協恩vs德望

Liv017

Yo119yo119 發表於 21-4-18 10:31
星期五晚突然收到德望offer信，其實今次我哋都係偏向協恩多啲，但都想聽下大家意見
...

我阿囡一樣喎，之前協恩已有offer，阿囡有接受。

星期五晚回家開信箱，德望來信。有offer。

但阿囡一直都好堅定：讀協恩。而且阿囡又話唔鍾意德望。（其實我哋一家人都係：協恩 > 德望。鹹魚青菜，各有喜愛。）

而家反而諗緊，好唔好主動聯絡德望話唔pick offer，還是等 deadline pass away (April 22).

Liv017

cafeva 發表於 21-4-18 19:11
既然唔要就打電話比學校講聲啦方便大家

好丫，我都係咁諗。

Liv017

Cliokohonda 發表於 21-4-24 12:55
不如問vote for HY班粉絲 HY 有乜缺點！

HY ：部分校舍舊。以直資計，校園細、設施好像唔足夠/舊（睇EK post 話）。

GH：地點偏僻、冇地鐵直到。

2nd in： GH 感覺唔好，校方感覺係「高高在上」，冇足夠時間聽家長回答/提問。冇乜互動，好趕時間咁。

相反， HY 就感覺良好。校方有用心聽阿囡回答，再跟據阿囡講嘅嘢 、繼續再問，從而考阿囡應對。校方主動問家長有冇其他問題，我同太太各問一條，校方好有耐心去答，唔係hea 答。佢哋嘅回覆，睇得出佢哋好有經驗，亦會分享佢哋嘅經驗，即使當時未必收阿囡。（我哋唔係見校長。）最後（當時已經overrun），校方仲有解釋俾我哋知，協恩有啲學生會早啲有offer，有啲會遲啲。佢哋仲話如果其他學校有offer 而協恩未俾、而你又心儀協恩，可以打俾佢哋問下協恩會唔會俾offer，方便家長做決定。（我當時仲諗住多數waiting，點知1個月之後收到offer。）

我哋係俾阿囡揀讀邊間學校。阿囡有講：2nd in 嘅經歷係其中一個原因佢唔揀德望。我自己就經過2nd in 之後，對HY加分。

Liv017

CAcoffee 發表於 21-4-25 06:48
其實，受歡迎既學校就好似偶像咁，睇下當年四大天王（唔好意思，我係嗰個年代 )。有人會鍾意唱功好 ...

你呢比喻幾正(emoji)(emoji)

我覺得選校真係好個人，係有啲主觀。「鹹魚青菜，各有喜愛。」冇話絕對嘅「對與錯」，應該係「適合同唔適合」。最緊要啱大家，最重要係啱用家。

我朋友識得個家長，佢阿女係讀直資小學（但唔係3私1直）。佢阿女好叻，DGS、GH、MCS、YWGS全收。佢全家唔鍾意DGS（冇講原因），最後揀咗GHS.

我覺得「人揀我、我揀人」，咁樣公平啲。學校又點知邊個叻學生係心儀邊間中學呢？凡事總有例外。所以，（主觀）我自己就唔認同「篩頭批」。咁當然，「擠牙膏」，家長同學生要等，又可能係假希望，係痛苦嘅。不過，見工都係咁，唔係間間公司會主動通知冇offer，社會就是這樣的。

我分享我聽過嘅、經歷過嘅（小小經驗），係個人意見。咁大家睇吓，再自己分析。希望幫到大家。

Liv017

xiazaimami 發表於 21-4-25 08:18
你呢個比喻真係非常精警，喻解又好詳盡！好正啊！

我自己就鍾意協恩（多年情意結， second in老師 ...

係呀，我本來已經心儀HY。2nd in 完，自己本身有得著，再加分。間中，我都有提阿囡，跟下個兩位老師嘅學習意見，繼續努力加強自己(emoji)(emoji)

Liv017

Hkmama818 發表於 21-4-25 10:23
這是很好第二輪面試經驗！另我想起某直小的面試。

HY第一輪的趕（共說話兩分鐘）比GH第二輪的趕，仍無得 ...

講first in，我又分享下先。

我覺得HY first in 有佢嘅作用，中英各一條時事/日常生活題。幾分鐘準備、幾分鐘作答。咁學校會睇到、聽到學生嗰陣時嘅表現。

GH:
英文：讀一扁文章，阿囡讀得「甩咳」。跟住，我唔記得有冇問問題。(emoji)
中文（煲冬瓜）：4 人group discussion.  阿囡講咗唔夠廿秒，俾人搶晒黎講。（咁呢個，我覺得係阿囡冇乜經驗，係佢自己同我哋準備唔夠，唔關安排事(emoji)）
數學：網上做卷，英文數。第一次，技術問題，阿囡話多人出聲，場面混亂。咁學校都好，安排另一時間再做。由於阿囡係津校小學，英文數，佢話唔多識(emoji)(emoji)

由於疫情關係，協恩網上面試cut 咗考學術嗰part，咁時可能短咗。亦有家長話網上面試考寧願cut 學術......家家有求啦。

Liv017

Cliokohonda 發表於 21-4-25 10:17
GH果兩個老師係對你態度唔好，等唔等於全校都係咁？

我只係分享我面試時經歷。
1. 我冇話兩位老師對我哋態度唔好。
2. 我更加唔可以話全校係咁。

只係分享面試感受，係主觀、個人。大家自己分析，希望幫到大家咁啦。

Liv017

Hkmama818 發表於 21-4-25 10:39
這應該是十分罕有的例子！

作為用家我會希望早些知道能否入心儀學校，感覺踏實些，可以享受剩下小學校園 ...

呢樣真，我都希望大家仔仔囡囡早日有升中結果，咁可以早啲享受剩下小學生活，作升中準備。

升中，對家長及小朋友都帶來唔少壓力，負出唔少。

大家加油！

Liv017

Hkmama818 發表於 21-4-25 10:54
另外，「篩頭批」好似只係猜測，每間學校都有自己準測，級頭沒有入選唔一定表示學校把級頭的都全篩走。
...

明白！
「每間學校都有自己準測」同意呀！