將軍澳區一問

BSCYL

mengye 發表於 22-11-5 08:41
回覆 Poyau 的帖子

好多謝您既詳細的資訊！吾知朋友問吾問到今年前三/前五自行派位既情況。睇番的資料兩間 ...

首先聲明，我是從陰暗反面去分析估計。
（可能與事實有一段距離，請各自考慮）

志蓮的表列 的40% 50% 10% 太齊整， 是用4捨5入法，可能是35% 54% 11%。或 .......

第一，二，三欄內的中學，不代表 Band 1, Band 2及 Band 3 。 第一欄明顯 王華湘非 Band 1 英中， 統一抽籤，是 Band 1 的保險線， Band 2 生的熱門首選。 羅氏亦有部份 Band 2 生有機會入到。 扣除上述2間後。 實際能入 Band 1 中學的 應該少於30% 。還有這包括自行及統一抽籤派到。 我大膽估計真正自行成功的不足20%

我對區內中學不太熟， 尤其 Band 2, Band 3， 所以第二欄，無把握劃分。

如果誤判 40%為 Band1, 50% Band 2, 10% 為 Band3。與事實會相差較大。
40% （1）50% （2） 10% （3） 區內有個別2線在小學自行收足學生的都做不到。 長年自行收不足生的小學，我會視為3線。 3線更難。

mengye

BSCYL 發表於 22-11-5 21:17
要查查 志蓮，基德過往是否有師兄，師姊成功自行入到中婦及聖馬可，如果無，要更加小心，開荒牛成功機率較 ...

謝謝您！我以為係以派band1位超過三成既學校就吾係三線小學，所以吾係好識釐定三線。區內如梁小、明道、聖安德肋。。。等比較明顯既我就知道係二線，上面所提三所小學我就吾清楚係二線或是三線。我朋友佢哋最屬意係迦密主恩，會打算放自一，自二跨區首選係東區。東區民生聽講又係收表王，太多人競爭，所以朋友分別揀中婦及聖馬可，跨區都係想博，因為吾係自一，博到就博，博吾到也吾會覺得可惜嗰種心態吧

medicine

mengye 發表於 22-11-6 01:18
謝謝您！我以為係以派band1位超過三成既學校就吾係三線小學，所以吾係好識釐定三線。區內如梁小、明道、聖 ...

派B1校有三成,我相信不是三綫.即是二綫.
但該三間小學,只是講了校名,而沒有講人數,又如何確定到有幾多個學生入去B1校尼?

假如公佈B1校校名有7間,但每一間只入2個,B2校校名有兩間,每校入20個,B3校得一間校名,但入了46個,即全校100人.B1/B2/B3比例是7:2:1還是14:40:46尼?

medicine

medicine 發表於 22-11-6 01:35
派B1校有三成,我相信不是三綫.即是二綫.
但該三間小學,只是講了校名,而沒有講人數,又如何確定到有幾多個學 ...

補充:正如樓上有講,王華湘劃入B1,又有幾多個是入王而幾多個入其他真B1中學尼?
他區個幾間,應該是一至兩個(三個不是無可能,機會睇幾大咯.特別是沙田兩間,應該是搬屋才去甘遠返學啦).

但凡是唔講人數,我都會打個問號.

有心的話,計嗮區内公開校名人數的一二綫小學,就會發現,剩餘的百分比沒幾多比到其餘公佈校名未公佈人數的小學.

即區内B1率只有1/3,睇下一二綫普遍高於33%的B1率,特別是一綫,又是大校,人數多,B1率往往高於45%,其餘約100人甚至不足百人的小學要減唔少B1人數.

medicine

mengye 發表於 22-11-6 01:18
謝謝您！我以為係以派band1位超過三成既學校就吾係三線小學，所以吾係好識釐定三線。區內如梁小、明道、聖 ...

