請教過來人家長什麽時候開始讓升中學生開始“歸位”

YolandaTam

洋蔥頭媽咪 發表於 21-5-27 12:15
某程度上我亦同意，求學並非只求分數，但正正就係因為咁，更加應該讓小朋友明白，作為學生應有嘅態度。

...

講得好好
中學，尤其高中，課程內容多，老師會假設同學已經備課，上課只係講重點同攞分位。我女有啲同學只靠聽課，即使幾留心都一頭霧水，功課又唔識做，考試吊車尾
所以學習態度，尤其備課同温書嘅習慣好重要。

YolandaTam

200904 發表於 21-5-27 14:56
回覆 YolandaTam 的帖子

嗯，如果這樣，我也會引導小朋友對應調節學習方法。在課前自行先預習。希望幾年之 ...

加油
又唔駛俾太大壓力自己嘅，我哋只須講咗要講嘅嘢（講一次好啦，費事佢哋覺得煩）就算啦，聽唔聽由得佢哋啦，畢竟讀書嘅係佢哋又唔係我哋。
大家互勉！

YolandaTam

mcl203 發表於 21-5-31 11:22
點解上堂聽書，測考前少溫，就係學習上態度出現問題？學習態度良好嘅，係並非一成不變去走佢人生嘅學習路～ ...

因為如果習慣少温習，好難適應高中 DSE 囉，識得讀緊或近年讀過 DSE 理科課程嘅朋友會明白。
因為課程多，時間趕，老師唔夠時間深入講解，如果只靠聽課，除非係天才，否則未必應付到測考，最惡劣情況可以係連題目問乜都搞錯。另外考試卷又深又長，例如 Chem, 我女話嚟緊大考三小時， MC 40題，LQ 14題，廿幾三十版卷，跟本係同時間競賽：你一見到條題目要即寫先至做得晒。咁如果平時少操題，即使明晒，都輸速度，結果低分。

YolandaTam

mcl203 發表於 21-5-31 11:48
我並非指中學階段，初中，中中，高中，已經唔同吧，亦係我所認為，態度良好，唔會用一個學習模式去應付不 ...

咁樓主女兒升中，我哋咪只講中學囉。
讀大學，如果遇着上課自吹自擂，只講自己一家之言嘅教授，更不能只靠聽講。

YolandaTam

mcl203 發表於 21-5-31 12:07
越講越遠～～～

有網友將溫書方式，和判定學習態度欠理想，似乎有少許混亂了～～～

冇遠到呀，我認同你講唔同階段有唔同學習方式，但相信温習方式有喺相當程度上係學習態度嘅表現，所以同洋蔥頭媽咪一樣建議樓主留意女兒態度，如果邊部分令你誤會，我致歉。
我見好多小學時靠天賦聰明，留心聽課名列前茅，到中學因為仍抱住上述態度，唔慣多温習，即使留心聽課卻一落千丈，再之後因為挫敗，索性放棄，實在好可惜。人嘅習慣唔係一日兩日形成，如果初中唔執好，高中更無時間。