彭學高，五旬節，九龍塘中學校風

月光夢魔兔

Cherryroy 發表於 23-12-29 22:38
快自行交表，所以想了解下這3間學校校風

你有無去呢3間學校聽講座？        彭學高係我最想入， 因我女鐘意， 但我知應該自行都難入， 呢3間我都有去聽， 彭學高有日文， 韓文學， 可考dse我女想學日文， 校長好有心辦學， 想搞好間學校， 而五旬節感覺宗教都幾濃厚，要接受到先好，五旬節校長講星期六返去係返團契， 但彭學高星期六係要返學嘅，星期六返去係學英文。

月光夢魔兔

LeeCC 發表於 23-12-31 12:34
朋友只係代課，對學校和學生的感覺

其他係有帶不過唔係續個課室帶，只係大概講講課室係邊同做啲咩咁，唔係續個課室帶你去同講解。 我唔係話一定要咁做， 只係講下。其實個日去九龍塘中學個學校帶我去課室時， 我都有啲唔好意思，因之後我都趕住去另一間中學聽講座。

LeeCC

月光夢魔兔 發表於 23-12-31 12:42
其他係有帶不過唔係續個課室帶，只係大概講講課室係邊同做啲咩咁，唔係續個課室帶你去同講解。 我唔係話一 ...

學校對學生表現有信心，才會放心畀佢地帶家長參觀

Cherryroy

回覆 月光夢魔兔 的帖子

我有去彭學高，我都覺得校長有心攪好學校，其次又係協恩前副校 所以對學校有信心，阿囡去完都好想入。五旬節同九龍塘就無去，但有朋友讀緊九龍塘，話學校都幾嚴 ，唔合格會留校溫習，據朋友講佢哋仲升緊band,所以都幾谷學生溫習，所以我都有心俾囡囡去，太輕鬆學校，我囡會懶散。
五旬節就因為我諗埋抽獎點排，我就留意五嘅banding同埋自行收學生要求。佢比彭同西九龍但我見舊留言話佢校風差，再增加上它剛轉校長，所以想有剛入讀家長意見。
我囡係band2c至3A,所以抽獎我無信心抽好，唯有選合佢band同面試佔比重嘅學校。
彭其實就一定放，但只係排先後，放五定九龍塘好？其實聽大家見義，我諗我會放五，但校風方面其實係咪差？

LeeCC

Cherryroy 發表於 23-12-31 16:56
回覆 月光夢魔兔 的帖子

我有去彭學高，我都覺得校長有心攪好學校，其次又係協恩前副校 所以對學校有信心 ...

有無考慮胡兆熾？

之前我幫2C-3同學問老師朋友，佢答九龍塘就等抽獎或叩門，自行建議胡

月光夢魔兔

Cherryroy 發表於 23-12-31 16:56
回覆 月光夢魔兔 的帖子

我有去彭學高，我都覺得校長有心攪好學校，其次又係協恩前副校 所以對學校有信心 ...

你情況好似同我差不多， 我係預自行落空因真係少位， 而家睇抽獎係點排。

月光夢魔兔

LeeCC 發表於 23-12-31 17:25
有無考慮胡兆熾？

之前我幫2C-3同學問老師朋友，佢答九龍塘就等抽獎或叩門，自行建議胡

胡好似banding高過彭？ 彭學高我都怕唔得 .

月光夢魔兔

Cherryroy 發表於 23-12-31 16:56
回覆 月光夢魔兔 的帖子

我有去彭學高，我都覺得校長有心攪好學校，其次又係協恩前副校 所以對學校有信心 ...

五旬節基督教講耶穌， 我女聽到佢就話咁寧願聽書上堂   .

LeeCC

月光夢魔兔 發表於 23-12-31 17:55
五旬節基督教講耶穌， 我女聽到佢就話咁寧願聽書上堂   .

有宗教的學校就係咁，如果唔習慣係幾難接受任何事都話感恩，天父，還有各種節日的宗教儀式，記得小學時有一次學校旅行前，全體祈禱，有家長義工話，下？又祈禱

除了道教可x幾乎無乜宗教教育，家長話完全唔覺得學校有宗教背景，其他有宗教的學校，不論天主教基督教佛教都會有宗教教育和活動

各人喜好不同，有宗教是我地要求之一，小朋友由幼稚園到中學一直都是基督教氣氛比較濃的學校，佢地去遠足wildcamp都要崇拜祈禱才出發

Cherryroy

回覆 LeeCC 的帖子

我有睇胡，但自行佢睇成績第次佔50％，所以唔敢博。我囡成績唔係好。

月光夢魔兔

LeeCC 發表於 23-12-31 18:02
有宗教的學校就係咁，如果唔習慣係幾難接受任何事都話感恩，天父，還有各種節日的宗教儀式，記得小學時有 ...

係， 真係要接受到先得， 我女幼稚園都係基督教但就無咁濃厚。

月光夢魔兔

Cherryroy 發表於 23-12-31 18:11
回覆 LeeCC 的帖子

我有睇胡，但自行佢睇成績第次佔50％，所以唔敢博。我囡成績唔係好。

其實大部份學校都係睇成續， 基本都係估50%多 .

LeeCC

月光夢魔兔 發表於 23-12-31 18:32
係， 真係要接受到先得， 我女幼稚園都係基督教但就無咁濃厚。

有家長話一定唔會揀有宗教的學校，因為唔想讀多一科

月光夢魔兔

LeeCC 發表於 23-12-31 18:39
有家長話一定唔會揀有宗教的學校，因為唔想讀多一科

係。 因為感覺浪費時間， 我小學讀基督教小學要考聖經。 當時已經諗點解要考呢科，對將來都無用。

LeeCC

月光夢魔兔 發表於 23-12-31 18:43
係。 因為感覺浪費時間， 我小學讀基督教小學要考聖經。 當時已經諗點解要考呢科，對將來都無用。
...

這都係個人和家庭選擇

我地選校，基督教學校係要求之一


有一次家長講座，請外面講者來主講，問家長點解會選呢間學校，結果唔少家長答宗教
入讀發現唔少信二代，同學長假期唔係去旅行，係跟傳道人去其他地方傳道做義工

月光夢魔兔

LeeCC 發表於 23-12-31 18:53
這都係個人和家庭選擇

我地選校，基督教學校係要求之一

宗教無問題嘅， 其實多一個選擇。 而家抽獎都唔知點排位好 . 老師話如抽獎保守填。

10090

月光夢魔兔 發表於 23-12-31 17:55
五旬節基督教講耶穌， 我女聽到佢就話咁寧願聽書上堂   .

彭學高都係基督教

10090

月光夢魔兔 發表於 23-12-31 18:43
係。 因為感覺浪費時間， 我小學讀基督教小學要考聖經。 當時已經諗點解要考呢科，對將來都無用。
...

應該係掉轉喎，宗教對將來先有用，每逢星期日可以去教會，紅事白事都係去教會。

LeeCC

月光夢魔兔 發表於 23-12-31 19:02
宗教無問題嘅， 其實多一個選擇。 而家抽獎都唔知點排位好  . 老師話如抽獎保守填。
...

有宗教的學校的宗教氣氛都有不同的程度，校長講座都可以睇到學校有幾重視，這個要自己親身感受

另外睇下學校網頁的學校活動，係咪好多都係宗教活動，都可以參考下

月光夢魔兔

LeeCC 發表於 23-12-31 19:54
有宗教的學校的宗教氣氛都有不同的程度，校長講座都可以睇到學校有幾重視，這個要自己親身感受

另外睇下 ...

所以我睇到五旬節比較重視宗教， 而彭學校就較重視學術。