今年９月返小一的家長入來傾下啦！

杰杰媽媽

書包我年頭spi特價已經買左個上年暑假出既背囊款,貪佢夠輕,又唔係個d大大舊書包.
我個仔勁細粒個書包唔可以咁大個,背囊款又夠型.

風信子

我想問下spi既書包會係邊到可以買到呢?同埋佢好d定係dr. kong會好d呢?thanks!

杰杰媽媽

spi書包好多地方都有,專門店/西田/jusco.....
spi好d定dr. kong好d就見仁見智

風信子

杰杰媽媽 寫道:
spi書包好多地方都有,專門店/西田/jusco.....
spi好d定dr. kong好d就見仁見智

thanks!

睡覺

風信子﹕
       我而加開始預備喇，哈哈，好似係我上小學咁興奮。
      好早前我係DR.XX買左一個書包，但係，結果都係嫌佢重，阿仔生得又係細細粒，唔高又唔無乜肉，再背咁重GE書包連書，怕佢唔高得。結果，走去買左一個公仔也是護背的日本書包俾佢，價錢平DR.XX三十元。輕好多，雖然都有點大個，但只要夠輕便可，都OK丫。至於買左的DR.XX..就當做後備，例如阿仔個書包唔小心跌左落坑渠度，咁，洗唔切都有個後備丫...

風信子 寫道:
我想問下你地會幾時幫d小朋友預備上小一開學既日用品呢?同埋我都想問下你地會點樣選擇書包既條件呢?thanks!

Leolonglongma

Helenting,

小兒也在聖公會聖三一(係中心o個間) 與你兒子為鄰, 功課唔深, 但小朋友上到一些名校如舊小拔都跟到, 因為老師很小就培養他們自己找資料/閱讀; 所以也不太擔心.  這兩所學校的老師是出名有愛心, 肯付出, 選中心那家是因為他全日制, 學習時間會充裕點.  

sinsinma

想問

益力多

hi all,

我仔仔都係今年 9 月小 1
佢間 kinder 係 k3 下學期開始都有 d 簡單o既 默書
平時, 我都有同佢默o下生字
不過, 我相信上到 小1 , 每間學校都會有個適應期比小朋友
o既
另外想問o下, 邊度買 spi o既 書包平 d 呢 ? 大約幾 $ ?

helenting

Dear Leolonglongma,

又會咁arm既, 呢間學校d老師真係好有愛心架, 所以我好放心!!!

仔仔就快要畢業啦, 我都有d唔捨得呀, 因為我依家日日送仔仔返學都有同老師傾下偈架, 第二時小學就唔可以同d老師咁close啦, 可能無咁清楚仔仔係學校上課既情況, 無理由成日打電話比老師問仔仔野架麻.

    

Leolonglongma

Helenting,

我都有同感, 除了接放學同老師傾之外, 平時有問題我會趁小朋友睡午覺時打電話俾老師, 甚至班主任/主任會在晚上10時前致電我/小朋友傾談, 個仔不知幾享受, 覺都會睡得甜D.  到了小學, 唔敢奢望有這些電話, 據知上課時間, 就算家長問題多急切, 校務處只會留電話, 老師幾時覆真係天曉得.  所以幼稚園老師是真的要勁有愛心和願意犠牲私人時間, 每次和他們詳談, 我都忍唔住喊, 因為佢地真係好體諒D家長, 特別我們這些老公在國內上班, 不時自己一個湊小孩的家長.  所以畢業前, 多少也為學校做點事, 就是發起家長募捐, 為學校添小朋友用品盡點綿力籌募捐款, 希望可以回饋學校.  雖然不時有人說學費HK$4000貴, 但個人覺得小朋友和自己所得到的, 實在遠超出此費用.

helenting

Dear Leolonglongma,

但係你ｄ學費又真係比起我地半日既貴好多喎，我地都係$1,450喳!!!

    

Leolonglongma

Dear Helenting,

但學校有提供非洲鼓/爵士舞/英文導師/國語老師/陶土班/英文拼音班(每星期最少一堂, 全部在外請專業老師任教)而沒有另外收費的, 所以真的物有所值.  而且我自己在外亦有參加過為學校提供英文拼音班課程的教室, 每小朋友一個課程便要hk$1200, 但學校去年9月開始已決定為每位小朋友免費提供3個英文拼音課程, 所以他們用心辦學是真的不能以學費去衡量!

