宣道會劉平齋 CAPCL prep

一一媽814

請問現讀劉平齋prep or lower grades 嘅家長可唔可以分享一下？
學術，德育，師資等等…
讀得開心嗎？

Mandy201610

回覆 一一媽814 的帖子

讀咗三個月prep，最大嘅感受係老師校長staff都非常有愛，我小朋友用非常超級極之喜歡返學形容都不為過，超級開心的，哈哈。
我小朋友嘅homeroom，有愛心得嚟唔係氹bb嗰種，而係很有方法去引導每一個小朋友成長，例如我小朋友剛入學時性格同自理能力都仲係好baby，而家進步好大，所以媽媽我都非常喜歡老師，有耐性又有心機。而學術上老師都會因住小朋友不同嘅程度去俾課堂練習。校長就返放學都一定係門口，記得哂每個小朋友嘅名同特性，會睇lunch，陪picnic，生日佢會去課室俾surprise小朋友等等。

學術係用加制，一般認為比其他制淺，但讀落我又唔覺，尤其中文應該係我認識嘅IS裡最全面的，普教繁中，書prep用小一校本版，注重朗讀認字運用，但抄寫就的確比較少。學校以基督教育為主幹，因此德育都做得非常好。

一般認為學校比較弱嘅地方係：加制非熱門(不過我就諗讀ls出國都冇問題，is應該唔會接唔到吧)，唔係龍(睇個人需要)，student mix比較local(但我諗中文咁接近local程度，真。foreigners應該唔會選擇咁讀，所以trade off吧)

Mandy201610

回覆 一一媽814 的帖子

另外，學校都注重同家庭嘅連結，放心唔係親子功課呢。校長定期會有zoom meeting, 又有parents night, parent teacher interview, family outing, worship, fun day, etc, 此外，家長都可以join volunteers。

candy125125

我女由prep升而家g1，日日都話好開心，好鐘意間學校。學校關顧學生方面我覺得做得好好，校長記得晒d學生，生日會送一本書俾學生，上年聖誕校長每人都寫左張聖誕卡俾每個學生。而且德育方面都做得幾好，我家唔係教徒，但唔抗拒祈禱，我女而家會識凡事祈禱同感恩，相信係老師們耳濡目染所得既成果。暫時黎講我對學校好滿意。

一一媽814

Mandy201610 發表於 21-11-27 20:14
回覆 一一媽814 的帖子

另外，學校都注重同家庭嘅連結，放心唔係親子功課呢。校長定期會有zoom meeting,  ...

多謝分享！

一一媽814

candy125125 發表於 21-11-27 20:38
我女由prep升而家g1，日日都話好開心，好鐘意間學校。學校關顧學生方面我覺得做得好好，校長記得晒d學生， ...

多謝分享！家長之間有交流嗎？

一一媽814

Mandy201610 發表於 21-11-27 20:14
回覆 一一媽814 的帖子

另外，學校都注重同家庭嘅連結，放心唔係親子功課呢。校長定期會有zoom meeting,  ...

咁家長與家長之間有交流嗎？

Mandy201610

回覆 一一媽814 的帖子

我班有啊，我比較熟嘅都係好樸實嘅家長，理念相近，溝通起上嚟都好愉快，課餘一齊玩相處都舒服。暫時未遇過愛炫耀、攀比嘅家長又戴頭盔，其他班其他級我冇深入認識啊～

candy125125

回覆 一一媽814 的帖子

家長之間我自己因為要返工，所以交流唔多，但有個WHATSAPP GP，都有時會互相交流的。

一一媽814

Mandy201610 發表於 21-11-29 11:25
回覆 一一媽814 的帖子

我班有啊，我比較熟嘅都係好樸實嘅家長，理念相近，溝通起上嚟都好愉快，課餘一齊 ...

謝謝你！

一一媽814

candy125125 發表於 21-11-29 14:41
回覆 一一媽814 的帖子

家長之間我自己因為要返工，所以交流唔多，但有個WHATSAPP GP，都有時會互相交流的 ...

