考IGCSE

小曳人

daijuju 發表於 21-6-8 13:48
你好，謝謝前輩的意見  
DP果啲暫時join唔到住，因佢得小二，下年小三或者搵啲課程玩下，睇下會唔 ...

唔駛客氣，大家都係為呢班老細煩惱
佢地有可能要行d少人行嘅路，前人幫我，我隨緣分享

如果上到小三，試咗中大先，數學真係叻嘅，教授可能會重點培訓

daijuju

小曳人 發表於 21-6-8 15:40
唔駛客氣，大家都係為呢班老細煩惱
佢地有可能要行d少人行嘅路，前人幫我，我隨緣分享

十分謝謝你，下學年會再研究

小曳人

daijuju 發表於 21-6-8 17:06
本帖最後由 daijuju 於 21-6-8 18:43 編輯

十分謝謝你，下學年會再研究

btw，每年9-10月 HKAGE 都會邀請各院校講下佢地嘅資優教育課程，對計劃孩子課外學習好有用，建議到時留意下

daijuju

小曳人 發表於 21-6-9 10:34
btw，每年9-10月 HKAGE 都會邀請各院校講下佢地嘅資優教育課程，對計劃孩子課外學習好有用，建議到時留意下 ...

謝謝 會留意
好似10歲先可以join啲課程
不過可以join咗hkage先

MillieLin

daijuju 發表於 21-6-9 11:20
謝謝 會留意  
好似10歲先可以join啲課程
不過可以join咗hkage先

Yes。
我仔今年先申請學員資格。
但要等满10歲才能參與課程。

daijuju

MillieLin 發表於 21-6-9 12:12
Yes。
我仔今年先申請學員資格。
但要等满10歲才能參與課程。

好的 謝謝你

小曳人

daijuju 發表於 21-6-9 11:20
謝謝 會留意  
好似10歲先可以join啲課程
不過可以join咗hkage先

呢個係家長講座，唔需要成為學員先可參加

daijuju

小曳人 發表於 21-6-9 14:58
呢個係家長講座，唔需要成為學員先可參加

明白 謝謝你

chickchick

回覆 WMGma 的帖子

這個是grade boundary問題因為5／6月無考，而評grade後出現大量appeal，最終exam board讓步，人人拎好grade（teacher assessed grade 或 exam board評級，以高分為準）。結果就變得要調整到個grade boundary闊咗，例如應該90係A星，但teacher assessed grade拎A 星的學生評出只有70（即係未appeal前得B頭A尾），既然appeal得直，就要調整過A星boundary。大概係咁。

這情況alevel也一樣.

然後,就係10/11月呢期, 因為係加開用來補考/考多次去appeal的. 為求公平,所以grade boundary也直接用
5/6月的.所以呢期嘅grade boundary零舍"慷慨". 其實係5/6月的grade boundary計法.(5/6月因為無真正考試,所以不會公佈grade boundary)

我的理解大概係咁. 這個情況真係百年一見.

chickchick

回覆 daijuju 的帖子

樓主，你的小朋友好學又正面， 係好事啊！
你的問題，我嘗試用我的經驗去答答。蠻長的，希望志在大家分享交流下，看看有沒有用。

1。 數學好，還是算術好，也要落力追求語文的修為。我說的不是學好語言，而是再進一步去學理解和組織。 這是對思考數學有幫助的。你不妨抽身而出，不要被較佳的一面而忽略其餘學習範疇的資源。 ==》數學繼績，但更要令孩子知道，世界好大，都作嘗試應用數學的天份去其他方面拎滿足感，而不是用考試去證明些甚麼。

2。 你都是個冷靜的家長，看得出呢一刻去玩考試不是一個『出路』，而igcse咁低要求的考試都無甚參考性（其他回應也咁上下啦）。我孩子係無考過任何一科IGCSE，係ready嘅，就直接考最食力考試，一take過。 回應你的問題，考igcse唔會整花個record，係無謂而已。但考IAL／AP／SAT呢D，就請再三考慮清楚。 這點唔多講了，變得騎劫你個post咁。

