小朋友偏科英文，小學點揀好？

angiejai

如果係你地，會同小朋友惡補弱科平衡返，定係驚逼得太緊令佢對學習失去興趣由得佢？
背景: 私幼平時英普為主，英文好，中文超差，K3 都淨係識大約50個字，拎起書就話眼瞓。數體藝音都ok，活潑坐唔定多嘢講，無宗教信仰。

聖雅各: 多功課，谷，學校比較嚴。免費，校網升中好


啟基: 硬件設施性價比相對唔高。有愛心，多活動，初小壓力細


啓思:  會更加偏科英文，學費貴。IB，校規自由，壓力較細

RainyRice

angiejai 發表於 24-4-29 22:30
如果係你地，會同小朋友惡補弱科平衡返，定係驚逼得太緊令佢對學習失去興趣由得佢？
背景: 私幼平時英普為 ...

在幼稚園便說偏科太早了，在現今時代大部份小朋友都覺得中文好難，但就算國際學校其實都要識中文。除非有學習障礙，正常應該學得識。怕自己教小朋友逼得太緊，可以出去找一間中文班上認字班。暑假前盡快識讀和寫多些字，上小學會輕鬆開心好多。

minichong28

如果你諗住放洋, 讀邊間都無所謂
如果你諗住香港繼續升學, 就快快學好中文

啟思係中文小學, 好著重中文, IB都係中文教, 點會偏英文, 裡面讀既人多數係有家底國內家庭或屋企有英語背景, 所以英文先保持, 如果屋企無英文語境, 單靠學校就慘

Ashleydear

應該先睇吓你哋家庭取向，有冇機會會去海外升學，如果有機會，而你又覺得中文要加強，無論係讀邊間學校或外補，都要首先加強中文閱讀能力。如果一直唔肯睇中文書，其實讀邊度都冇用。

boboapril

補就唔－定等如惡補。搵多幾間同時學好中文，襯未上小－有時間，睇下邊間趣味性大d, 上小－keep -間好了，group class 玩下d小比賽，小朋友應該受落d, 亦睇吓邊個老師同小朋友夾d.  上到小學，就真係家長要跟緊d中文功課了，校內課程唔好靠補習老師。

boboapril

啟基應該適合d

chingchub

會否考慮放洋？如果會不久將來走，讀咩都冇所謂，如考埋公開試先走，IB都適合外國升大。但要留意IB一樣要讀中文，都唔係易。而IB課程會好忙，比較長期佢戰，好多project計分，要好自律識time mgt先合適讀。

如有心想小朋友學好中文，先唔好再谷英文住，兩科差距越遠只會越冇興趣讀中文，要盡快令兩科差距縮短！

Dadagaga

升小前仲有幾個月，絕對有足夠時間追返中文程度，甚至可以追到小一上學期程度。升到小學，每科都要兼顧，就更難追。

chriskaan

回覆 angiejai 的帖子

其實 , 啟基 / 啟思 , 都係以廣東話授課多 , 而且中文都係本地課程 !!
以過來人經驗分享 , 我小朋友都係幼稚園時期已經嚴重偏向英語 , 最後考小學 , 只考左幾間所謂英文直資 + 1間真全英語授課(除左中文科) 的私小 , 由於小朋友中文的確差 , 連 K2 開始幫手補習中文 + 認字的老師 , 都叫我唔好浪費小朋友成長時期的學習黃金時間 , 叫我直接搵間英文小學俾小朋友 , 老師見過好多小朋友 , 如果用3年時間去追中文 , 追完中文後又要再追成績 , 其實小朋友6年小學 , 都不停追追追 , 成績差會越讀越無自信 , 所以 , 就算當年我抽獎抽到地區一線小學都放位 , 最後決定俾小朋友入讀一間全英語授課的私小 , 俾佢用佢自己熟悉的語言去學習 , 書係小朋友讀 , 唔係家長讀 , 我亦唔想每天小朋友放學返屋企 , 對住一堆唔理解的功課等我放工返屋企再教佢做 , 當然 , 半放棄中文的背後就是靠家長的課金支持...!!

其實 , 有2間津校或直資 , 大部份科目都係以英語授課 , 你可以考慮將來俾小朋友叩門 , 但係 , 插班位少 , 而且都要睇成績 , 家長同小朋友都要努力一下 !!

最後你亦要考慮將來升學的問題 , 如果想入一間比較好的中學 , 中文能力一定唔差 , 除非你考慮升中就會俾小朋友離開香港 , 或者轉讀其他私校 / 國際學校(即係...有錢讀咩都無所謂) , 否則 , 最後都是要老老實實學好中文 !!  

miku2010

chriskaan 發表於 24-5-4 13:41
回覆 angiejai 的帖子

其實 , 啟基 / 啟思 , 都係以廣東話授課多 , 而且中文都係本地課程 !!

想請問係邊2間津同直資主要用英語教啊？(emoji)

chriskaan

回覆 miku2010 的帖子

津校 >> 李鄭屋官立小學 及 天主教總堂區學校

kissis

幼稚園唔會偏科啦，趁未升小落力追，唔精都至少要合格，加油

RainyRice

angiejai 發表於 24-4-29 22:30
如果係你地，會同小朋友惡補弱科平衡返，定係驚逼得太緊令佢對學習失去興趣由得佢？
背景: 私幼平時英普為 ...

其實我小朋友到K3暑假英文開始chapter books但中文仍是文盲，P2前沒有補中文，到P2已經大致追到，到P2有上了一些普通大班中文班。中文不是最top但可以閱讀適合年齡的故事書課外書。另一K小朋友不久前也不肯讀中文故事書，現在已經可讀亦肯讀。
記得某女作家(中文）都說在10歲前都一直被讀寫障礙困擾。
只不過幼稚園/小一，不用放棄….

LeeCC

幼稚園咁早就斷定偏科？就算讀寫障礙都要6歲才可確診吖

小曳人

唔知你"惡補" 係點惡法

但我會用佢有興趣嘅野引佢
e.g. 大大下睇老鼠記者 (英文版)，睇多幾本，就氹佢睇d中文版  
去行科學館，指住d中文字讀/講解展品
佢唔需要鍾意中文，但大人就用興趣吸引佢認字

至於出唔出國，我又覺得關係唔大，反而出國~ 我會先訓練孩子有一定嘅中文程度，因為以後就無機會再學
而留响HK，就行non jupas 大方向，唔讀local 課程嘅學校就無大問題