龍校的迷思

Gummama

Charlotte_mom 發表於 21-5-22 17:10
學校有揀人，當然有揀
但非傳統校揀學習態度/好奇心/配合度會更多
始終非傳統學校，想事半功倍就要揀啱學 ...

係呀，疫情前group interview 玩遊戲已經觀察到好多野。老師會揀投入得黎又聽指令，能收能放的小朋友。

shootingstars

BabyBookBu 發表於 21-5-19 10:00
唔好意思，係隔鄰一篇文章見人人都好似好想入龍校讀，我不得不説出小小感想。沒錯，龍校升上中學部有大比率 ...

讀龍當然都會有壓力，尤其是唔係一條龍
但最起碼，只要保持中游都一般升度
少左嘅係咩都無揸手嘅徬徨
多左嘅係有機會一齊讀書12年甚至15年嘅嘅友誼
經歷過升小，好了解嗰經歷心態

Sing13

好多人不明白一些直資一條龍學校為何能取得好成績，認為是踢走不達標既學生，當然不是這個原因。
原因有三：
1.學生經過挑選，這不是決定性原因，面試時小朋友先至五六歲，将會在學校學十二年.
2.一個重要既原因是家庭，收既學生相當大部分來自私幼，這些家長都是願意為小朋友學習付出金錢，一個中產大學程度家長，無論小朋友讀咩學校，都會盡可能使自己小朋友入大學.
3.學校因材施教，因為學生經過挑選，唔需要分精英班，難度可適當提高.學生家庭足以支持一人一樂器.學校唔布置太多作業，家長亦不會令小朋友耗費時光.同學之間亦互相影響.

balls

Sing13 發表於 21-5-23 01:01
好多人不明白一些直資一條龍學校為何能取得好成績，認為是踢走不達標既學生，當然不是這個原因。
原因有三 ...

所以其實係包括咗「學校就算唔谷家長都會谷」呢種因素。而呢種情況可能非龍都會存在。

monodad

我一個叩門直屬男津，另一個讀女龍幼後來㨂男女龍小，感覺兩間學校都一樣，有龍冇龍都係家長自己決定谷定唔谷，但比例上反而係男女龍小嘅家長反而大部分會谷，或者唔應該用谷呢個字眼，係栽培。

balls

monodad 發表於 21-5-23 10:03
我一個叩門直屬男津，另一個讀女龍幼後來㨂男女龍小，感覺兩間學校都一樣，有龍冇龍都係家長自己決定谷定唔 ...

搞中英數就叫谷，搞音樂體育藝術就叫栽培其實有時外人覺得人地小朋友上好多興趣班係「谷」，但係可能人地小朋友真係好鍾意學呢

lambeanmama

monodad 發表於 21-5-23 10:03
我一個叩門直屬男津，另一個讀女龍幼後來㨂男女龍小，感覺兩間學校都一樣，有龍冇龍都係家長自己決定谷定唔 ...

我其實一直也覺得谷唔谷chur 唔chur; 從來不關讀直私津龍唔龍校事；根本就是父母本身對子女學業期望及要求有關。誠然，讀龍校讓父母可選擇放鬆（事實又不一定會放鬆的，因為人人也不想子女是墊底個班）；讀非龍校，除非真不介意子女升中讀band 幾；否則，是註定要發力的；差別是小幾開始發力(emoji)(emoji)

lambeanmama

我其實不太覺得一定是「龍校for sure」的。我覺得揀龍校是最起碼你喜歡中學部，一心打算讀12年才好揀。眼見有些人入讀一線直資龍小後仍心心念念如何搏入神校。其實會浪費了龍校給予子女較大的成長空間。這一年疫症；讀龍校的仔不用趕課程不用追成績，可以有大量時間睇書同發展興趣。沒有最好的學校，只有最合適（以整個家庭去睇）嘅選擇。共勉。

b3410

lambeanmama 發表於 21-5-23 10:43
我其實一直也覺得谷唔谷chur 唔chur; 從來不關讀直私津龍唔龍校事；根本就是父母本身對子女學業期望及要求 ...

