匯基東九龍 vs 九龍華仁

squallwa

小兒就讀油尖旺區，學校估計成績屬於Band 1A尾，剛收到滙基東九龍call offer，但佢就心儀九龍華仁，但如果想入九龍華仁就要參加大抽獎搏一搏（自行失敗左），佢平日讀書懶散，要人催谷先學習，體藝方面冇特別專長。佢小學過往嘅紀錄係Band 1男仔如揀九華做第一志願，大抽獎命中率都有90%，所以現在十份難抉擇，因為兩間學校佢都鍾意（鍾意九華多小小，但又驚大抽獎抽唔到）唔知道大家可唔可以幫手俾一啲寶貴嘅意見以作參考，謝謝(emoji)(emoji)

lauren_ice

會唔會考慮下如果抽唔到華仁，入第二，三嘅志願接唔接受到？接受到就博一博

tkinwong

1A會博九華。

猴子爸

squallwa 發表於 25-4-11 16:56
小兒就讀油尖旺區，學校估計成績屬於Band 1A尾，剛收到滙基東九龍call offer，但佢就心儀九龍華仁，但如果 ...

“小學過往嘅紀錄係Band 1男仔如揀九華做第一志願，大抽獎命中率都有90%，”

你间小学一定是风水十分好，否则这个运气应该并非必然的吧？


其次就是你的抽奖运，你会成为9/10，还是1/10？


如果是我，我会抽奖。

squallwa

lauren_ice 發表於 25-4-11 17:14
會唔會考慮下如果抽唔到華仁，入第二，三嘅志願接唔接受到？接受到就博一博
...

第二或者第三志願就係我同佢都唔係好接受到(emoji)

小時了了

squallwa 發表於 25-4-11 17:57
第二或者第三志願就係我同佢都唔係好接受到(emoji)

會唔會接受UCCKE 先，7月先扣九華門

squallwa

猴子爸 發表於 25-4-11 17:56
“小學過往嘅紀錄係Band 1男仔如揀九華做第一志願，大抽獎命中率都有90%，”

你间小学一定是风水十分好， ...

其實係冇任何科學根據解釋到，但係佢學校嘅情況過往多年都真係咁，但當然明白唔代表未來嘅趨勢。
因為匯基呢幾年無論係收生等等各方面走勢都係向上同埋進取，所以先至唔知點揀好，又擔心放棄咗滙基而大抽獎又抽唔到，最好就兩個都冇！

minnieevergreen

如果接受唔到乙二乙三﹐唔建議放棄﹐可以叩門姐。
或者﹐交比小朋友自己決定﹐搏定唔搏﹐佢自己諗。

lauren_ice

minnieevergreen 發表於 25-4-11 18:33
如果接受唔到乙二乙三﹐唔建議放棄﹐可以叩門姐。
或者﹐交比小朋友自己決定﹐搏定唔搏﹐佢自己諗。 ...

同意keep UCCKE, 七月叩門九華

gracelam

squallwa 發表於 25-4-11 17:57
第二或者第三志願就係我同佢都唔係好接受到(emoji)

接受UCCKE， 安心到9月開學

大抽奬， 擔心到7月，
中乙一九華→開心去食大餐
中乙二聖芳濟→勉強接受／叩門
中乙三銘基／循道→揼心口→叩門

我會手執一鳥， 必要時叩門

mcl233

我就會搏，若不成功，扣門都應該可以同匯基bingo到～

Sing13

1A可博抽奖，不留遺憾，叩門都唔怕。

gracelam

樓主囝囝係B1a 尾，如果係B1a 相信自行已經入咗，同埋啱啱收到匯基東九offer， 唔係第一批

lot888

唔好唸叩門啦，叩門位少，間間都難，想叩華仁就更加難。真想入華仁就抽啦，據貴校風水，成功率高呀。最重要你可能已在後備席，或已入選。只係你唔知啫。

02413124

九華讀書風氣自由，如果你講到咁懶散，我會簡匯基。9成係油天？識人上年抽唔到，碌到好後。

mooie

本帖最後由 mooie 於 25-4-11 22:40 編輯

我估樓主仔仔係新油天學生，比我一定大抽獎搏九華，機會真係好大，另外想問仔仔自行九華有冇得去面試？如果有，仲有機會後補，B1A 洗乜咁快就去揀匯基，如果係男拔就話啫，你乙1放九華，乙2聖方濟，基本上已經係呢兩間是但一間

tkinwong

要入華仁，最大機會就係大抽獎。如果要叩門，我諗要拎到級頭再加埋特異功能先得。

大抽獎嘅話，我諗最差嘅情況，都係跌咗去循道。咁如果本身係1A成績，我諗扣翻一間英文直資應該都唔困難。

喇叭茶

tkinwong 發表於 25-4-11 23:44
要入華仁，最大機會就係大抽獎。如果要叩門，我諗要拎到級頭再加埋特異功能先得。

大抽獎嘅話，我諗最差嘅 ...

以前我都會覺得咁樣大抽獎最好，但依家聽聽埋埋話現在去叩門係超級難，因為高才通子女實在太勁，競爭太大，萬一派得唔滿意，到時想叩門轉校，官津直資都係難。

adriantai

呢個情況梗係抽啦

Calaci

但性格上似乎不太適合男校