俾你會點揀~

心心媽媽

我喺灣仔返工，囡囡又係我自己湊，所以亦喺灣仔讀緊幼兒園Ｎ３，家吓就黎要揀第一輪自行收生既學校，但我公司好似就黎做唔住，而家都唔知點揀好

二揀一：

１）沙田胡素貞博士紀念學校
揀胡素貞係因為我本身喺呢間小學畢業，收既機會極大，但因為佢係半日制，所以我就要喺沙田搵過份返半日既工，到時收入會大減，而家都只係剛剛夠用

２）灣仔軒尼詩官立小學
揀軒小係因為近而家間公司，但就毫無把握，只係博一博，雖然佢都係半日制，但我公司幾free，我可以接到個囡放學再去補習社等我收工，衰就衰在我公司想死又死唔去，我又驚搵唔返而家份人工，唔想走住，但斷估都捱唔到６年，捱到個囡可以讀到小學畢業

其實兩間都係跨區，如果揀胡素貞而又收咗，我就要放棄一切，從新黎過，但如果揀軒小，佢唔收既話，又怕大抽獎唔知去抽咗邊∼

人生交差點 :cry: 母親的決擇    

cwp

你住天水圍嗎?兩個選擇都太遠了,小朋友太辛苦了．

Mrssslui

兩間都唔會揀.
你如果唔滿意本區學校,倒不如搬屋.

zimba

小學同幼兒園唔同呀, 小學辛苦好多架. 就近入讀好d呀.

cwp

我有個朋友住屯門,以前她每天早上6時抱個仔出來九龍塘唸幼稚園,為著要考九龍塘的小學,點知考不到,去了油麻地讀小學,因為每天長途拔踄,小孩子回到家已累到無心機做功課,更不要說溫習,成績不理想,於是又走番去讀屯門的中中。
你想想,如果用花在交通的時間來看課外書,你的孩子一定會得益更多。

WYmom

Both are not good.  Better choose a decent school near home.

心心媽媽

各位：
有頭髮邊個想做『辣呢』 搬屋談何容易吖 :cry:
我唔係想歧視，但係我真係唔想個囡喺天水圍讀，對天水圍ｄ學校無乜信心，而且最大問題係喺天水圍返學，無人幫到我湊囡
我都知個囡會好辛苦，唯有希望佢習慣吓∼到大個咗會明白我呢個做亞媽既苦心

cwp

她會明白的，但代價不輕，你也會很心痛。放學後很難有課外活動，孩子的健康也很重要的。請三思！

Mrssslui

點解啊??
如果唔搬屋,我諗你除咗天水圍,仲可考慮元朗,上水,屯門既學校,屯門既PLK都唔錯呀!

心心媽媽

Mrssslui，
其實如果公司唔執既話，除咗灣仔之外，個囡喺邊度讀書，我都要喺邊度搵過份工．而且除咗胡上，所有學校都係無把握入，一但入唔到就會抽籤．

而我揀沙田果間，除咗係有把握之外，仲係因為我老公都喺沙田返工，同我外家都喺沙田，一旦搵唔返沙田既工或者有咩急事，都仲有佢地呢個後著．

元朗,上水,屯門唔係無諗過，不過唔係我揀佢就收，而且仲有其實野要配合 :cry:

anna_gigi

心心媽媽
其實你好似我,小朋友住沙田返北角返學讀書,我又係無人幫到我湊人係一個問題,想搵間好小學又係一個問題

nattyma

心心媽,
Pity your situation    .
I will choose the one in Shatin provided it is a good one. It might be too risky to choose Wan Chai Primary. Hang on to your present job until it close. !!!

竹葉青

心心媽媽,我都係住天水圍架,其實你可以係出面揾岩學校放學去d補習中心度做埋功課温埋書先放工揍都得架,我囡囡都係係深水po番學,我就係青衣番工架都配合到,放學又唔洗急住同佢做功課温書,大家又可以多d親子時間,少d勞氣.

心心媽媽

終於有人明白我

anna_gigi，竹葉青，
原來你地都同我一樣，又要返工，又要湊小朋友返學，你地點樣分配時間呀？朝早返學同返工ｄ時間唔同，我諗我煩完揀學校，又到煩返工返學既時間分配

nattyma，
我屋企人都係叫我揀沙田果間，又係因為要博公司６年唔執笠，博唔過，但我其實係偏向揀灣仔果間，因為暫時咩都唔會變，包括收入

竹葉青，
如果讀灣仔果間既話，我就可以接個囡去補習中心度做埋功課温埋書，等我放工先湊佢，其實係好完美架，可惜我間公司唔爭氣

竹葉青

我女要8點前番到學校,我朝早6:50上69x大約7:40下車,送完佢番大約7:55到再搭番巴士番工食埋早餐8:45先上office.
而學校就要睇你要求係著重邊方面,灣仔區始終學網會好好多.又係叫中心地帶,係邊度去都方便,對你揾工個範圍都大d.

anna_gigi

竹葉青
你d小朋友有幾大

竹葉青

就快7歲,9月升p.2

蒙查查

你好,竹葉青
請問你小朋友要幾点睡覺及起床,
開始時有冇唔惯呀,因為9月小兒
就P1會由沙田到深水埗到讀,到時
唔知小兒能否識認,你小朋友讀邊
間呀?

竹葉青

蒙查查,
我小朋友10點睡覺,朝早6:30起身,係祟真讀.佢兩歲就開始讀全日班(8-6果隻)所以佢就冇問題.

anna_gigi

心心媽媽
我有兩個小朋友, 一個仔14歲讀中學係北角,一個囡5.5歲讀幼兒園高班(朝8晚8)又係北角
我既行程表:
5:45起身整早餐,第一叫大仔起身,當大仔完成所有野然後自己返學,6:45到叫細囡起身,大概7:15出門,送到北角學校大概8:00,最後自己搭車返中環到達8:50分
我個大仔細個讀小學時係咁安排:(當時未有細囡)
7:20送阿仔返學,然後自己返工,阿仔放學後搭校車到附近補習社接佢,6:45放完工到補習社接返佢,完全好放心去返工同放工