轉校？唔轉校？

mandy_520

我都好想知點樣培育先對孩子最好。我都冇諗過小朋友會喺資優。係被學校老師一次次投訴，由當初以為喺ADHD，搵精神科醫生CHECK咗唔係。跟住又話似資優。叫我哋又去CHECK。最後CHECK到IQ146，詳細分數都好平均。數理邏輯偏高，言語表達需要加強。冇其他SEN問題。EP建議可以搵程度深D學校，話可以比多啲挑戰阿仔。或者照讀原校，額外搵資源。宜家讀緊津校，現時呢間學校程度感覺較淺，比較Happy，學校話會提供安排，但唔知津校嘅安排喺咪都跟教育局指引安排？（感覺學校完全冇支援，都係睇報告做嘢）9月份都升小二，就算轉校，都唔知咩學校會適合佢哋？我見好多資優小朋友最後都係津校轉去直資或者國際，其實轉呢類學校真係對佢哋發展較好？

阿仔學嘢喺較快，教佢任何嘢，講1-2次，已經明白原理，前因後果！暫時最鐘意都係玩數學，解難遊戲。學緊游水，踢波，鋼琴，每樣佢都幾鐘意！當然打機睇電視喺最愛，啱睇嘅書，講機械，科學，微生物，恐龍，歷史果類，佢都會好投入去睇，喺書本都學到知識再講返比我哋聽！就係阿仔個人太雜，好貪玩，好似咩都啱，如果真係培育，我應該點樣方向好？佢哋都係需要教導，需要學習基本知識，性格品德都要好好教育！我哋夫妻都經常陪伴周圍去玩。

暫時阿仔返學都開心，但都會感覺悶，我有同佢傾計，話如果媽咪搵間學校會多啲活動，多啲功課，會多新知識學，佢想唔想，佢都話想，我話如果搵一間全英文溝通學校喔，你會唔會嘗試挑戰呀，因為我哋始終講開中文。佢都願意！不過我個心，有時都會諗，既然佢可以讀到程度高D嘅課程，咁喺咪可以比佢試下呢。但當初揀Happy School，唔想谷佢，又唔想勿忘初衷。真係好矛盾啊！老公話可以睇定啲，睇下學校比唔比到資源先！

小曳人

你係咪响FB 問過？ 呢排好似咁多 >145 ...

anyways, 學校深淺唔係重點，如果佢要自學，幾深嘅學校都唔夠挑戰性！

你課外俾佢足夠空間自學就得

其實所謂深嘅學校唔一定係谷，而且，e+ 變態嗰個係小朋友，唔係學校，佢地好奇，學得快，唔想停，討厭慢

反而，你有無諗過peer group 問題？你估佢可唔可以同d"慢"嘅同學做到朋友？

我仔本身入咗名校，我以為佢會揾到能夠溝通嘅人做朋友，最後都係難... 就算一班除咗佢仲有>145嘅同學，都唔一定做到朋友 (大家興趣未必一樣)，唔好講成填普通人.... 當然，可能係我仔特別衰格，嫌人蠢啦...

我自己嘅睇法係，對於呢d小朋友：學校係學習同人相處嘅地方，屋企係學習知識嘅地方

然後，你再諗諗點安排學校呢樣野


btw, IQ >145 係 1:1000，0.1%
我仔最終响科大DP 識到班好啱傾嘅人

mandy_520

小曳人 發表於 22-7-27 18:27
你係咪响FB 問過？ 呢排好似咁多 >145 ...

anyways, 學校深淺唔係重點，如果佢要自學，幾深嘅學校都唔夠挑 ...

