男女校問題

monkeydiary

因為我女同女仔相處好似有啲問題，我女同我講學校都有幾個女仔朋友，但每逢分組就唔肯同佢一組，令佢每次都要同男仔一組，所以我現在好頭痛，揀女校的話，驚到時會因為無人肯同組而影響學業，揀男女校又怕到咗青春期會拍拖，請問你地有冇咩建議呢？謝謝各位～

tkhhung

根本不需要理會這些少事 最緊要女女喜歡女校定男女校. 如果可以的話 當然女校

jesswu

你女同幾個女仔唔啱key，唔代表同所有女仔都唔啱key的。

我覺得個別情況而已。而家同幾個女仔唔啱唔代表同所有女仔都唔啱。

講真，唔係男就女，避唔到。去到男女校都有一半係女。

選校睇女兒意願，除非佢好抗拒女校，否則考慮埋就多d機會。

要拍拖咩情況都可，女校都可以同女仔"拍拖"，或同女同學d兄弟拍拖，或在補習社邂逅男生拍拖。要拍避唔到。當然，男女校拍拖情況可能多d，畢竟方便d，隔離位已可能成對象。

了解女兒喜好，能力，和學校的合適度才最重要。個人認爲，男仔女仔呢d比較次要。

lot888

monkeydiary 發表於 22-12-6 11:18
因為我女同女仔相處好似有啲問題，我女同我講學校都有幾個女仔朋友，但每逢分組就唔肯同佢一組，令佢每次都 ...

樓主，先說明我並沒有冒犯之意，只嘗試作個分析。如果貴女兒同學只願停留在玩樂層面，不願合作做project，可能要了解是否小朋友牲格不善於合作，例如之前曾發生遲到，遲交，沒習任感，自我中心，不接納他人意見，及容易產生口角。如果係，要處理。中學有更需同學合習做 project ，或建立學習小組。

cyiuming

本人覺得揀啲信譽好的女校例如協恩

monkeydiary

lot888 發表於 22-12-6 12:20
樓主，先說明我並沒有冒犯之意，只嘗試作個分析。如果貴女兒同學只願停留在玩樂層面，不願合作做project， ...

謝謝你的中肯意見，因為你的意見的確為我指引了方向，之前試過和阿女傾，佢就完全唔知自己有咩問題，問過老師，只話阿女較喜歡自己一個，大多數時間都只係企係隔離睇住同學玩（但佢睇得好開心,亦很喜歡上學），但聽完你的意見，我想要再找老師傾下計
而我自己就認為如果返學時沒有人肯同阿女一組，其實有機會影響學習，始終中學好多時都需要分組活動

LeeCC

讀女校唔會拍拖只係阿媽一廂情願的想法

monkeydiary

LeeCC 發表於 22-12-6 13:14
讀女校唔會拍拖只係阿媽一廂情願的想法

不但媽媽，爸爸也可能有這個盲點啊！

monkeydiary

其實可以怎樣改善自我中心的問題呢？

lot888

家長要said NO。由於家長溺愛，只有讚，極小責，所有事情都由小朋友話事，就容易自小養成自我中心。

adriantai

LeeCC 發表於 22-12-6 13:14
讀女校唔會拍拖只係阿媽一廂情願的想法

機會係低好多

adriantai

lot888 發表於 22-12-6 14:13
家長要said NO。由於家長溺愛，只有讚，極小責，所有事情都由小朋友話事，就容易自小養成自我中心。 ...

同意^^

LeeCC

adriantai 發表於 22-12-6 14:44
機會係低好多

朋友當初都以為係，個女入左地區band1女校，以為好放心，但唔夠1個月就夢醒了

原來D 女仔恨拍拖恨到發燒，上網識男仔，去商場識男仔，出街玩個個一對對，未拍拖的同學就不停有人介紹男仔佢識，叫佢拍拖

好彩佢個中一妹豬思想比較細，未識唸拍拖，仲會同媽咪講同學要介紹男仔畀佢，叫佢拍拖，點算呀？嚇得媽咪

adriantai

乜家下d band 1女校咁架

2jkidsfather

LeeCC 發表於 22-12-6 13:14
讀女校唔會拍拖只係阿媽一廂情願的想法

出外補習先係拍拖最大起因
因為有機會識名校生做拖友

adriantai

2jkidsfather 發表於 22-12-6 15:08
出外補習先係拍拖最大起因
因為有機會識名校生做拖友

咁係咪要有目的地去某D補習社？

LeeCC

2jkidsfather 發表於 22-12-6 15:08
出外補習先係拍拖最大起因
因為有機會識名校生做拖友

中一初段未開始咁多去補習，但已經令家長嚇一跳

LeeCC

adriantai 發表於 22-12-6 15:07
乜家下d band 1女校咁架

仲有搶同學電話，擅自幫同學download 交友app開account識人約去街

greentea000

為咩一定要女子組呢？唔通到大學／入公司又會有女子組選擇？

LeeCC

greentea000 發表於 22-12-6 15:25
為咩一定要女子組呢？唔通到大學／入公司又會有女子組選擇？

係囉，點解要女子組？

我地個間，分組project要有男有女，不可以男子組或女子組