大學生消費

天外之人

各位入了大學既孩子家長,不論富裕或貧窮,在大學生涯會比多少費用孩子生活? 去了孩子大學內部餐廳,收費都唔算低,感覺好像都沒有什麼學生優惠. 今天中午同孩子視像傾計,討論了他在大學圖書館借的書一點點內容,分享出來看看是否跟現今家長所做及一定有對孩子所講既一句話.
"這是為你著想"

blochan1

好睇家庭背景和家長做法

blochan1

有啲學生自力更生，生活費甚至學費都自己比；有啲學生所有費用都家長比，不過通常家境比較清貧嘅學生都會偏向前者

妹妹頭

天外之人 發表於 24-9-9 17:12
各位入了大學既孩子家長,不論富裕或貧窮,在大學生涯會比多少費用孩子生活? 去了孩子大學內部餐廳,收費都唔 ...

我女考完DSE已經開始教班，自給自足，連電腦都係自費，平時搭車食飯消遣，已經冇問我取一分一毫

twobirds

妹妹頭 發表於 24-9-9 17:55
我女考完DSE已經開始教班，自給自足，連電腦都係自費，平時搭車食飯消遣，已經冇問我取一分一毫 ...

我仔話同學都慳錢，比如，夜晚瞓覺唔會開冷氣，只會開風扇。
我仔部電腦就我送俾佢，其他就真係自給自足了，佢有做補習賺零用錢。

gracelam

天外之人 發表於 24-9-9 17:12
各位入了大學既孩子家長,不論富裕或貧窮,在大學生涯會比多少費用孩子生活? 去了孩子大學內部餐廳,收費都唔 ...

我哋有俾生活費，佢住hall，食飯/聯宜/娛樂/搭車唔想因為$去影響大學生活，另外佢自己有接補習，其實佢每月都有錢儲，今年已經去咗幾次旅行

gracelam

liverpool2023 發表於 24-9-9 18:53
大學餐廳點會唔平？
我去過港大中大城大科大，全部都比外面平

平但唔好食， 我女晚上通常去大圍／沙田／大埔食，趕功課／溫書／做project就叫外賣， 如果下午有堂上，lunch先去canteen 食。

孺子牛

純綷個人意見:

如果家庭經濟能力許可, 我會俾學費及基本費用 (如搭車, 每日一餐費用等), 其他聯誼活動等就佢自己搞掂, 等佢有時間好好享受大學生活.

kirstyau

天外之人 發表於 24-9-9 17:12
各位入了大學既孩子家長,不論富裕或貧窮,在大學生涯會比多少費用孩子生活? 去了孩子大學內部餐廳,收費都唔 ...

大學學費MacBook 會幫佢比,但衣食行自己補習攪掂。不過一齊佢出街要買衫褲鞋襪都會幫佢比。所以阿女而家食飽先返學話唔想使錢。

但其實佢啲補習絕對足夠佢正常開支

FNN

我經常和老婆在這個問題上有不同的看法：

我習慣將信用卡或debit卡放在女兒的 Apple Pay 裡，對她的消費並不過於干涉。我認為這樣的做法沒有問題，因為這能幫助女兒培養出不貪圖享樂的品格，不會因金錢而在他人面前屈服，也不會做一些自己並不喜歡的事情。我希望她能有一條高尚的底線，讓她在面對金錢時更加從容。

然而，老婆對金錢的看法卻與我大相逕庭（比較近乎港女）   。她擔心我的做法會讓女兒失去對金錢的概念，無法學會理財。她強調我每做星期應給與女兒固定的零用。她的想法有她的道理，不過她不能改變我的做法。

多年來，女兒的性格也十分隨性。她的餐飲消費可以從三十元到千元不等，視乎和誰在一起以及場合的不同。即便是同學們背著價值幾千的包包，她也能接受十元的布袋去上學。花費也不是很多，因為可能她知道每條數都有記錄，也不會亂花。

現在上最後一年大學，我沒有想要改變，也沒有必要改變了。

P.S. 我不同意自己女兒在求學時期去賺取微薄的收入去過活，這不是很有價值。求學時期，應好好利用時間去吸取新知識，時間不是用來換取微薄的收入。

Rpp

FNN 發表於 24-9-10 06:30
我經常和老婆在這個問題上有不同的看法：

我習慣將信用卡或debit卡放在女兒的 Apple Pay 裡，對她的消費並 ...

可以體驗賺錢的樂趣和辛苦，補習或者兼職都不是問題，不是為時間換賺取生活費或去旅遊便可以。

妹妹頭

Rpp 發表於 24-9-10 07:03
可以體驗賺錢的樂趣和辛苦，補習或者兼職都不是問題，不是為時間換賺取生活費或去旅遊便可以。
...

我覺得只要唔好工作時間太長既part time，係冇所謂。因為一來可以賺取佢地既使用消遣費，二來，工作中都可以學到唔少野，e.g.從教班上堂，可以學到大膽d，將來present都唔會太驚，阿女話，連點用fax機，點用影印機都要學，最重要係要編寫筆記，都可以從而用到已有知識。

YolandaTam

我家大三學生係走讀生，每個月頭自己準備預算問佢爸攞零用錢。
平日佢會將自己所有支出鉅細無遺用app 記低，佢話自己每個月用二千蚊左右。
佢無做兼職，但有投資股票。

FNN

我媽三十年前都每月比四千我做零用，自己好辛苦兼幾份職先有萬多元消費，好難想像而家兩千蚊點過一個月！

天外之人

真的各有各不同方式，也有它的好與不好存在，我都如同12樓既家長一樣，求學時期，應好好利用時間去吸取更新更深知識，讓思維返回幼時天馬行空想法去創新，不用為生活去工作吸收一般性質工作經驗，更何況剛入大學生涯，對自己選擇既專業好好去發揮，不要受工作關係影響學業，當然會貫輸正確消費，更不要步向投機賭博方向既金融世界。

YolandaTam

天外之人 發表於 24-9-10 09:55
真的各有各不同方式，也有它的好與不好存在，我都如同12樓既家長一樣，求學時期，應好好利用時間去吸取更新 ...

金融世界不一定係賭博嘅，尤其對於讀金融嘅人而言。
一切視乎心態。

connielamyee

妹妹頭 發表於 24-9-9 17:55
我女考完DSE已經開始教班，自給自足，連電腦都係自費，平時搭車食飯消遣，已經冇問我取一分一毫 ...

妳女好乖 ，我女未得