西貢區22所小學,四間B1官津中學.四校自行收164人.扣除一二綫的前列外闖跨區,實際剩下的可能是一二綫的B1B生和三綫的前列生競爭區内四校.外區入將軍澳似乎不是那麽强烈的意願,因而基本考慮區内競爭.
但講到自行成功迦密個40個,保持前三名,應該有機會,前五似乎要睇同校前幾名如何報名了.兩者都係搏而把握不大.但假如級一二,可能就不同了,穩入.因望落馮晴將天等,似乎主力外求.

mengye

回覆 medicine 的帖子

好感謝您詳細及中肯的分析！區內小學好似極少會公布升中派位校名+人數。以前馮晴都會公布人數，但係發覺佢近兩年都衹係公布校名，冇公布人數。我較清楚熱門既一二線，其他都比較模糊係屬幾線。雖然我朋友佢哋都想係自行斬纜，但係都清楚佢哋所在學校不是強校，自行又吾想放景嶺或將官中住，唯有都搏一搏了。

medicine

mengye 發表於 22-11-6 09:27
回覆 medicine 的帖子

好感謝您詳細及中肯的分析！區內小學好似極少會公布升中派位校名+人數。以前馮晴都 ...

是的,記得以前是有人數的.可能區内小學校長達成共識,齊齊唔報人數.
僅僅看外區校名,依然可睇出馮晴將天屬強校.

Chenglc

回覆 mengye 的帖子

將軍澳最受歡迎既2間中學 一 迦密主恩&宣基，自行學位加埋都係得81個，用同區22間官津小計算，平均每間分配少於4個，就咁睇牌面，級三都不一定十拿九穩可自行入主恩，要視乎同校級一和級二的取態，如果計算埋有外區生跨區交表，一線/二線學校成績差別，機會率會再低小小。
幾年前港島民生和中婦係shortlist 約200人面試，如果依家都無變, 咁你最好問下老師意見先，識人係你講既其中一間小學考級1X，自行港島民生都無得面試

cltw1211

Chenglc 發表於 22-11-6 13:14
回覆 mengye 的帖子

將軍澳最受歡迎既2間中學 一 迦密主恩&宣基，自行學位加埋都係得81個，用同區22間官津 ...

我地舊年一線小精英班，大部部同學自行都填外區。無乜人留守本區，最終放榜後同班只有2-3人留低，其他都他區了

hkpapa852

mengye 發表於 22-11-4 15:01
回覆 BSCYL 的帖子

我朋友佢哋話今年迦密主恩DSE成績好好，比較屬意此間，加上又係本區。宣基聽聞係收表大 ...

迦密主恩既DSE成績多年嚟都較聖言好，唔係忽然變好

hkpapa852

medicine 發表於 22-11-6 01:48
補充:正如樓上有講,王華湘劃入B1,又有幾多個是入王而幾多個入其他真B1中學尼?
他區個幾間,應該是一至兩個( ...

其實一間不受主流家長追捧既小學要做靚盤數反而仲易
當一級得番20人時，只要教好8個學生考好Pre-S1，B1比例自然達到40%

但當佢日後畢業生增加（如多咗一班），情況會慢慢有變（兩年後一轉用新Pre-S1成績分Banding就會見到分別）

所以要留意呢D學校過去同將來有幾多畢業生

呢個情況係多區既佛教學校經常見到：人少時升B1比例真係可以達到40%

hkpapa852

cltw1211 發表於 22-11-6 13:43
我地舊年一線小精英班，大部部同學自行都填外區。無乜人留守本區，最終放榜後同班只有2-3人留低，其他都他 ...

其實觀塘區B1中學水平不見得比TKO個3間好，東區亦只有3間成績明顯較TKO既好

Chenglc

回覆 cltw1211 的帖子

一線精英班向外揾食，剩番落黎非精英班既三甲，就會留守區內，呢批先至係樓主既主要競爭對手

mengye

Chenglc 發表於 22-11-6 13:14
回覆 mengye 的帖子

將軍澳最受歡迎既2間中學 一 迦密主恩&宣基，自行學位加埋都係得81個，用同區22間官津 ...

