本帖最後由 dou-dou 於 21-8-12 18:31 編輯
我真係路過，因為我原先是想去其他海外升學區搵吓資訊，見到大家的討論同疑問而搭訕。 我女在WKF由G1讀到G10，今年原先升G11。希望下面資料大家覺得有用﹕ (1) 按學校在選科講座上的資料，過往申請AL的不是很多，全部入到。 (2) 學校因為是受政府資助，所以高中每級最多兩班AL班，所以學校未閞盡，學校話會按申請人數決定比幾多位予AL班。 (3) 學校中學是有精英班，這是我最不喜歡的。但雖然我女讀精英班，但我聽／見其他同學／家長講又無講到其他班咁差喎。其實學校網頁雖然無公佈詳細DＳＥ成績，但都有講每年的大學Offers分佈，都有好多同學入三大，點都唔止一班學生數目。我個人都識好幾個師兄師姐入到中大港大，但無問他們是否精英班。 (4) 學校語境是十分好，就算支筆唔得的，都講得十分好，學校外藉未必真係好多，最多有D
BBC, ABC等，但同學大部分講到好流利英語，學校有好多活動比同學，包括同國際學校學生聯合活動，外語作家探訪等，而每個學生都要做Presentation, 學生的explosure真係好大好闊。 (5) 我聽聞近年小學谷了很多，因為中學部覺得小學部上來的水準不夠，所以說中學部比小學部差未必準確。
我個人分享﹕我原先計劃小女在香港選完中學才往海外升學，各種原因提早了，但我好係十分不捨得ＷＫＦ的，當其他學生每個週末要溫書時，至小在小學階段，我們是每星期研究星期六日玩什麼，當我女問點解主日學同學要傳紙仔溝通，唔可以直接講，同點解有問題時唔敢問老師時，我覺得ＷＫＦ是我當日正確的選擇。雖然我女不需每週末溫書，亦不是最Top學生，但在考海外學校是考到Top50 UK寄宿學校，我是很感謝學校的。她未必是最好，亦有很多我不喜歡的地方，如有精英班，行政混亂等，但是是適合我女兒成長的地方。我因為很喜歡ＷＫＦ，
講的未必很中肯，但都比大家參考吓。 | 
發表於 21-8-12 12:29