係呀！我都係Facebook問過，諗住問多啲人意見，睇下會唔會有更好資訊可以幫到阿仔更好(emoji)(emoji)

好奇，學得快，唔想停，討厭慢- 全部中曬

佢到而家都未搵到啱傾嘅朋友，除咗同爸爸，爸爸教佢好多知識，佢覺得爸爸講嘢最啱聽！咁我哋做父母仲可以點幫佢？今日收到學校電話，都係講叫佢參加奧數班呀，課堂比下額外練習佢！跳班要再傾，都要等到9月返學，要面見傾！

小曳人

跳班呢... 我想過，但學校唔俾，所以無野可以分享，如果你學校有得傾，可以睇定d

呢兩年插班唔難，唔駛咁急
奧數可以，但諗清楚為乜
奧數都係"記"方法嘅野，我家爸爸係反對學奧數，但唔介意阿仔去比賽

呢d細路，俾機會佢探索，俾佢睇書，自學，佢會話到你知佢對咩有興趣

真心建議學棋，俾機會佢做腦袋運動，同時學輸

stillgood20

小曳人 發表於 22-7-27 18:27
你係咪响FB 問過？ 呢排好似咁多 >145 ...

anyways, 學校深淺唔係重點，如果佢要自學，幾深嘅學校都唔夠挑 ...

資優兒童在正常學校揾朋友,真係唔易．你囝囝係名校都揾唔到．
係科大DP揾到,投契的朋友,那真好!

我細囝到大三四畢業先叫做有一兩個朋友．
而且,係多咗專業知識溝通．

我囝無做智商測試,一直唔比做, 而且,唔准提佢有咩特別．
所以, 外貌．接觸係一般小伙伴．

宜家,大個囝,畢業工作了．
人際始終較冷漠．
偶然揾返同學傾計,會開心d．

mandy_520

小曳人 發表於 22-7-27 23:08
跳班呢... 我想過，但學校唔俾，所以無野可以分享，如果你學校有得傾，可以睇定d

呢兩年插班唔難，唔駛咁 ...

多謝意見(emoji)

mandy_520

stillgood20 發表於 22-7-28 08:27
資優兒童在正常學校揾朋友,真係唔易．你囝囝係名校都揾唔到．
係科大DP揾到,投契的朋友,那真好!

所以之前仲以為阿仔社交障礙，點解同其他小朋友一樣，會古靈精怪傾計，咩都玩一餐！總係自己玩，或者同大人玩！不過如果你搵到佢一個咁啱嘅話題，佢就可以滔滔不絕咁同你傾！~

iphone555

mandy_520 發表於 22-7-27 09:37
我都好想知點樣培育先對孩子最好。我都冇諗過小朋友會喺資優。係被學校老師一次次投訴，由當初以為喺ADHD， ...

想請問有咩解難遊戲推薦？

mandy_520

iphone555 發表於 22-7-28 15:36
想請問有咩解難遊戲推薦？

小朋友都係睇書玩架！類似呢啲
https://www.parentshoplive.com/categories/%E8%A7%A3%E9%9B%A3%E9%81%8A%E6%88%B2%E9%A1%9E%E6%A9%8B%E6%A8%91%E6%9B%B8%E7%B3%BB%E5%88%97

iphone555

Thanks

wwyc4022

mandy_520 發表於 22-7-27 09:37
我都好想知點樣培育先對孩子最好。我都冇諗過小朋友會喺資優。係被學校老師一次次投訴，由當初以為喺ADHD， ...

請問小朋友會經常被老師投訴啲咩？咁佢平時除左學嘢快，仲有無其他過人之處？

mandy_520

wwyc4022 發表於 22-8-9 14:22
請問小朋友會經常被老師投訴啲咩？咁佢平時除左學嘢快，仲有無其他過人之處？
...

老師經常投訴佢同同學碰撞，但我已證實每次都係誇大同未必關我小朋友事！小朋友喺數理邏輯喺比較強！可以自學好多嘢，用LEGO或者廢物砌自己諗到嘅嘢！

iloveapplepie

小曳人 發表於 22-7-27 23:08
跳班呢... 我想過，但學校唔俾，所以無野可以分享，如果你學校有得傾，可以睇定d

呢兩年插班唔難，唔駛咁 ...

