如何感染小朋友閱讀？

cani888

從小朋友2歲開始，幾乎天天都陪佢睇書。依家5歲，但佢都唔算喜歡睇，可以叫做唔抗拒。佢覺得去圖書館好悶。但都肯去。或者係我唔知道點樣選擇童書，有咩童書係有趣嘅呢？或者可以引導得更好？雖然有點灰心，但我始終唔想放棄去感染她閱讀。

sandra1004

cani888 發表於 21-9-23 11:04
從小朋友2歲開始，幾乎天天都陪佢睇書。依家5歲，但佢都唔算喜歡睇，可以叫做唔抗拒。佢覺得去圖書館好悶。 ...

由小朋友自己決定睇乜書係最好的方法
我仔女自小伴讀，現在兩個都已可以自己睇書，仲要超鐘意睇書
陪讀也是最好的親子時間

964000

cani888 發表於 21-9-23 11:04
從小朋友2歲開始，幾乎天天都陪佢睇書。依家5歲，但佢都唔算喜歡睇，可以叫做唔抗拒。佢覺得去圖書館好悶。 ...

有冇打機？我發現多screen time的小朋友就冇咁鐘意睇書

cani888

冇打機，只係鍾意睇電視。但叫佢停佢會肯。都會睇下書，但唔算好投入

cani888

其實佢screen time 唔算多，因為我有限制。但唔睇電視時，佢會鐘意畫畫，或者玩玩具，多過睇書

964000

cani888 發表於 21-9-27 13:08
其實佢screen time 唔算多，因為我有限制。但唔睇電視時，佢會鐘意畫畫，或者玩玩具，多過睇書
...

你要陪下佢睇，讀比佢聽，一起看圖畫，千萬不要忙於認字，睡前每天10min也好，冇玩具distraction, 呢啲係習慣來,這個年紀仍小朋友好鐘意和大人一起做事，慢慢培養。

王家爸爸

cani888 發表於 21-9-23 11:04
從小朋友2歲開始，幾乎天天都陪佢睇書。依家5歲，但佢都唔算喜歡睇，可以叫做唔抗拒。佢覺得去圖書館好悶。 ...

陪讀，小朋友越細，讀既語調越要誇張。

Pigmama1012

cani888 發表於 21-9-23 11:04
從小朋友2歲開始，幾乎天天都陪佢睇書。依家5歲，但佢都唔算喜歡睇，可以叫做唔抗拒。佢覺得去圖書館好悶。 ...

本帖最後由 Pigmama1012 於 21-10-23 22:28 編輯

我經歷過你嘅處境，你一定要堅持現在做嘅嘢，將來必有收穫，除了圖書館，我認為書局更適合小朋友，因為流行和有趣的書一定放在當眼處，小孩見到也會想打開本書。我個小朋友現在已經喺高小。K3以前，從小我就每天伴讀，經常帶他去圖書館和書局，只要他想買的圖書，我會立刻買，他那時候對獨立閱讀也沒有太大興趣，自己很少攞書看。這情況直到小一也沒有改善，但是我一直繼續伴讀，並把圖書放滿整個家裏。到了小二，他的同學介紹他看某些圖書，他開始獨自閱讀，不需要我了！從此以後，佢會自己買鍾意嘅圖書，投入佢自己嘅閱讀世界。我絕對不是希望閱讀幫助他的學業，我是希望，書本能伴他一生，我非常相信，.腹有詩書氣自畫。