3。數學又好，各科也好，學習學習，學為其一，習為之續，你小孩肯學又肯做練習， 不妨比個更有用的出路，就是去比賽。我家大小二丁，也是HKAGE和CTY會員，講真，hkage的課程我沒有興趣参加亦無參加過。我不是說HKAGE不好不值，各人有各自選擇。我想說的是，自己能把控佢所學的，就不要再在『學』多些多多多些這方向著墨。參加比賽，事前準備也有得著架！時間控制，臨場! 感受和學習輸贏的態度!  這些是考試不會學到的. 不要聽人家說,考啦考啦, 學下做快手D,拎滿足感!  如果是我,我不會要咁細個小朋友去用"考試" , 仲要係"公開試" 去拎這些經驗. 不值得啊!

待續

chickchick

daijuju 發表於 21-5-14 14:33
謝謝回覆
係咯，點解舊年會有異數，係咪拉curve?如果要考都想拿最好成績，都驚佢唔夠小心  因為其 ...

4。 你心水清，一係唔考，一考就考最好。我自己一直也堅持這點呢。那麼你打算怎樣和你的孩子行得出這條『我唔係唔贏，係想知可以贏得有幾盡幾多』的夢想大道。要享受學習的樂趣，問10個，10個資優父母也會答你『比D挑戰啦，好enjoy㗎佢哋』，去跟大學生學，去跟大師學，去學D 超越幾級的。你問我，我都認我頭一句會咁答，但實際操作上？ 唔係搵辦法搵個位入到去，就一定學到嘢。先打好自己根底會行得更有深度。 既然你哋講HKAGE，就比個例子，香港大學生有幾叻？同香港science faculty大學生上堂唔係D咩了不起的事，又唔係GBUS又唔係harvard／stanford／牛劍。要pass個course唔難，但根底？ 我地大學畢業也不是個個course都讀得堅而不摧，所以唔好神化hkage這些『興趣班』。到時到候，你又有時間要打法佢，就參加下，無妨。
5。講到比賽，你似是local curriculum，咁就多數係玩下奧數。我就無玩奧數的，原因不外乎同丘成桐教授那本書所講的差不多。早期數學教育不應是操練。我哋IS就多玩UKMT，AMC，甚至harrow maths呢類，大眾化好多。因為真係不涉及很高階的數學，而是學解說能力。不妨去去網站睇下題目。download來玩下。 再想要類似的，去drfrost maths的網站慢慢玩。 這些分享留待再有機會才講啦。 而這些比賽係國際性的，仲有分級制，長玩長有，唔係啲豬肉獎！ 呢D才是令你孩子CV亮麗的東西。我家孩子年年玩，年年贏。考外國中學，考大學（提早）係有D用的。我唔詳細講點解有用啦。總之這些是看到孩子的potential和成長的步伐和意志，考英美超一流的大學絕會睇。

6。在語文一直浸淫下, 數和理係可以並存的。學下科學，應用出佢紮實的數底，"那裡來的自信"就係咁樣嚟, 真係phy chem bio都好. 你看看大部份例子或問下人,每年各大olympaid 係咩人玩,有幾多個可以跨界別玩晒. 無囉. IMO 就玩IMO, 叻的玩埋physic Olympiad. 而IBO 的人多數有玩過下IJSO. 而IJSO的人絕少去玩IMO或physics. 這些比賽去到中學就有得玩.叻嘅就中一就玩得贏人. 再做training學project學team spirit,唔錯! 戲肉係贏到最後就係代表香港出國的入場券, 包有獎咁滯! 仲要係國際賽! 這些奧運級, 對考世界一等一大學,比起甚麼 1600/1600 SAT, 4A星更亮眼！ 我家大孩子上述幾樣也有玩過，每年總有些未來DSE狀元去到final，雖然數學唔夠人哋嚟，但去玩下感受下如何學『謙卑和欣賞別人』係好好經驗。而其他olympiad絕對。。。掂！佢哋嘅training考核係好嚴謹，這些『考試經驗』得益不少。唔詳談形式上點考了。

