, 再加風褸, 但冇比人話過，我見好多人都係咁。

Mrssslui 寫道:
係呀!我女女都係咁講,仲唔可以穿冷衫,我咪幫佢打底囉!今朝著咗件羊毛衫係裡面.
[quote]
lucy 寫道:
如果再凍d, 著運動服果日, 可唔可以著校褸? 我女話亞sir唔俾wor, 亞sir話運動服一定要著風褸. 校裙就著校褸.

有無人知呢?

[/quote]