謝謝你！

evveric

請問幾年級開始有考試？
是否有成績排名？
我見每班約2x人，每一年級有幾班？
聽聞老師大多後生，工作資歷比較短，唔似本地學校動輒十幾年資歷。請問是否有呢方面擔憂？

謝謝

lamman83

CAPCL跟CAIS屬同一辦學團體，請問各位CAPCL家長，如有CAPCL OFFER，會否就沒有CAIS的OFFER 或WAITING機會?有沒有聽過兩者均有OFFER?
有沒有同學由CAPCL插班CAIS成功呢?
感謝!

sukisoho

回覆 lamman83 的帖子

無衝突，兩者可以同時有offer。

candy125125

回覆 evveric 的帖子

PREP個時都有考試，不過上年因為疫情，所以取消左其中一次。不過內容上只有中文同數學有考試範圍，其他都唔知考乜，無名次，只係有幾個LV話你知佢個程度去到邊。
G1開始考試除中數外，其他科都有D範圍，不過都係無咩好溫，反正都無書，會有中英文默書，英文每星期一次，中文就耐唔耐先一次，大約係一個月一次啦。

老師我只在乎有無心教學，係咪愛小朋友，唔在乎年資，無年輕老師又何來年長老師呢?同埋年長又唔代表教得好或有愛心，年輕的老師又唔代表教得唔好，可能你以為經驗唔夠有影響，但有時經驗太夠可能又對做呢行無乜熱誠，所以我無呢方面既擔心。

Mandy201610

回覆 candy125125 的帖子

我自己湊放學，比較多機會留意小朋友同老師之間交流，放學嗰時我成日見我班homeroom同好多小朋友講句秘密先走，我今日忍唔住問我小朋友老師其實講咩，佢答：you are so good today. 老師真係sweet過粒糖，到放學都不忘建立小朋友嘅自信心，肯定佢地嘅表現，所以小朋友們都咁鐘意返學，聽書聽教都好入耳好上心 btw, homeroom係後生靚女

evveric

Mandy201610 發表於 21-12-1 21:06
回覆 candy125125 的帖子

我自己湊放學，比較多機會留意小朋友同老師之間交流，放學嗰時我成日見我班homer ...

Homeroom 請教下係咩意思呢？即係兩個班主任教所有科，小朋友只會識兩位老師？
我都鍾意capcl將班房佈置好似屋企咁，俾到安全同歸屬感。

原來每年級都有考試，睇嚟都唔可以hea讀

關於升中：
請問有無期末測評考試？定只有平日每月每週嘅定期評估？
我估若有期末考試，或者類似本地學校呈分試，此成績會計入學校report，升中時候都會以成績同其他方面俾學生一個評分，以此推薦俾其他IS，不知我理解嘅IS升中政策是否正確？謝謝

evveric

candy125125 發表於 21-12-1 20:48
回覆 evveric 的帖子

PREP個時都有考試，不過上年因為疫情，所以取消左其中一次。不過內容上只有中文同數 ...

謝謝用家。再問多幾條問題。請問有無校巴路線？我住港島西，面試時，操場只見到九龍區路線。咁點算？一定要自己搭地鐵？高小可以地鐵，但prep to S3最好校巴，否則太辛苦

candy125125

回覆 evveric 的帖子

hommroom teacher即班主任，係教英文科目既老師，英文科仲有science, health, social study,中文老師主要教中文同數學，但宗教同art會上下學期互換教學語言，詳情睇返校網會好d。有一個助教會全日係班房，同埋會去下圖書館，我女似乎唔止識自己班既老師，仲識多幾個。
一年有4次考試，每次都有report card，但無分數係上面，我諗到升中時會有其他較完整既報告整體學習成果掛，因暫時最高年級係G4。
校車方面，有聽講有人住港島，但路線係點就唔太清楚。

lamman83

請問各位家長，CAPCL行雙語教學，學生的英語能力和一般國際學校學生相比有沒有差距呢？