港同 vs 坑真

datejust

大家會點選擇？
家住西九

phinarto

你個女點睇？佢自己應該有個preference, 至少想讀男女校定女校，都有個睇法吧。

datejust

phinarto 發表於 22-5-5 11:33
你個女點睇？佢自己應該有個preference, 至少想讀男女校定女校，都有個睇法吧。 ...

我哋都有睇法，不過都想知道其實人嘅見解，可能有啲嘢我哋未想到！
攞多啲意見睇法！

mcl203

datejust 發表於 22-5-5 12:44
我哋都有睇法，不過都想知道其實人嘅見解，可能有啲嘢我哋未想到！
攞多啲意見睇法！
...

得個標題，可以點俾睇法？～～～

JAL

當年我女都係 港同 vs 坑真，最尾比佢揀佢選左坑真，雖然功課多但佢讀得好開心，老師好又快識到朋友。

JAL

坑真既校長，老師，工友們老非常關愛同學，支援又好，同學一有唔明只要肯問，老師一定幫忙，當年我只係擔心交通唔就腳

08BB

JAL 發表於 22-5-5 13:20
當年我女都係 港同 vs 坑真，最尾比佢揀佢選左坑真，雖然功課多但佢讀得好開心，老師好又快識到朋友。
...

咩叫多呢？比較港同多？ 每晚做到好夜嗎？定和一般中學也差不多呢？

phinarto

JAL 發表於 22-5-5 13:20
當年我女都係 港同 vs 坑真，最尾比佢揀佢選左坑真，雖然功課多但佢讀得好開心，老師好又快識到朋友。
...

最緊要讀得開心！
係呢，點解當年揀坑真？阿女想讀女校？

JAL

中一可能未捉到節奏，加上呀女平時做野慢底，一 zoom 完 lunch 做功課都搞到8至9點，不過佢慢慢成長加上唔明有哥哥幫下佢所以明顯好了。我無比較港同和坑真的功課量，要有成績操卷真係唔少得，咁學校有操下佢我就唔再比咁多其他佢啦

至於男女校和女校，各有各好啦，可能因為哥哥男校我又覺得 ok, 所以呀囡選女校都好放心，其實好多時女校仲好，佢地好多活動都 design 比女仔相對更投入，仲有私心係減低機會細細個拍拖

JAL

phinarto 發表於 22-5-5 14:18
最緊要讀得開心！
係呢，點解當年揀坑真？阿女想讀女校？

其實好大因素當年去過坑真 open day, 佢感覺非常好，佢話學校入面D姐姐個個都好好人好 nice, 當日咁岩校長又同佢傾計，佢又話圖書館又靚，又有泳池噴水池有魚仔，所以當年就報佢啦，我地都好感恩佢地收左呀女。

datejust

JAL 發表於 22-5-5 14:42
其實好大因素當年去過坑真 open day, 佢感覺非常好，佢話學校入面D姐姐個個都好好人好 nice, 當日咁岩校長 ...

多謝妳嘅資訊，我囡又係去完open day後好鍾意坑真，我哋都有機會同副校長傾計，副校問佢讀邊間小學，有鼓勵佢如喜歡坑真就即管報名，好幸運真係收阿囡！

datejust

JAL 發表於 22-5-5 14:37
中一可能未捉到節奏，加上呀女平時做野慢底，一 zoom 完 lunch 做功課都搞到8至9點，不過佢慢慢成長加上唔 ...

請問妳囡囡而家中幾？
平時幾樣功課？ 評估，測考幾多？週末有無機會輕鬆吓玩吓？

JAL

唔使客氣，其實兩間都係好學校，當初我地大人覺得坑真係傳統學校可能無港同咁開心等等，不過出奇地入面個個都好好 (至少我地接觸過的)仲好有愛，有時老師在小息亦會同同學傾計，有實體課時放學回家亦會和我分享老師講既笑話和有趣既事，佢讀得好有歸屬感呀！哥哥學校有好重兄弟情，咁妹妹亦開始有自己一班閨蜜

JAL

佢今年中二，正常兩測兩考，唔會每個週未都有時間玩，不過佢久唔久都會約下同學，因為咁，如果可以，我隨緣地逢星期五比佢和同學慢慢 lunch (在上半日學的日子)

datejust

JAL 發表於 22-5-5 15:06
佢今年中二，正常兩測兩考，唔會每個週未都有時間玩，不過佢久唔久都會約下同學，因為咁，如果可以，我隨緣 ...

真係好多謝妳

rainbowcov

JAL 發表於 22-5-5 13:24
坑真既校長，老師，工友們老非常關愛同學，支援又好，同學一有唔明只要肯問，老師一定幫忙，當年我只係擔心 ...

真係好吊腳, 你們住邊區呀? 如何返學?

JAL

我住東區，早上坐校車
由於放學無校車，所以頭半個月我唔放心去接佢放學，到佢識到朋友啦就自已和同學仔齊齊放學回家，聽佢地講，如果好天就一齊行落跑台山坐 mtr, 有時就坐巴士或小巴落銅鑼湾轉車，亦有時直接坐 81巴士回家

mikalaw

識有老師教完坑真教港同。他說兩間學校學生上堂有明顯分別，坑真多數個個坐定定乖乖上堂，港同嘅就比較主動，氣紛冇咁靜。如果你千金是interview 入港同，不是直升的，相信她都比較開朗活動，interview 唔會驚驚。成績就坑真好少少，不過年年有些不同。

JAL

我們不是直升的，其實妹妹不是十分活潑少少偏向靜，不過有人問佢佢會答或講多少少，我記得當年 in 港同佢回家分享說分組比賽時她先觀察和待組員表達先，之後才說出自己的觀點和改善的可行性。
兩間是很不同又好的學校，當年我也偏向坑真，你講得岩，港同偏向收主動的學生，我們報時有給妹妹見識下既心態去 interview, 沒想到有 offer

JAL

我還記得當年 (兩兄妹都是) interview 直資時叫他們做回自己，有不懂的唔出奇，試下用自己理解去答便可, 感受下 interview 緊張既氣氛，因為這些機會不是常常有，係人生既一部分，成功失敗也好將來回想會有一分內心微笑