總之，眼界要闊，真正的資優會有能力去挑戰這些勁人雲集的活動，開開心心去挑戰自己和欣賞別人。考試不是挑戰，而是一個達到入學『要求』的能力證明已而。真係入大學才考公開試啦！
善意提醒：有些會考igcse的學校不接受學生曾應考該科igcse， 請不要亂咁考，local school除外。IAL亦一樣。

daijuju

chickchick前輩你好 謝謝你詳盡的寶貴意見，會仔細消化再考慮，感激不盡   

nanakochan

chickchick 發表於 21-6-10 12:09
4。 你心水清，一係唔考，一考就考最好。我自己一直也堅持這點呢。那麼你打算怎樣和你的孩子行得出這條『我 ...

很充實的分享，想請教前輩，你提及的比賽好多都要經過學校先可以報名，並且只係IS有得玩，你知道local school學生有什麼渠道可以晉身這些比賽嗎？

cafeva

nanakochan 發表於 21-6-10 23:32
很充實的分享，想請教前輩，你提及的比賽好多都要經過學校先可以報名，並且只係IS有得玩，你知道local sch ...

IMO, IBO, IJSO, AMC⋯LS students 都可以玩。好似大部分都係。

cafeva

chickchick 發表於 21-6-10 12:09
4。 你心水清，一係唔考，一考就考最好。我自己一直也堅持這點呢。那麼你打算怎樣和你的孩子行得出這條『我 ...

謝分享。

請問你仔仔上大學了嗎？

chickchick

nanakochan 發表於 21-6-10 23:32
很充實的分享，想請教前輩，你提及的比賽好多都要經過學校先可以報名，並且只係IS有得玩，你知道local sch ...

客氣了，我很年輕呢～哈哈。未到前輩級。
比賽，咁講啦。用小學同中學做個時間上的分野好嗎？小學，數學真係豬肉多，UKMT 同 harrow maths我記得係year 5就被邀請去玩，學校揀了些有potential的同學仔去柴嘩嘩去玩。正路呢，這是year 7去參加（學校自由報名，只係小學見有潛質的小孩，就用"is selected",俾些prestige佢哋, 鼓勵去挑戰難題, 我幾欣賞的). 我見有些local school會報, 所以都係睇下自己學校有無玩開. 其實想玩,不妨問下老師肯唔肯代報. 不過啦~ 都係唔好急,起碼小四五六先玩啦, 就咁同老師講,你又冇trace record,真係石沉大海都唔奇.

上到中學, 學樓上的媽咪話, 真係乜人也可參加咁滯的. 尤其olympiad級的比賽, local school才是大客仔, IS反而少人,因為真係有能力先去玩, 而不似local school真係年年填夠quota咁揀學生去"試"下, 買大賠大咁去博.
途徑呢~ 上HKAGE網站,揀比賽一頁,你定時定候去報就ok. 當然, 有些要school nomination, 就係IJSO. 其他都係可以在school nomination後的self nomination自行報名。
IJSO只可中三或下， 其他可以玩到中六。所以你哋見有些出彩的學生真係小六已可挑戰勝出（如IMO）。年紀無下限， 不過。。。又咁講啦，假設學校school nomination round又無邀請你，你都可以問問自己『學校點解唔邀請我呀？係咪唔係積優呀？係咪我小朋友的才能未去到咁揚咁勁呀？』，正面一些去看，而不要放負，一口咬定學校偏心積優生。這些比賽要好專注，training都要坐定和有心向finalist進發，學校咁揀人就無可口非了。

所以，olympiad級不妨先self nomination， 得咗又真係cheap cheap哋都拎個screening round嘅gold／silver，學校知道了你係得喎， 咁下一次佢哋搵人參加呢呢路路自然有人記得你。

最後，我想帶出一個信息係，無論叻唔叻，上堂專心，每科盡力，係責任，真的要細細個就好好在這方向著墨。這個，我唔在此帖詳述了。

nanakochan

chickchick 發表於 21-6-11 08:23
客氣了，我很年輕呢～哈哈。未到前輩級。
比賽，咁講啦。用小學同中學做個時間上的分野好嗎？小學，數學真 ...