唔好意思，各位家長, 越扯越遠, 離了題.  個人唯一擔心的已收之小學非小班教學, 老師無法像幼稚園老師般每個小朋友都關顧到. 怕我那個勁需要關注和愛心的兒子會不斷搗蛋去爭取老師的注意....  :-|

G-Ma

大家好! 我個囡都係今年入小一, 見大家講開書包想問吓出面百貨公司公司賣緊嘅日本書包好唔好? 價錢同dr.xx差不多, 不過我見dr.xx好多條帶, 扣嚟扣去好似好麻煩, 出面果d扣一個扣.  定係spi 好d?

helenting

之前已經有post講書包呢個問題，佢地話spi書包又貴又重，有人仲話好易爛，不過唔知係唔係真，都係睇番黎．

但係睇完呢d post之後，我決定左係吉之島，永安，UNY，SOGO都有得買既公仔書包，因為佢地話呢隻書包又輕又好用喎!!!

    

G-Ma

但剛剛隔離topic又話公仔書包承拓力無咁好, 所以仲心大心.

helenting

係啦，隔離個post真係攪到我依家心大心細呀，15/16既決擇又黎啦！！！

    

hobb888

請問大家公仔書包係咪kitty / 大口仔之類呀?

風信子

睡覺 寫道:
風信子﹕
       我而加開始預備喇，哈哈，好似係我上小學咁興奮。
      好早前我係DR.XX買左一個書包，但係，結果都係嫌佢重，阿仔生得又係細細粒，唔高又唔無乜肉，再背咁重GE書包連書，怕佢唔高得。結果，走去買左一個公仔也是護背的日本書包俾佢，價錢平DR.XX三十元。輕好多，雖然都有點大個，但只要夠輕便可，都OK丫。至於買左的DR.XX..就當做後備，例如阿仔個書包唔小心跌左落坑渠度，咁，洗唔切都有個後備丫... [quote]
風信子 寫道:
我想問下你地會幾時幫d小朋友預備上小一開學既日用品呢?同埋我都想問下你地會點樣選擇書包既條件呢?thanks!

[/quote]

其實我同你都一樣都係好緊張,我都覺得好似自己讀番小一甘,宜家每逢一經過我個女個一間小學我都會話俾佢聽呢一間就係佢今年返小一既學校喇!我個女聽到都好開心,只不過我個女成日都同人講佢間學校好舊,但就唔知佢間學校既名,真係俾佢激死,佢成日都叫我買一個可以有輪既書包俾佢,因為我個女都係好細粒,佢間幼稚園既k2既小朋友有d都高過佢,所以我同佢買既書包唔可以好大過同好重,如果唔係盡影得佢更加細粒, 我都想問下係唔係日本書包真係會好d呢?同埋可以係邊一到買到,我盡想問下dr.x既健康鞋好唔好,因為我個女係扁平足除左dr.x之外盡有無其他既健康鞋呢?唔該哂!

睡覺

風信子﹕
        我都唔知呀，未用過，我買的那個日本公仔書包係火車公仔。唔知好唔好，但個護腰扣就設計得唔係咁適合我阿仔。因為都幾危險下，阿仔試用時已夾到隻手瘀哂，又扣左叫佢打開返，阿仔又唔夠力。可能到時唔用扣了，再唔係要自己改裝下個扣或買個東西勾住佢。

       沒法，唔知spi最近有無新出輕d ge，如果有，也要睇價錢，如果新出左好輕但太貴我一樣唔會買。新買的dr. k，試過放左書落去，我真的嫌佢太重喇，已經係買細碼﹗

至於鞋仔，我阿仔著dr.k已經有三年喇，很不錯，不過只限於白波鞋。至於皮鞋，唔適合我個肥腳的阿仔，而且十分重....我而加都頭痛緊邊度有買健康的黑皮鞋俾阿仔。波鞋我會繼續著dr. k的。你個囡囡有扁平足，應該很早就給他著健康鞋喇。.....返d買啦﹗

你囡囡係唔係細b黎架？

風信子 寫道:
[quote]
其實我同你都一樣都係好緊張,我都覺得好似自己讀番小一甘,宜家每逢一經過我個女個一間小學我都會話俾佢聽呢一間就係佢今年返小一既學校喇!我個女聽到都好開心,只不過我個女成日都同人講佢間學校好舊,但就唔知佢間學校既名,真係俾佢激死,佢成日都叫我買一個可以有輪既書包俾佢,因為我個女都係好細粒,佢間幼稚園既k2既小朋友有d都高過佢,所以我同佢買既書包唔可以好大過同好重,如果唔係盡影得佢更加細粒, 我都想問下係唔係日本書包真係會好d呢?同埋可以係邊一到買到,我盡想問下dr.x既健康鞋好唔好,因為我個女係扁平足除左dr.x之外盡有無其他既健康鞋呢?唔該哂!

G-Ma

公仔(sanrio)書包真係好靚又輕, 隔離topic post出嚟果d仲靚, 真係15/16, 好似自己返學咁.