嗯，明白！朋友都知道佢哋所在學校自行外闖相對較困難。據您所講幾年前有同校1x 自行港島民生冇得面試，吾知朋友前三/前五有冇機呢？！朋友可能都會去試，都係搏一搏。

mengye

hkpapa852 發表於 22-11-6 14:02
其實觀塘區B1中學水平不見得比TKO個3間好，東區亦只有3間成績明顯較TKO既好

聽我朋友講迦密主恩DSE成績今年特別好，話今年仲好過中婦，今年計如排位就係迦密主恩＞聖馬可＞中婦。我就吾係好識，想請教hkpapa，今年計是否似我朋友所講咁樣？因為出年就到我小朋友開始揀校。現係區內二線就讀五年班，成績暫時保持在級前五內。可能到時揀校策略會同我朋友依家大同小異，吾夠膽去搏張祝珊，謝謝您！

Chenglc

回覆 mengye 的帖子

呢個最好問老師，睇下早一兩年有無人報過。不過我覺得，如果我/小朋友真係好鍾意呢間學校，就算之前無人報過，我都會試一試；相反，如果純粹想自行搞掂，揀景嶺會好過揀東區三寶

hkpapa852

mengye 發表於 22-11-6 15:11
聽我朋友講迦密主恩DSE成績今年特別好，話今年仲好過中婦，今年計如排位就係迦密主恩＞聖馬可＞中婦。我就 ...

迦密主恩成績上年並非"特別出色", 只係保持一貫水平, 只係一直大家"太睇小"佢

	迦密主恩		聖言		藍田聖保祿
	整體4+比例	4主科4+平均	整體4+比例	4主科4+平均	整體4+比例	4主科4+平均
2011-2012			57.50%	57.75%
2012-2013			60.50%	61.00%	67.64%	69.82%
2013-2014			64.10%	62.75%	66.64%	67.82%
2014-2015	66.90%		65.50%	63.63%	64.55%	67.73%
2015-2016	~71%		67.90%	66.25%	71.18%	76.83%
2016-2017	71.30%	71.20%	65.40%	62.55%	64.87%	65.99%
2017-2018		64.08%	61.10%	59.50%
2018-2019		67.53%	69.10%	65.63%
2019-2020		65.93%	64.00%	59.63%
2020-2021		70.58%	67.80%	64.25%
2021-2022		70.88%

藍田聖保祿成績最好個年出咗個狀元, 馬上又受人"吹/追捧". 不過之後其實已經打回原型, 近年再無家長分享成績

hkpapa852

mengye 發表於 22-11-6 15:11
聽我朋友講迦密主恩DSE成績今年特別好，話今年仲好過中婦，今年計如排位就係迦密主恩＞聖馬可＞中婦。我就 ...

聖馬可成績並無特別進步, 4主科4+平均都只係得 66.85% (上年 66.1%), 只係中婦今年成績大跌, 整體4+得番66.2% (上年係75.2%)

聖馬可一直不如迦密主恩, 中婦除今年外, 過往都較迦密主恩出色

BSCYL

mengye 發表於 22-11-6 14:53
嗯，明白！朋友都知道佢哋所在學校自行外闖相對較困難。據您所講幾年前有同校1x 自行港島民生冇得面試，吾 ...

只是非抱定自行一定要成功，迦密加外闖無問題。

BSCYL

BSCYL 發表於 22-11-7 14:15
只是非抱定自行一定要成功，迦密加外闖無問題。

雖然說西貢中學校網弱，但對統一抽籤的學生有着數。  
首先區內不少前列的學生外闖，自行離開的 Band 1 生不少。
由於名氣或其他因素，外區闖入的佔比較低。
還有區內有一間不錯的王華湘，作為 Band 1 生保險線， 在統一抽籤時，大可盡填本區+外區 的 Band 1， 再填王華湘。 不用怕，如果 連 Band 1 生都派不到王，他早就成為全英文班的英中了 。