用戶登入
用戶名稱:
密      碼:
搜索
教育王國 討論區 教育講場 "補習老師[的]悲歌“ - 由一位補習老師所撰 ...
發新帖
查看: 78356|回覆: 5
go

"補習老師[的]悲歌“ - 由一位補習老師所撰

Rank: 4


504
發表於 21-6-17 06:11 |顯示全部帖子
本帖最後由 麥精豆奶 於 21-6-17 06:20 編輯

原帖主:奇異煲豬@Dcard

Link:https://www.dcard.tw/f/hkmacdaily/p/236263009


"小妹出身基層,讀大學之後就出嚟做補習老師,賺生活費,唔再好似以前咁攤大手板問爸爸媽媽拎錢。不過,喺做補習老師之後,先開始睇到喺香港高壓教育制度下,學生所承受嘅壓力。

/


以為自己嗰代已經夠辛苦,日日1x樣功課,一個禮拜幾個quiz。點知,原來比我哋細一代嘅仲慘。


/

小妹有幾個學生。其中一個小學五年級嘅女仔好鍾意喊。功課一多佢就喊,考試就到佢又喊,總之就係,一有壓力佢就喊。佢媽媽於是就請咗我,教佢做功課,同佢溫書。


/

我自己喺高壓教育下深受其害,深深明白到要幫小朋友考到好成績要先提起佢哋嘅學習興趣,最起碼唔好令佢哋反感先。加上,「弟子不必不如師,師不必賢於弟子;聞道有先後,術業有專攻,如是而已」,我認為我只係因為大佢哋幾年所以先比佢哋讀多幾年書,識多佢哋少少,冇必要成日敦起個老師款。所以,我同學生相處都係以朋友方式相處。同小妹補習嘅學生都鍾意跟我上堂,而且因為環境開心,學生都有慢慢咁進步。


/

但係,小五妹妹嘅爸爸媽媽唔係咁諗。妹妹英文個底唔好,根本冇辦法短時間內吸收所有嘢。同妹妹爸爸媽媽講,話不如俾啲時間妹妹慢慢嚟。我明白呈分試重要,但係真係冇必要咁樣逼妹妹。你哋逼佢溫,佢根本睇唔明,見字就死記硬背。因為個底唔好,23個prepositions一次過學搞到全部撈亂,傳統名校小學又唔幫妹妹補底,仲成日鬧妹妹乜都唔識,又話要留佢班見佢家長踢佢出校。妹妹返到屋企,爸爸媽媽又唔聽佢解釋,一味責怪佢。妹妹好努力咁溫,但係得啱啱好合格,爸爸又鬧佢。知道妹妹鍾意我,又攞我威脅妹妹,話佢再考唔到80分就炒咗我…


/

見到妹妹咁樣,我真係唔知可以點幫佢。


/

平時同妹妹補習,妹妹好多嘢講。後來先知道,妹妹會咁多嘢講原來係因為平時冇人會理妹妹。其他學生會喺補完之後叫我留低同佢哋玩一陣,但係妹妹補完之後會喊,因為知道我會留低氹佢,唔想我走所以喊;又會求我同佢補多啲習,咁樣就有人教佢做嘢之餘又聽下佢分享自己嘅生活…


/

其實妹妹一直慢慢進步緊,但係每次妹妹壓力大喊嘅時候,佢爸爸媽媽就係咁叫佢收聲、鬧佢,搞到火上加油。明明我終於氹掂妹妹,佢哋又搞到妹妹喊返,更加抗拒溫書… 我用玩遊戲嘅方法幫妹妹溫書,佢爸爸不明就裏又喺度話我顧住同妹妹玩唔溫書…


/

同妹妹都補咗差唔多一年,有啲說話,想同下各位虎爸虎媽、學校老師講。


/

各位虎爸虎媽、學校老「獅」:


/

作為人哋嘅仔女、人哋嘅補習老師,我真係明白你哋望子成龍望女成鳳嘅心態。有邊個唔想自己仔女出人頭地,自己學生成績優異呢?


/

但係,成績真係唔代表一切。


/

你哋想你哋嘅仔女/學生,收穫一個好成績,定係一個好成果呢?


/

一張靚嘅成績表,唔代表會有一個好嘅未來;但係一個好嘅成長環境,絕對同一個好嘅未來息息相關。喺你哋鬧你哋嘅仔女/學生嘅同時,希望你哋都可以俾啲關心佢,聆聽下佢嘅心事、讚揚下佢嘅小進步、欣賞下佢嘅努力。


/

你哋鬧佢、威脅佢,又有咩用呢?除咗令佢更加抗拒讀書、提升自卑同反叛心理,我真係諗唔到有咩效果。


/

老師又何苦為難老師呢?各位專業嘅教師,當初你哋大學畢業,選擇執教鞭嘅時候,難道唔係諗住見證一個小朋友嘅成長,喺佢嘅成長路上扶佢一把,引領佢去一個好嘅未來,俾一個快樂嘅童年佢㗎咩?各位父母,你哋生育兒女,唔係想俾最好嘅嘢小朋友,俾佢一個幸福嘅一生㗎咩?依家你哋咁樣日日鬧一個小朋友,唔係違背咗你哋嘅初心咩?


/

家長們,你哋將個小朋友託付得俾我,希望你哋尊重我嘅教學方式,明白我嘅苦心。請你哋留意下小朋友嘅轉變,相信我嘅方式,見證我同你哋小朋友努力嘅成果。


/

相信仲有好多好好嘅老師毋忘初心,一直為學生默默努力,溫柔感化。感恩喺小妹成長路上遇到好多呢啲咁好嘅老師。將來到小妹真正成為一個老師嘅時候,同樣會向您哋學習,銘記初心。


/

為人兒女、為人學生、為人師表嘅小妹上"


Rank: 5Rank: 5


2924
發表於 21-6-17 10:26 |顯示全部帖子
回覆 麥精豆奶 的帖子

睇到我好肉赤!


6839
發表於 21-6-17 17:04 |顯示全部帖子
提示: 作者被禁止或刪除 內容自動屏蔽
簽名被屏蔽

Rank: 5Rank: 5


4645
發表於 21-6-18 09:32 |顯示全部帖子
"補習老師[的]悲歌... 有點文不對題。。。叫“小孩子的悲歌” 比較好

小朋友和大人一樣,都喜歡被鼓勵而不是懲罰
懲罰不會引起進步

Rank: 5Rank: 5


4615
發表於 21-6-18 13:18 |顯示全部帖子
如果個底唔好,上到五年級先追,根本就很困難。如果家長要小朋友有業績,就要由初小開始已跟到足。

至於學校老師,我覺得其實都唔係幾關佢哋事。課程如何,有幾多功課,都唔係佢哋個人決定。如果間學校本身係谷嘅學校,咁讀嗰間學校都係家長嘅決定。

點評

JojoDad    發表於 21-6-27 19:35
gabejang    發表於 21-6-19 15:35

Rank: 5Rank: 5


2783
發表於 21-6-22 07:49 |顯示全部帖子
tkinwong 發表於 21-6-18 13:18
如果個底唔好,上到五年級先追,根本就很困難。如果家長要小朋友有業績,就要由初小開始已跟到足。

至於學 ...

十分同意,我由小學中期至後期跟得比較貼,上左上中唔駛我再理,小學時家長跟貼多D,中學可以歎D!