用戶登入
用戶名稱:
密      碼:
搜索
教育王國 討論區 教育講場 如何與仔仔溝通
查看: 9443|回覆: 36
go

如何與仔仔溝通

Rank: 3Rank: 3


283
發表於 21-7-17 11:22 |顯示全部帖子
唔好意思可能表達唔係甘好,但想看大家請教一下,育兒心得。

先交代一下,我是全職媽媽。與長輩同住,沒有工人。仔仔升k3

最近發覺同仔仔距離越嚟越遠,起初只是以為是獨立,我還很高興。因為疫情停課時,還是一直媽媽,媽媽叫我。有時間還是會叫我陪玩的。

由於我有很多家務,或想輕鬆一下,我便叫他簡幾本書,之後同佢講。慢慢地他會自行閲讀,起初我是開心的。我又有更多私人時間,準備考小的事,做家務,或輕鬆下。

但最近發覺當我放下手上的事,話媽媽陪你玩,陪你傾訴時,他說他想看書。

其實小兒性格是慢熱內斂的,也上過一些教他表達的課堂。上課的內容,一點也不會説。起初以為是還少,慢慢就會有改善。

現在覺得他是不想跟我溝通,我想在暑假改善關係,希望大家可以指點一下。

Rank: 13Rank: 13Rank: 13Rank: 13


83850
發表於 21-7-17 15:16 |顯示全部帖子
咪陪佢排排坐睇書,睇一陣撩佢講兩句,話書入邊公仔好靚喎……佢件衫咁得意既……佢做乜唔開心呢?氹佢同你講下本書,你又用自己睇緊果本引下佢。

Rank: 7Rank: 7Rank: 7


12078
發表於 21-7-17 21:47 |顯示全部帖子
本帖最後由 ar_mak 於 21-7-17 21:48 編輯
Yanamami 發表於 21-7-17 15:16
咪陪佢排排坐睇書,睇一陣撩佢講兩句,話書入邊公仔好靚喎……佢件衫咁得意既……佢做乜唔開心呢?氹佢同你 ...

我決定按照你既建議,去試下到底呢個方法係咪真係得。

今日,係圖書館,我鼓聲起最大既勇氣,坐下埋D,坐下又埋D咁樣,排排坐咁一齊睇書,然後睇左一陣,開始出聲撩下佢。

"入邊公仔好靚喎~"
"佢件衫咁得意既?"
"佢做乜唔開心呢?"


佢冇理我,於是我就用自己果本引下佢。。。喂,點解會係天龍八部呀大佬~~~


後來佢阿媽走過黎,差D要攪到報警拉我番差館之際,我問佢有冇睇大叔的愛,好彩佢話有睇,並且對我既印象立即有所改觀,而且相信我的確是為人單純,只係聽從左網友既意見,先會有此一舉。

Rank: 7Rank: 7Rank: 7


12078
發表於 21-7-17 21:54 |顯示全部帖子
haharachel 發表於 21-7-17 11:22
唔好意思可能表達唔係甘好,但想看大家請教一下,育兒心得。

先交代一下,我是全職媽媽。與長輩同住,沒有 ...
從建立關係呢個方向去睇,由照顧呢方面入手,會優勝過從陪玩同埋教育呢兩樣。PS:佢病到死果陣會痴實邊一個,果一個就一定係同佢關係最好既人!

Rank: 13Rank: 13Rank: 13Rank: 13


83850
發表於 21-7-18 00:26 |顯示全部帖子
ar_mak 發表於 21-7-17 21:47
我決定按照你既建議,去試下到底呢個方法係咪真係得。

今日,係圖書館,我鼓聲起最大既勇氣,坐下埋D, ...
東施呀東施……

Rank: 13Rank: 13Rank: 13Rank: 13


83850
發表於 21-7-18 00:27 |顯示全部帖子
ar_mak 發表於 21-7-17 21:54
從建立關係呢個方向去睇,由照顧呢方面入手,會優勝過從陪玩同埋教育呢兩樣。PS:佢病到死果陣會痴實邊一 ...
Full time mom都應該會主力照顧日常既~

Rank: 7Rank: 7Rank: 7


12078
發表於 21-7-18 11:16 |顯示全部帖子
Yanamami 發表於 21-7-18 00:27
Full time mom都應該會主力照顧日常既~
其實易地而處咁去睇野,全世界既老公都係有比家用架啦,都稱得上算係有照顧頭家架喎,但係你,或者各位太太,又係咪咁就會收貨先?

