頻頻撲撲,為乜?

麟媽媽

真的天下父母心…..
今天的頻頻撲撲令你很勞累，
他日上了小學的日子還有很長！
唉~~只怕將來會更勞更累，
但願孩子們都會明白父母的一片苦心。

麟媽媽

真誠對答唔一定無人欣賞既。
我姪女去考St Paul’s Co-ed，
佢有幸成為少數有second-in既小朋友。
佢first interview點？
同一樣比本好深既英文書佢讀，
之後小妹妹打開睇睇之後話︰
「校長，好深我唔識吖。你可唔可以教我讀吖？」
校長︰「好，我教你。」
如是者，校長一句，小妮子跟一句讀著，
都讀左差不多10分鐘。
到而家都未知姪女會否被取錄，
但佢過人之處是有童真，不恥下問，
呢樣係而家呢個時勢實屬難得吖。


[quote]
TWMa 寫道:
阿囡 in 完間間小學都係笑容滿面咁出來, 對佢黎講, 去小學 interview 等於去參觀一個地方, 見下其他小朋友, 同 d 老師或者校長傾下偈, 又或者答d IQ 題咁解.
佢好開心, 亦都有自信, 但我聽完佢 in 的內容同佢既回答就一d都唔開心, 連標榜創意、愉快學習的學校 interview 都要小朋友讀中英圖書各一本, 阿囡用 Phonics 好努力咁讀英文書都俾老師叫停, 老師懂得欣賞乎?!
Q1: "最鍾意食既食物?"  A: "糖"
Q2: "最唔鍾意食既食物?" A: "飯"
夠自然、夠童真勒掛, 絕對唔係面試班出品, 但呢d答案去到一般面試老師既耳中, 值幾多分呢?
係唔係開心、有自信, d 學校就會用 5 歲小朋友的標準收左佢呢? (事實上, 我覺得現今5歲的小朋友識既野, 就算唔催谷, 好多都已超哂班)
經過小一申請洗禮, 我雖然依然唔認同小朋友去操咩公文中英數, 但都好同情呢班頻撲的家長, 既然預期唔到人地收唔收你, 為左仔女的教育, 遇到撞期, 頻撲 d 難免, 輕鬆面對、得失心唔好咁重得啦.  
  [quote]