兒童抽動症/妥瑞症

terrenandtania

小兒已9歲，之前症狀一輪輪時好時壞，最近嚴重…好擔心…又唔知有咩可以做，西醫話最好唔好食藥，始終係精神科藥物，中醫話試針灸但個仔超抗拒，有冇人有經驗？

sinsinlo

terrenandtania 發表於 23-2-12 00:09
小兒已9歲，之前症狀一輪輪時好時壞，最近嚴重…好擔心…又唔知有咩可以做，西醫話最好唔好食藥，始終係精 ...

我仔都係9歲, 小一時發現有妥端症, 依家keep住政府覆診腦神經外科(之前兒科)。其實妥瑞症會越來越嚴重, 高峰期應該係初中, 跟住就會慢慢好返, 多數成人就會無or變少。
暫時我同醫生都係傾向唔食藥, 除非影響到社交。

其實係香港除咗藥物,真係無乜可以幫助。
不過可以做多啲運動, 食少啲甜嘢。另外夜晚我會幫我仔用精油按摩, 舒緩佢既情緒, 都有唔多唔少既幫助。

terrenandtania

sinsinlo 發表於 23-3-13 16:58
我仔都係9歲, 小一時發現有妥端症, 依家keep住政府覆診腦神經外科(之前兒科)。其實妥瑞症會越來越嚴重, 高 ...

請問你仔仔係邊間醫院跟呀？我仔腦外科照完eeg話冇嘢就唔跟

sinsinlo

terrenandtania 發表於 23-3-14 14:20
請問你仔仔係邊間醫院跟呀？我仔腦外科照完eeg話冇嘢就唔跟

我仔係QE睇, 最初發現後, 就睇兒科, mon住病情. 但對上一次睇兒科既old sea food醫生話唔知咩叫妥瑞症, 上網check之後話唔係兒科跟, 本來仲想cut我地覆診, 話叫個小朋友唔好郁未得law 我地唔肯, 佢就轉介我地去腦神經外科, 剛覆診完,個醫生好好, 都會keep住覆診.

p.s.之前阿仔係兒科覆診, 個個醫生都好好(通常都係後生既)

iloveapplepie

sinsinlo 發表於 23-3-16 11:11
我仔係QE睇, 最初發現後, 就睇兒科, mon住病情. 但對上一次睇兒科既old sea food醫生話唔知咩叫妥瑞症, 上 ...

香港的醫生係無呢科讀，我仔仔見過好多家庭和專科醫生都唔知乜事
可主動叫醫生轉介去精神科，精神科應該有完善的支援，心理學家，社工，職業治療等等

妥瑞症的藥劑量輕微，副作用一般輕微
但聽有家長講有啲小朋友會有多啲副作用
我諗都係因人而異
未試過的話值得先試吓

iloveapplepie

terrenandtania 發表於 23-2-12 00:09
小兒已9歲，之前症狀一輪輪時好時壞，最近嚴重…好擔心…又唔知有咩可以做，西醫話最好唔好食藥，始終係精 ...

起初我們都傾向唔食
但我地的精神科醫生反而叫我地安心食藥

sinsinlo

iloveapplepie 發表於 23-3-27 21:14
起初我們都傾向唔食
但我地的精神科醫生反而叫我地安心食藥

其實點解要小朋友食藥?症狀有影響日常生活嗎?
另外小朋友有無其他問題?例如過度活躍症?

因為純抽動症其實唔應該係精神科, 所以由政府醫生發現我仔有妥瑞症起, 除睇過1次心理學家評估外, 都唔係睇精神科

iloveapplepie

sinsinlo 發表於 23-3-30 12:51
其實點解要小朋友食藥?症狀有影響日常生活嗎?
另外小朋友有無其他問題?例如過度活躍症?

嚴重時會影響生活，抽動時可以連行都行唔到，企定定响度仲有其他不同共病
（不過一開頭只係睇tics，經過十幾次各科專家評估，才發現有一連串問題，以前我地只係覺得不乖）

睇了幾個唔同專科醫生都話唔知乜事，轉介信轉來轉去
到最後一個專科醫生，都話唔知邊一個專科啱，
最後轉介信上款寫了幾個唔同專科叫我地試吓，
其中包括精神科和腦神經科。

之後經妥瑞群組的家長建議佢地都係去睇精神科，
話睇完腦神經，照完腦都話無事。

食完藥後，無乜副作用，妥瑞病症冇見到再有
而妥瑞症通常都有其他共病，
精神科會安排唔同專家跟進和訓練（心理學家，職業治療，社工，醫院護士，家長課程，小組行為治療等），得到全面啲照顧。

eightnine89

iloveapplepie 發表於 23-4-2 12:27
嚴重時會影響生活，抽動時可以連行都行唔到，企定定响度仲有其他不同共病
（不過一開頭只係睇tics，經過十 ...

請問可以pm睇邊個精神科嗎
已排緊政府兒童精神科
但想research下私家 考慮下會唔會先睇下

小朋友小一 有明顯壓力下 tics會明顯啲

george.c.w.chan

或者你試過自然療法。可能會有意想不到了嘅效果，而且無副作用。但首先要搵醫生肯寫醫生紙俾你去化驗所抽血同化驗。驗曬血裡面的維他命同啲化學元素水平。之後食supplement 補充睇下有無改善。