學校谷vs 自己谷，係唔同嘅。
我唔鐘意學校谷，因為太被動，無論我想還是唔想，都要被push.   有一定比例會跟唔到，打擊自信，影響學習興趣。當然，如果小朋友乖，受谷，家長可以比較簡單，跟學校節奏即可。又唔需要四圍搵resources, 學校俾的已經足夠。

我自己谷（或者更加應該叫做栽培），可以根據小朋友特質/能力，量力而行。保障小朋友自信心的前提，保持學習樂趣。因為學校唔谷，自己時間多，可以多發展小朋友興趣。測考之類也不必太緊張，可以嘗試放手，嘗試不同學習方法，調整，搵到最適合自己的。當然對家長的要求更加高，不過彈性也大，保持合理期望的話，唔會覺得辛苦。反而見到小朋友的進步，大家都開心。


好似出去食飯，點大份夾抵食的套餐，還是逐樣自己點。各有各好。

lambeanmama

b3410 發表於 21-5-23 11:04
學校谷vs 自己谷，係唔同嘅。
我唔鐘意學校谷，因為太被動，無論我想還是唔想，都要被push.   有一定比例會 ...

所以我話龍校是給家長一個選擇，谷唔谷都可以。但事實又真係未必龍校for sure…家家有求嘛。

daijuju

lambeanmama 發表於 21-5-23 10:43
我其實一直也覺得谷唔谷chur 唔chur; 從來不關讀直私津龍唔龍校事；根本就是父母本身對子女學業期望及要求 ...

如果學校多測默考，都好難放鬆。除非真係唔理，不過好難，樣樣都計分

daijuju

b3410 發表於 21-5-23 11:04
學校谷vs 自己谷，係唔同嘅。
我唔鐘意學校谷，因為太被動，無論我想還是唔想，都要被push.   有一定比例會 ...

我也不喜歡學校谷，尤其成日測默，壓力大

Charlotte_mom

對我嚟講，「谷」=學校要求嘅程度好高，高到學生要花大量時間去達標以應付學校要求，包括多測考，包括範圍多，包括教嘅嘢超越同齡
同家長點教、校外加幾多（不是為應付學校要求）係完全兩碼子事
所以每次一有呢類討論，就總有人話「學校唔谷家長都谷啦」再加幾個，我覺得根本無必要討論，因大家設定不一致

家長鐘意外谷，關學校鬼事咩

daijuju

Charlotte_mom 發表於 21-5-23 13:15
對我嚟講，「谷」=學校要求嘅程度好高，高到學生要花大量時間去達標以應付學校要求，包括多測考，包括範圍 ...

同意。學校要求高，測默多，淨係應付學校嘅嘢已經冇咩時間剩。同埋唔係間間龍都輕鬆有好多時間玩，入讀前最好問清楚用家，不要人云亦云。有些龍為咗保持成績都谷架。因為好多家長入咗龍就唔谷，諗住輕鬆12年，學校要施加下壓力先保持都良好水平。

balls

Charlotte_mom 發表於 21-5-23 13:15
對我嚟講，「谷」=學校要求嘅程度好高，高到學生要花大量時間去達標以應付學校要求，包括多測考，包括範圍 ...

對我黎講「谷」嘅定義同你一樣啊，都係「學校程度要求好高，高到要花大量時間去應付學校嘅任務」囉。我同意你啊。我笑係因為我覺得無論學校點樣，家長先係影響大方針大方向嘅根源！

mastermama

大家分析好好，獲益良多！

wtyedu

我覺得龍校較適合家長有自己教育理念的家庭, 因為小學時期唔使太緊張成績, 只要跟上進度就可以。家長可以按自己的部署去培育小朋友。