英文寫字

Cusausa

大家好，我小朋友IS Y1，睇英文書/文章能力還可以，有basic phonics knowledge (簡單cvc blending)。慶幸佢都算鍾意睇書嘅… 不過我估佢睇書時大多部份都係靠佢sight words 既database only。

雖然佢認字唔少，而睇書既種類都蠻多的，但我既問題係佢寫(spelling)就真係唔係好得…

想請教下各位前輩:1) 小朋友響IS應該幾歲/年級係寫得出簡單句子？2) 大家有冇咩方法去support提升小朋友既寫字能力呢?

(注: 學校暫時未係好push佢哋寫作，which我覺得係OK嘅，不過我係想睇吓自己有咩方法可以幫一幫佢。）

萬份感謝: )

Radiomama

Y1 的小朋友如果已經掌握basic phonic knowledge, 不妨試玩magic writing, 即同佢多啲以聲音寫文字，串錯唔緊要，最好係一句一句短而有意思的句子。school 可能寫成skool, eat可以係it, rainbow 會係ringbo; 呢個階段可以是一個有趣的拼音 文字的學習發展期。

另外配合guided reading, 按程度慢慢增加閱讀的廣濶度。我哋以前用網上平台raz kids, 唔知依家興邊種，我覺得冇所謂，每日都讀，增加sight words.

不過如果家長陪讀實體書果陣，盡量就唔好變咗「閱讀理解」或不斷問書，這樣容易消減小朋友閱讀興趣。

Y1還是剛起步，不用太心急。

Cusausa

Radiomama 發表於 23-9-26 01:19
Y1 的小朋友如果已經掌握basic phonic knowledge, 不妨試玩magic writing, 即同佢多啲以聲音寫文字，串錯唔 ...

Thank you!!

amuroo

我有同問，跟

但覺得y1寫字已有些少落後

Radiomama

其實啱啱上Y1, 唔好一開波就比較。

聽講讀寫，逐步嚟。

小朋友聽的能力怎樣？能講番幾多俾你知？平日點樣同你及其他人英語互動？愛閱讀嗎？能導佢成為書蟲就是最好的禮物。

最後才是寫；你有冇試過同佢玩遊戲，寫個字出嚟、然後由佢做動作、再叫daddy或菲傭姐姐估答案。這些遊戲讓小朋友學習溝通，家長最緊要有心同佢玩。

平日寫咭、寫memo都可以多鼓勵，文字用來溝通，唔一定只係反覆去串字。

既然讀國際學校，多創造環境空間讓孩子愛上學習、上學和閱讀。我不贊成咁細個上乜班乜班，世界唔再需要你串字叻，但要你識同人溝通。

melobi12

唔使擔心，Y1先啱啱開學，我小朋友（今年Y2）嘅學校喺reception 都冇寫句子，Y1會慢慢開始學唔同寫作格式，例如會教佢地寫report，記錄下其他科嘅observations；逐步guide住佢地寫stories，一個story有咩部份組成、起承轉合。

當然唔會一步登天寫到滿滿一頁紙，第一個寫嘅故事可能得三幾句短句，但慢慢到Y1尾我見佢會得閒無事自己喺度寫故事（10句8句咁樣）、用memo字寫下啲短message俾屋企人。

當中串字都唔係100%啱，但拼啱音就冇問題，慢慢嚟。我覺得小朋友寫呢啲字好可愛，呢個階段好快就會過去。

我地Y1開始每星期有spelling test，我會拎住個list 突擊問佢（唔俾佢知有咩字，冇事前溫習），唔計啲唔跟規矩嘅sight words，我就可以知道佢係咪掌握嗰次主力test嘅拼音。如果佢本身phonics個底ok，就算佢串錯，我加少少解釋、俾多幾個example佢，佢就會記得。

我見佢overall跟到，所以冇特別幫佢啲咩，只係會提供好多書俾佢睇。

Cusausa

melobi12 發表於 23-9-29 07:59
唔使擔心，Y1先啱啱開學，我小朋友（今年Y2）嘅學校喺reception 都冇寫句子，Y1會慢慢開始學唔同寫作格式， ...

多謝你! 很實用的分享 :)