Y123

會唔會係佢只係唔鐘意圖書館既環境

964000

Pigmama1012 發表於 21-10-23 22:27
本帖最後由 Pigmama1012 於 21-10-23 22:31 編輯

本帖最後由 Pigmama1012 於 21-10-23 22:28 編輯

同意，圖書館都唔係太好行，好多書又殘舊，書局的display吸引好多，可惜現在實體書店愈來愈少了，大家打完書釘都買本支持下吧。

karlcchu

回覆 cani888 的帖子

從小朋友2歲開始，幾乎天天都陪佢睇書。<-- 讚讚 依家5歲，但佢都唔算喜歡睇，可以叫做唔抗拒。佢覺得去圖書館好悶。但都肯去。<-- 有冇問乜嘢原因? 試下帶佢去一些較新的圖書館, 可能會有意外收獲... 或者係我唔知道點樣選擇童書，有咩童書係有趣嘅呢？ <-- 三類型: １）一些令他有共鳴的書: 例如: 學校故事； ２）一些投其所好的書，例如: 他喜歡畫畫, 借些關於教小朋友畫卡通人物書, ...; 3) 漫畫: 好多少朋友愛孚漫畫， 你小朋友畫畫及愛看電視， 應該會愛看漫畫的。。。 或者可以引導得更好？<-- １）減少看screen time (包括看電視), 2) 家裡設置圖書角, 3) 繼續每天陪讀, 4) 大人都應減少看電視/手機, 多些和小朋友交談聊天... 我的陪讀技巧: 把故事人物的名稱改成小朋友和他同學的名稱， 用較搞笑滑稽方式表達， 有時什至會故事改成另一個故事（其實係想"指桑罵槐＂， 教訓咁小朋友的不是。。。）這種方式講故事， 十分有創意和有趣， 我的小朋友很喜歡聽我＂故說八道"。。。 雖然有點灰心，但我始終唔想放棄去感染她閱讀。 <-- 加油～！

cani888

我發覺係我唔係好識揀書比佢睇，佢鐘意d搞笑既書。依家好似好d,小朋友自己提出睇多d書（我覺得佢係覺得媽咪鐘意佢睇，所以提出。因為佢好鐘意媽媽陪或讃），一至五食晚飯後多數都一齊睇下書，中途玩下遊戲咁。

cani888

我知陪養小朋友各方面唔急得，盡量練好d自己嘅耐性。

mattmm

回覆 cani888 的帖子

如果你還不太清楚小朋友喜歡的書類，圖書館是極好的資源。每個圖書館都有新書架，每週去1-2次都可以撿到跟書店同步上市的新書。一開始廣撒網，適合小朋友程度的、你有興趣讀的書都借回家，陪小朋友一起讀。她喜歡的書，記下書號，然後在圖書館裡找同作者或同系列的書。不強迫閱讀，每次在小朋友失去興趣前你先喊停，讓她覺得讀書是休息/興趣/獎勵。她明確表示不感興趣的書，不需要讀完（從圖書館借書有這個好處，可以經常換書）。
如果發現了小朋友喜歡的系列、值得反覆閱讀的，建議全套買回家，她想讀時隨時可以反覆讀。

初小以上的小朋友，可以帶她直接去書店選書。我通常每次只允許她選一本，但會經常去（每次在店裡閱讀不超過一小時+買一本書），她會好珍惜好認真挑書。

圖書館也是極好的閱讀地點，避開高峰。可以嘗試中央圖書館，早上開門時就進去，預約好下午3-4點左右的玩具圖書館時段（45分鐘一節玩玩具，適合8歲以下），讀1-2小時書去樓下的cafe吃午餐、平台玩一下、逛一下書店，回圖書館再讀1-2小時書去玩具館玩玩具，玩好玩具借了書去圖書館對面的維多利亞公園又是1-2小時，一天好容易就過去了。超級適合夏天，有空調、很舒服。

我家連工人姊姊都辦了借書證，通常每次借10-20本書，一週換書1-2次。小朋友非常非常喜歡讀書，平時出門都會主動選書讓我們帶著，等車/等餐時隨時閱讀。

以上供你參考。關鍵是不要把讀書當作任務，而是你和小朋友一起「享受」的親子時光。

kaki74

回覆 sandra1004 的帖子

嘩，咁好好呀真係~

cani888

mattmm 發表於 22-4-18 22:10
回覆 cani888 的帖子

如果你還不太清楚小朋友喜歡的書類，圖書館是極好的資源。每個圖書館都有新書架，每 ...

多謝你建議啊，依家我慢慢有頭緒啦，發覺小朋友鐘意有D搞笑嘅書。雖然仲係要伴讀，但起碼係佢會要求睇書。

LanKmama

我哋方法好簡單咋
就係成家每晚有個reading time 全部人even工人姐姐都一齊睇書（我無逼 姐姐自己都真係鍾意睇嘅）我哋有個圖書基金 盒仔裡面每個月我會擺幾百蚊 只要係買書就可以隨便用 小朋友喜歡自主
佢哋買完會擺返張單落個盒仔度 工人姐姐都可以去買 只要佢係買書就得
真係要養成一個習慣

唔好叫佢睇時自己其實又玩手機/睇電視
小朋友慢慢會學習大人嘅活動
唔洗係咁逼佢睇 好似個task咁做 反而建立一個習慣同佢嘅自信更好