陪開學

大食媽咪

好奇想知有幾多人有打算陪仔女飛去陪開學?我自己就覺得都大學,咁大個應該唔使陪啦。但早兩日聽我女講佢D同學仔父母個個都會陪佢地飛去開學...聽到阿女咁講其實真係有點意外。問阿女想唔想我陪佢去開學佢就話唔想,但諗諗吓,一個人去一個從未到過既地方,0個邊又無人無物,要自己一個攞住咁多行李由機場搵路搵到去校園其實會唔會都難呢...想知大學會唔會有呢方面既支援既呢,請指教

Jpeg74

我都會陪，一家人一齊陪，雖然細果個開咗學有少少kick 手，但呢個係一個人生重要時刻同永世難忘既回憶，第二時買唔返。

大食媽咪

Jpeg74 發表於 23-5-4 08:29
我都會陪，一家人一齊陪，雖然細果個開咗學有少少kick 手，但呢個係一個人生重要時刻同永世難忘既回憶，第 ...

我都覺得係佢人生一個重要時刻，所以諗住放手俾佢自己去經歷多D,對佢黎講一定會係難忘回憶

yuyueng

我仔第一次去英國開學我都有同佢去，當然因為當時佢只系15歲，加上又約左監護人見下面，所以系需要陪同。我同佢提早一星期到倫敦，我地去觀光行景點，全程我地2個人，唔系去好多地方，5日起倫敦2日起佢學校附近個小鎮加1日劍橋即日往返，行程好輕鬆，我地邊行海德公園邊傾偈，好似朋友甘既悠閒親子旅行好難忘，有傾細個既野，亦有傾將來夢想等等，之後應該難再有機會單獨2個人一齊去旅行啦。其實你一齊去起碼可以幫佢帶25KG野，去到之後又可以幫佢添置需要物品，趁佢岩岩中學畢業仲未大個，有錢有假期好值得去。

yuyueng

Jpeg74 發表於 23-5-4 08:29
我都會陪，一家人一齊陪，雖然細果個開咗學有少少kick 手，但呢個係一個人生重要時刻同永世難忘既回憶，第 ...

非常認同，第時應該再無乜甘既機會啦。

大食媽咪

yuyueng 發表於 23-5-4 08:50
我仔第一次去英國開學我都有同佢去，當然因為當時佢只系15歲，加上又約左監護人見下面，所以系需要陪同。我 ...

如果15歲,就算唔一定我諗我都一定會陪。而家18歲,我又覺得係咪可以放手俾佢獨立
女仔可能好D,阿女平時同我都好close好多時候講心事。原本都好覺得唔需要陪,但見個個都話陪,開始有D動搖添

yuyueng

大食媽咪 發表於 23-5-4 09:40
如果15歲,就算唔一定我諗我都一定會陪。而家18歲,我又覺得係咪可以放手俾佢獨立
女仔可能好D,阿女 ...

以前多數一家三口去旅行，好少有單獨2個人去旅行，當時大家都系第一次去英國，所以好似2個同學一齊去旅行甘，好開心。

一齊去啦，要放手既野大把機會。

Jasber

舊年我都有同先生一齊陪女女過去開學，一來參觀下宿舍，知道校園宿舍周圍環境，自己都安心啲佢一個女仔係果邊生活；二來可以幫手帶多幾十kg行李，幾個喼咁多嘢如果一個人搬都幾「論盡」；三來有啲太bulky例如枕頭、煮食煲、鑊、帶唔到，我地可以到步幫手買；四來未試過會分開咁耐，點都有啲唔捨得，爭取多啲時間一齊呀！
話時話，當日搬入宿舍，以為自己係怪獸家長，眼見唔同國籍唔同膚色都有爸爸媽媽搬手搬入宿舍，大開眼界！

SIYip

有假有錢咪當一家人旅行囉，難得今年無晒限制，早兩年想陪都陪唔到。

Brianmommy

舊年阿仔入大學我地都有陪佢，因為佢有好多嘢要租車由中學搬去大學。而且我地可以去大學周圍影吓相、參觀下唔同嘅college 同museum ，幫佢買啲生活用品之類。佢開學之後我哋就出去倫敦順便遊覽下

Belfastmummy

我都有陪仔仔開學，同佢一齊買吓野回宿舍，行吓校園，好多成家人都會去㗎。開學之後同佢傾電話講今日去邊度上堂呀食lunch呀都有啲晝面印象幾好。

大食媽咪

原來真係一個唔陪開學既人都無架喎,竟然真係一個都搵唔到

manman333

無陪開學 ~ 到！
我仔入學年就是疫情的一年，停航，21/14/隔離，搵唔到機位酒店，咩都齊。 所以由yr 10, 到現在yr 12 都無去 。
不過大學都會去既，但如果回香港讀大學，又唔駛去了。

大食媽咪

manman333 發表於 23-5-5 13:42
無陪開學 ~ 到！
我仔入學年就是疫情的一年，停航，21/14/隔離，搵唔到機位酒店，咩都齊。 所以由yr 10, 到 ...

咁你都係無選擇下先無陪0者

洋蔥頭媽咪

大食媽咪 發表於 23-5-5 12:37
原來真係一個唔陪開學既人都無架喎,竟然真係一個都搵唔到

我仔去年入大學我都冇陪，佢自己一個人飛一個人試下獨立生活，都好快適應，其實有曬宿舍有學校乜嘢都可以問，都唔需要太擔心， 佢哋已經大個啦，可以放手唔畀機會佢哋試下

alpham0m

有得去我一定做跟得媽咪！

YuYuMother

呀女過英國讀大學時我想陪，但佢話唔需要自己搞得掂，所以最後無陪。 佢想有人陪我會去，但佢覺得唔使我唔會堅持去，尊重佢

大食媽咪

洋蔥頭媽咪 發表於 23-5-5 14:21
我仔去年入大學我都冇陪，佢自己一個人飛一個人試下獨立生活，都好快適應，其實有曬宿舍有學校乜嘢都可以 ...

其實我都係咁覺得。唯一擔心係怕一個人要攞住咁多行李又要搵路去學校會論盡，同埋聽講而家倫敦偷野搶野個案都多咗，一個後生女點都會有少少擔心。如果順利去得到學校既話其實就無野要擔心。

大食媽咪

YuYuMother 發表於 23-5-5 14:32
呀女過英國讀大學時我想陪，但佢話唔需要自己搞得掂，所以最後無陪。 佢想有人陪我會去，但佢覺 ...

我女都話唔使我陪,所以要想去陪其實都要佢問過佢OK先得。但到時佢見人人有父母陪,又怕佢個心唔舒服...做人父母真係會有好多憂慮

alpham0m

本人唔係香港人，18歲後離開父母未曾一齊再同住。仔女入大學搬入宿舍咁有意義既人生里程碑，我排除萬難都要跟實佢去啊！