非常感謝你的詳細資料，因學校支援有限，家長要行多幾步幫小朋友

chickchick

cafeva 發表於 21-6-11 01:29
IMO, IBO, IJSO, AMC⋯LS students 都可以玩。好似大部分都係。

係呀，真係95%也是local school， 當然得獎仲係集中幾間大戶。
我的經驗幾搞笑的。話說當年小孩始終是IS的產物，只是能在我口中聽到各式各樣的local傳奇，例如小六生贏得IMO入場券，沈氏兄弟大學之旅, 賴同學挑戰英國大學入學試和IAL，文憑試狀元日讀16小時。。。 佢係半信半疑，但又心如鹿撞，想自己去試試，每次準備我也笑佢"咪當自己係葉問, 一個打幾廿個,好難架! 人哋真係日日讀, notenotenote,盡力讀到熟, 會背嘢架!"

佢又點會背嘢, 佢哋好少肯真誠地背足. 這些經驗係好嘅~ 明白大家隻抽隻係叮噹馬頭,但要贏到最後,真係不離二字"勤力". 這幫到佢更上一層樓.  各樣科目或活動表現更穩定.
曾經同上年的DSE狀元上過IBO training,又試過玩IMO連screening都過唔到, IJSO可能已經和未來狀元成了朋友, 而家玩緊Chemistry Olympiad of metropolises  (這個training係by HKAGE invitation)... keep him busy, 贏輸也開心, 亦明白自己怎樣去行佢一早想行的路, 怎樣去應付待人接物這項成長挑戰.

所以, 你問我, 孩子上大學了嗎? 我覺得這是他人生的重要時刻, 而非我做呀媽在EK拎嚟"打卡"的驕傲.還是不想說太多了.請見諒.  分享學習經驗, 卻很自在. 我自己也成長不少.

chickchick

nanakochan 發表於 21-6-11 08:54
非常感謝你的詳細資料，因學校支援有限，家長要行多幾步幫小朋友

不要失落，大D，就有多些支援，因為都要為學生考大學而polish CV。這個亦係原因，佢哋會比多些機會那些『嗰頭近』嘅中三四五學生，唔比佢哋，佢哋個CV真係空洞D㗎～ 真係粥水都無啖好食。

另外， 唔一定比賽嘅～ 參加社區活動，服務 也是資優的一大未開發的天地。唔玩唔知有冇leadership，有無big dream。我呢～雖然知自己孩子學術上算叫贏到開巷，但人生唔係考考考，都要生活，要相處的。見同學仔做埋D food drive， 義教， animal rights， 林林審審。。。我其實好欣賞好羨慕㗎！這些在我眼中也是亮麗的品性，和聰敏齊名。

我常常覺得CV是CV， 考試成績是考試成績。優秀的學校不會單一因你早考而認定你優於他人而接受你插班跳班跳跳跳。。。人哋大把貨喇！反而是life experience太單薄，在CV反映唔出你的personal growth。 不妨想想這方向啦！

所以，除了說說local傳奇，也會向孩子介紹這些make a difference的intitatives，學會感受社會感受別人。在EK我也有學習對象，例如radiomama， annie40 這些。這幾年來，我家大孩子係有做蠻多的social services 和 參加針對community awareness的文學活動／比賽，沉澱下思路。 而家我又開始算到小孩子的一份兒了。

我們大家也努力繼續行多步！

希望樓主不介意我口水多。我還是退下好了。。。

daijuju

chickchick 發表於 21-6-11 10:04
不要失落，大D，就有多些支援，因為都要為學生考大學而polish CV。這個亦係原因，佢哋會比多些機會那些『嗰 ...

怎會 感謝你的無私分享。還要麻煩你多share給大家知道呢 學到好多嘢