如果將家務同照顧,具體地去列出時間上既分配,基本上自己一定知道個比重,呃唔到人。退而其次,我係知道要食飯,唯有就希望小朋友可以體諒,明白家長多野做,但呢個體諒唔係空口講,係大家雙方都要有個承諾,例如真係要講明,每日既邊一個時間,大家都會放低手既工作,去將對方放係第一位,而唔係失驚無神果陣,要求對方放低手上既野,反過來去要求將自己放去第一位。

PS:男仔係唔會明白,點解個阿媽一日到黑係可以有咁多家務做,拿,或者同埋個仔一齊做啦,咁就可能會好D~但我知道D野咁攪法係更加做唔完!




Rank: 7Rank: 7Rank: 7


12078
發表於 21-7-18 11:21 |顯示全部帖子
Yanamami 發表於 21-7-18 00:26
東施呀東施……
所以,我係唔希望將來會有大嬸的愛,老師的愛,護士的愛,警察的愛。。。

PS:如果真係被迫要睇一套。。。算勒,我睇護士的愛啦!

PS:大叔的愛,就讓佢好好咁留係我心入面~

Rank: 13Rank: 13Rank: 13Rank: 13


83850
發表於 21-7-18 12:59 |顯示全部帖子
本帖最後由 Yanamami 於 21-7-18 13:11 編輯
ar_mak 發表於 21-7-18 11:16
其實易地而處咁去睇野,全世界既老公都係有比家用架啦,都稱得上算係有照顧頭家架喎,但係你,或者各位太太 ...

爸爸唔會明㗎嘞,正如爸爸會同媽媽講,你唔明我係出面有幾多野煩一樣。我唔會對樓主作出輕易批判佢有幾多時間俾仔。以我自己係ftm, 無工人,自己一手湊大兩個計,大概可以想像佢既情況。Been there, done that. 我亦曾幾何時放個女係廳個他下叫佢自己玩,自己係廚房一邊煮飯,一邊睇住佢,亦有叫個大女自己去睇書,因為我要餵細女奶,更從來唔會陪做功課對功課,因為我自己亦有野忙。我唔認為自己係失職ftm, 兩個女大哂,關係亦好。樓主亦無做錯乜野,以佢對仔既關心,可以係短時問發現態度有變,可見佢對仔既關注(高興佢及早留意到問題)。每個人生活都有好多大小struggles, 見到有問題,適時作出調整改善就好了,不必太judgemental.

Ps. 想同樓主講,我大女自小亦係內歛成熟獨立型,的確乜野都唔洗擔心佢,但就乜都收埋收埋,唔多表達內心想點。可能你大仔亦凉咁性格,但而家仲細,你可以俾多尐時間佢,我果時要凑細女,真係無時間,亦好似你一樣,覺得女好獨立就開心。你比我叻,及早注意到問題。加油吧~FTM要做到面面俱圓不易。

Rank: 7Rank: 7Rank: 7


12078
發表於 21-7-18 13:51 |顯示全部帖子
Yanamami 發表於 21-7-18 12:59
爸爸唔會明㗎嘞,正如爸爸會同媽媽講,你唔明我係出面有幾多野煩一樣。我唔會對樓主作出輕易批判佢有幾多 ...
你誤會哂喇。無可否認,我真係唔係一個識得安慰人既人,我只係專注從自己既角度去睇左個問題先,其他既只係線索,可以由任何人去發掘,可以由任何人去追查,可以由任何人去作出結論。又反過來咁講,樓主認為同個仔既溝通係出現問題,而我地採取一個<其實咁係冇問題>既角度去回應,咁到底係解決左我地在回應上所需要解決既問題,還是樓主真係可以透過<唔好諗咁多>就解決了問題。

PS:其實我地都係所知不多,連問題既本身到底係咪一個問題都未可判斷。於是,唯有係估下先~

PS:另外你話爸爸唔明,基本上係爸爸媽媽對照顧既定義都真係有D唔同:爸爸帶個仔出街玩左成日,兩個野成隻泥鴨咁爬番屋企,作為阿媽既係會勁極度懷疑爸爸你係咪識得照顧仔女。

PS:唉,我又點會懷疑你對於照顧子女既能力呢~不過今次係講男仔,我咪又搭下咀囉~

Rank: 7Rank: 7Rank: 7


12078
發表於 21-7-18 13:55 |顯示全部帖子
回覆 Yanamami 的帖子

考你一條IQ題:兩父子下晝去食麥當勞,你覺得佢地係食左飯未?

Rank: 13Rank: 13Rank: 13Rank: 13


83850
發表於 21-7-18 14:27 |顯示全部帖子
本帖最後由 Yanamami 於 21-7-18 14:54 編輯
ar_mak 發表於 21-7-18 13:55
回覆 Yanamami 的帖子

考你一條IQ題:兩父子下晝去食麥當勞,你覺得佢地係食左飯未? ...

