自律問題

carmanmama

阿仔油尖旺一線小學
一直維持級四至八（有一次呈分其中一科主科考得唔好，考級二十）
考試佢溫得輕鬆既
功課自動自覺做
二、三年級開始我無幫佢對功課，無陪溫默書。但考試我會同佢溫。

最近成日打機，有時問佢做晒功課未？佢話做晒，但夜晚瞓覺前見佢拎出黎做。我無鬧佢，因為佢無欠交。

青春期男仔黎講，他算自律嗎？

boyboobee

最終都有做哂功課，已經好自律，算有責任感喇，畀我就已經滿足了

Zleep

功課如冇欠交，同埋冇重大野要係手冊上要家長簽（如n次遲到）
成績（佢對自己有要求，keep到有爭勝心： 級4－8 好好啦）

我會收貨。

medicine

carmanmama 發表於 22-5-14 15:07
阿仔油尖旺一線小學
一直維持級四至八（有一次呈分其中一科主科考得唔好，考級二十）
考試佢溫得輕鬆既

一綫,係咪"兩油德大協"尼五間其中之一丫?(結龍或私直除外.即瑪利,女拔小,陳守仁除外)


自己做功課,遲到但不會缺席(指功課遲做但不欠交),成績4-8,算幾好啦.



好奇,已經考過呈分,豈不是小六?個考20是指該科名次還是該次考試總名次?自行九華機會如何?(如果有一次呈分級20,是否因此降低機會?)

carmanmama

medicine 發表於 22-5-14 16:03
一綫,係咪"兩油德大協"尼五間其中之一丫?(結龍或私直除外.即瑪利,女拔小,陳守仁除外)

係小六，2次呈分overall 1x。
而家排緊中學，有d學校話要自律既學生先好入，所以想了解一下我仔呢個情況算唔算自律(emoji)
我自己覺得佢一般自律，狂打機(emoji)同玩電話，但係佢又做到學校要求。（應該話做到學校要求就算）想佢睇多d書但係青春期小朋友真心煩。
諗緊選多測考既學校，定多活動既學校。

carmanmama

carmanmama 發表於 22-5-14 15:07
阿仔油尖旺一線小學
一直維持級四至八（有一次呈分其中一科主科考得唔好，考級二十）
考試佢溫得輕鬆既

Yes, 五大其中一間

tpmon

carmanmama 發表於 22-5-14 15:07
阿仔油尖旺一線小學
一直維持級四至八（有一次呈分其中一科主科考得唔好，考級二十）
考試佢溫得輕鬆既

你個仔咁醒目，自主學習能力超強，style好適合在伊中和神校讀。

medicine

carmanmama 發表於 22-5-14 16:24
係小六，2次呈分overall 1x。
而家排緊中學，有d學校話要自律既學生先好入，所以想了解一下我仔呢個情況算 ...

尷尬名次.即高不成低不就.(外區不表)本區QES九華無望,剩餘的男校或男女校不甘心.寄望大抽獎是應該的.

高小愛打機,確實是可以改善,做到不影響學習,課餘假日當放鬆亦未嘗不可.


僅僅一次呈分拉低名次造成自行機會降低,還有期望空間.至於選校,卻相當考究,即報男校還是男女校乙一尼?係網上講幾多都好,最終都係睇學生自己的轉變,作爲父母,當然望子成龍,提供資訊及旁敲側擊的提點是必需做的,加油吧.

carmanmama

medicine 發表於 22-5-14 16:55
尷尬名次.即高不成低不就.(外區不表)本區QES九華無望,剩餘的男校或男女校不甘心.寄望大抽獎是應該的.

高小 ...

其實佢做到晒學校要求，我電話set左2小時比佢玩，會唔會太多？

我唔想因為佢自己做功課做得快，所以我比另外練習佢，我驚佢會拖慢功課做。

教仔真係好有學問

cyiuming

冇欠交功課，我收貨

b3410

打機問題還是要解決

acgy

carmanmama 發表於 22-5-14 16:24
係小六，2次呈分overall 1x。
而家排緊中學，有d學校話要自律既學生先好入，所以想了解一下我仔呢個情況算 ...

算自律了，學校講嘅唔洗信晒，間間都想收自律嘅學生架啦，想報就去報，除非係成績要求到唔到。.

sydneywongaus

carmanmama 發表於 22-5-14 16:24
係小六，2次呈分overall 1x。
而家排緊中學，有d學校話要自律既學生先好入，所以想了解一下我仔呢個情況算 ...

多測考好似合適點

pccw2017

carmanmama 發表於 22-5-14 15:07
阿仔油尖旺一線小學
一直維持級四至八（有一次呈分其中一科主科考得唔好，考級二十）
考試佢溫得輕鬆既

記著升中前唔好買手機比佢. 手機係禍根.

chitchit0520

b3410 發表於 22-5-15 21:47
打機問題還是要解決

你意思是：
「因為打機，所以臨瞓先做功課」係問題？
還是「打機」是問題？

chitchit0520

pccw2017 發表於 22-5-15 22:22
記著升中前唔好買手機比佢. 手機係禍根.

分享下！

我大仔升中前無用手機，然後升中後，發生既問題，就正正係樓主而家咁。

我仔係中一開始用手機，初初比較薯，又要追趕英文進度，都無成日打。

中二開始成日打，無心機讀書，又青春期變態 ，不過還好係佢唔敢唔讀書，因為我講過升唔到班就轉校（中一講明唔俾留級），而佢係好鐘意自己學校。

中二完結，佢變態完，突然話明白了。我生日那天（7月生日），話多謝我包容佢，然後答應中三會努力！

然後中三仍然打機，不過明顯自律地打一段時間就做功課，功課都幾高分（學校有平時分和考試分），平時仍然無額外溫習，但默書小測測驗考試就會溫，嗰時真係打好少機，可能溫幾個鐘才打一陣休息下。

我自己都仲摸索緊，細仔今年升中，一早有offer, 我提前俾佢用手機，在六年級呈二後（11月）就開始用，我而家差不多躺平中，佢自己對上中學後既自我目標好高，我都無額外要求！希望呢大半年既時間，無浸壞佢，佢真係可以調整到自己。

有機會到時再分享！

b3410

chitchit0520 發表於 22-5-16 11:32
你意思是：
「因為打機，所以臨瞓先做功課」係問題？
還是「打機」是問題？

打機本身是問題。

7-seven

b3410 發表於 22-5-16 12:55
打機本身是問題。

難得有一個覺得打機就是問題嘅我打咗成廿年，仔升中後齊齊戒咗。

GIPW

b3410 發表於 22-5-16 12:55
打機本身是問題。

打機真係好大問題. 我見到好多父母都因為呢個問題易頭痛. 我個仔嗌咗我好耐買desktop俾佢但是我都拒絕. 佢冇足夠嘅硬件所以打得差亦唔會有朋友樓去打幾.
中學真係見唔少家長求救.  我好少開聲但是我真係見到唔少青少年打機打機， 跟住冇心機讀書。   記住唔好買任何硬件可以提升去打機㗎排名俾小朋友

傻太

臨瞓都醒起要做功課，真係好自律
區內出名自由間男校，功課會影響名次，要睇下小朋友有幾在乎名次