你地會否開口要求琴老師推薦參加考試比賽

michtony

小女二年級7歲，學琴一年半，平時問琴老師進度，佢多數都話"幾好"、"不錯"之類的籠統說話，約兩個月前我問佢幾時考得試，佢淨係話"冇咁快"，但冇話幾時。我又唔好意思再問落去(好似好功利和心急咁)。

現在眼見又是報名考琴試和校際音樂節的時候了，請問係咪個個琴老師都會推薦參加音樂節和考試？要不要自己開口要求？小女的學校較少這些活動(或者老師也不知誰有學琴)，沒有推薦學生參加。我自己好想比囡囡參加(是但一樣都好，以她同齡的小朋友來說，很多都見過這些場面)。

如果琴老師說不會推薦校際音樂節，還有什麼途徑參加(學校又冇)？

kaka0814

不如諗諗, 點解老師唔俾佢去? 其實學生真係可以同老師傾下想去校際音樂節或者考試, 當然俾唔俾就要睇老師啦。很少老師不讓學生去考試 / 比賽的, 除非學生的程度還很不夠。 參加比賽和考試兩者各有好壞處, 總是複雜和充滿矛盾的。如果你很想她考試而她老師又堅持不容許, 那就只好轉老師, 這是唯一的方法了。

kaka0814

oldcake 寫道:
可能係老師自己資歷唔夠呢

都唔出奇0家
我見識過唔少老師都係咁  :

mrsyu

michtony ,

校際音樂節以前琴行都可以入會，但呢兩年唔得，只可以經學校報。

michtony

Thank you.

請問大家知唔知校際音樂節幾時截止報名？

大家又認為，學左琴年半，問下老師幾時考得試，或者打算比小朋友考幾多級，咁樣過唔過分？

michtony

老師話我個女都可以參加一級，咁我叫佢幫我報，佢話會上網睇下。
我都係想換老師.

Yesmee

michtony

睇黎你個老師真係有 d 問題 wor, 我仔學左小提琴幾個月咋, 佢個老師已經叫佢報名參加學校音樂節考一級, 仲話可以免費同佢伴奏添.

hoki

michtony，
問下老師幾時考得試，或者打算比小朋友考幾多級，咁樣點算過分？？家長同老師一定要多d溝通，況且小朋友都學了一段時間，考下試增強一下自信，都未嘗不可吖？女女平時練琴情況及進度如何？？

Sindy

Yesmee 寫道:


michtony

睇黎你個老師真係有 d 問題 wor, 我仔學左小提琴幾個月咋, 佢個老師已經叫佢報名參加學校音樂節考一級, 仲話可以免費同佢伴奏添.

小提琴同鋼琴既進度唔多同架

kayan_329

Yesmee~ 你仔仔係邊o度學小提琴o架 因我想學 但未找到合適