應該食左。我女好為食,食完正餐,行過亦會買杯麥旋風食,無乜所謂。我本身都好求其凑,孩子拉扯就長大。佢話好攰唔沖涼就瞓,冬天著定校服瞓,等第二朝唔洗凍冰冰換校服,亦可。泥鴨小事一樁,朋友老公凑完個仔玩完番黎跌斷左隻手男仔嘛,要play rough.

Rank: 13Rank: 13Rank: 13Rank: 13


83850
發表於 21-7-18 14:48 |顯示全部帖子
我又係度諗,如果樓主調轉,唔係話媽咪陪你玩、陪你傾偈,而系向仔可唔可以陪媽咪……幫媽咪手……(例如摺衫)咁邊做邊可以傾偈,唔一定要坐定定你眼望我眼傾啫。我最失敗係無從小訓練佢地做家務,呢樣從小做起先得,大左唔so你。

Rank: 7Rank: 7Rank: 7


12078
發表於 21-7-18 14:57 |顯示全部帖子
Yanamami 發表於 21-7-18 14:27
應該食左。我女好為食,食完正餐,行過亦會買杯麥旋風食,無乜所謂。我本身都好求其凑,孩子拉扯就長大。 ...
恭喜你,你係智力正常既!


Rank: 13Rank: 13Rank: 13Rank: 13


83850
發表於 21-7-18 15:05 |顯示全部帖子
ar_mak 發表於 21-7-18 14:57
恭喜你,你係智力正常既!
人生苦短,唔傷害到自己同人地既事,隨心去做。唔為無傷大雅事而嘈了。

Rank: 7Rank: 7Rank: 7


12078
發表於 21-7-18 15:09 |顯示全部帖子
Yanamami 發表於 21-7-18 14:48
我又係度諗,如果樓主調轉,唔係話媽咪陪你玩、陪你傾偈,而系向仔可唔可以陪媽咪……幫媽咪手……(例如摺 ...
拿,咁樣諗你話係幾好呢!

PS:我地成日講咩活在當下,我自己覺得呢部份係最難,一方面既受過去影響,另一方面又要為未來打算。往往就係當下呢一個時空係做得最差!

Rank: 7Rank: 7Rank: 7


12078
發表於 21-7-18 15:12 |顯示全部帖子
Yanamami 發表於 21-7-18 15:05
人生苦短,唔傷害到自己同人地既事,隨心去做。唔為無傷大雅事而嘈了。
你唔好咁正經講野得唔得呀?

Rank: 3Rank: 3


283
發表於 21-7-18 16:05 |顯示全部帖子
ar_mak 發表於 21-7-18 11:16
其實易地而處咁去睇野,全世界既老公都係有比家用架啦,都稱得上算係有照顧頭家架喎,但係你,或者各位太太 ...

佢唔舒服實會痴住我,我有叫佢幫手係洗衣機攞衫岀黎。都要叫好耐先做,叫佢做家務,又變左另一樣勞氣既事。

Rank: 13Rank: 13Rank: 13Rank: 13


83850
發表於 21-7-18 16:15 |顯示全部帖子
haharachel 發表於 21-7-18 16:05
佢唔舒服實會痴住我,我有叫佢幫手係洗衣機攞衫岀黎。都要叫好耐先做,叫佢做家務,又變左另一樣勞氣既事 ...
唔……用唔同方法“叫”啦,諗下另一個方式“叫”,因為同一個唔凑效既方法拖拉,衹會信佢將家務同負面感覺連繫,更唔願做。有時要令佢覺得appreciated或有achievement先會有動力做。

Rank: 3Rank: 3


283
發表於 21-7-18 17:47 |顯示全部帖子
Yanamami 發表於 21-7-18 12:59
爸爸唔會明㗎嘞,正如爸爸會同媽媽講,你唔明我係出面有幾多野煩一樣。我唔會對樓主作出輕易批判佢有幾多 ...

多謝你既丫,好開心聽到你既分享。你覺得我應該點做好。就係同佢玩多啲?佢同你大女都似,衣家佢開始表達自己既意見,但慢慢態度越來越差,小小事就發脾氣走左去。

當然我都有教佢表達自己意見唔係甘,爸爸媽媽會就你,唔代表老師同朋友會。我地可以有禮貌講。無諗過甘快就要諗衣啲問題,我以為7,8歲先開始。
你需要登錄後才可以回帖 登錄 | 註冊