學棋真係好多好處
記憶力,  邏輯, 計算, 創意解難, 情緒管理, 社交等.......
我仔仔由第一日學棋到現在年多兩年時間, 改變真係好大好大, 特別係情緒管理上

跳班我就唔會考慮, 因為讀原級, 輕鬆考第一
課餘就有好多時間做其他活動, 學完要練習都用好多時間
加上我地有繼續依佢本身的程度俾佢學習再難啲課程, 多元發展都好充實

奧數我都係同你的睇法一樣
在仔仔K3時買過兩本小一二的奧數練習俾佢, 都完成到, 玩得幾開心
其後去了解過坊間的奧數班, 基本上都係教記題型和解題方法, 鬥快鬥熟去做, 以拎獎為目標
小朋友可能根本唔理解條題目都可以好快做啱, 我就唔想俾佢上
我情願現在咁, 用佢自己創意想到的奇怪方法解題(雖然可能會用好耐時間思考和唔係最佳方法)

cafeva

其實神校中學部係咪大部份學生都係gifted呢？

iloveapplepie

cafeva 發表於 22-8-28 17:32
其實神校中學部係咪大部份學生都係gifted呢？

各神校就算搶晒全港所有資優生, 都佔唔到大部分

理論上全港中學只有約7000個資優生
而之前有報導話 "最少" 一半讀band 2 & 3學校 (可能低估了因讀band2,3的資優生較難發掘出嚟)

如以有一半資優生讀band 1嚟粗略推斷, band 1的資優生約佔3.3%

964000

小曳人 發表於 22-7-27 23:08
跳班呢... 我想過，但學校唔俾，所以無野可以分享，如果你學校有得傾，可以睇定d

呢兩年插班唔難，唔駛咁 ...

https://www.hk01.com/%E7%A4%BE%E6%9C%83%E6%96%B0%E8%81%9E/810109/%E7%A5%9E%E7%AB%A5%E5%8D%87%E5%A4%A7%E5%AD%B8-13%E6%AD%B2%E6%95%B8%E5%AD%B8%E5%A4%A9%E6%89%8D%E6%9B%9D%E5%85%89-%E4%B8%AD%E4%B8%80%E8%B7%B3%E7%B4%9A%E4%B8%AD%E4%B8%89%E5%86%8D%E8%B7%B3%E5%85%A5%E6%B8%AF%E5%A4%A7%E5%B7%A5%E5%AD%B8%E9%99%A2

呢啲學校Support反而好過名校

小曳人

964000 發表於 22-9-1 05:55
https://www.hk01.com/%E7%A4%BE%E6%9C%83%E6%96%B0%E8%81%9E/810109/%E7%A5%9E%E7%AB%A5%E5%8D%87%E5%A4% ...

其實呢期搶人最勁嘅係wkf，真係差唔多年年新聞出尖子跳級入大學朋友孩子今年跳級入去，未開學已經感覺到好多支援！

小曳人

cafeva 發表於 22-8-28 17:32
其實神校中學部係咪大部份學生都係gifted呢？

以我仔嗰間為例，插班入小學嗰d多數係GC，以平均插班人數計 5-6個/33，加上小一派位入嘅平均數，約20%
上到書院，自行入嗰d多數都係，所以，我覺得點都有3-4成

但GC 好多唔係積優

cafeva

如果你仔果間自行入嗰d多數都係, 咁SPCC中學入應該全部都係, 甚至小學都大部分都係.勁!.
績優會唔會係無去check既GC?

小曳人

cafeva 發表於 22-9-1 15:33
如果你仔果間自行入嗰d多數都係, 咁SPCC中學入應該全部都係, 甚至小學都大部分都係.勁!.
績優會唔會係無去c ...

聽朋友講，SPCC 小學嗰班一般般，唔會話過半人係GC嗰d(朋友係教師，佢小朋友讀緊小學部)

中一入嗰班+插班嘅就多數係GC

績優用成績表睇
SPCC收咗唔少績優+資優係事實

我眼見，好多家長否定孩子係資優
佢地覺得資優就等於上堂搞事，情緒波動，但其實唔一定
其實最幸福嗰班係IQ score 125-135嗰班，醒醒地，但又唔會太多因為同外界唔同所引起都問題

眼見，SPCC收過神人 (小學已考IAL)
亦有學生有過動/讀寫問題 (來自HKAGE 學生自身分享)

但更多神人頂唔住神校，要去願意幫助佢地嘅學校