我唔覺得我小朋友係資優

Dongs

conniewktang 發表於 21-3-13 14:59
資優係咁，沒有資優兒的父母是不會明白，家長也沒有問題，只是普通家長未必會明資優兒，以致影響教養。選 ...

請教一下，怎樣看不到香港傳統教育能栽培資優兒童？

老師覺得我兒是資優兒童，我未帶小朋友做評估。

conniewktang

Dongs 發表於 22-1-31 00:55
請教一下，怎樣看不到香港傳統教育能栽培資優兒童？

老師覺得我兒是資優兒童，我未帶小朋友做評估。

傳統學校，部分資優對不停操練不感興趣，有些厭學，有些有精神或情緒問題（個人親眼所見）。資優也是一種SEN, 可惜老師大多不懂處理，經常浪費了個叻仔或叻女。所謂老師受SEN訓練，其實得啖笑！
見唔少，即使在傳統是級頭的資優生（有評估報告），一轉國際學校，如虎添翼，如魚得水，成個人開心晒！
IS 的學生支援，對資優的支援，可以做就一個資優生，最少他或她，學會學習，喜歡學習！

iloveapplepie

conniewktang 發表於 22-1-31 01:01
本帖最後由 conniewktang 於 22-1-31 01:05 編輯

傳統學校，部分資優對不停操練不感興趣，有些厭學，有 ...

傳統學校的資優教育只係績優教育

我女女讀傳統學校, 初小成績只係中上, 但入選了資優班, 不過學校沒有通知我地,
家長日老師都無講, 我地只係在成績表備註上見到
我個女話班上係做啲stem既嘢

不過之後佢的成績跌到中下游, 就無再入選
而其他有繼續上資優班的同學話都係找中英數成績好的各自去加操

另外, 運動方面, 我女女拎到大大小小全港和地區比賽獎, 入了港隊
其他學校都會加許, 但係我女女間學校話, 唔係經學校參賽唔會理
呢方面我見個女都幾無癮, 以後拎咗咩獎都唔報俾學校

最後, 同老師講話有IQ/讀寫/adha評估報告, 交俾學校有冇咩支援, 佢地都老實講, 無乜....

FilifalaW

回覆 Yfyh 的帖子

你小朋友咁似我個女嘅⋯我女4歲佢又係坐唔定脾氣差言語表達弱，樣樣三分鐘熱度！佢鐘意嘅嘢係可以專注到好耐，但我同佢去協康驗過綜合評估佢能力只係正常，懷疑ADHD！教功課最嘔血，教完問佢佢唔答都唔知佢識唔識！學校老師話佢啲嘢又識喎～話佢學野快，但唔聽人意見同指令，情緒控制差同手多多！我覺得佢好蠢⋯佢唯一優點係跑得快⋯

FilifalaW

回覆 iloveapplepie 的帖子

我想問你小朋友係咪運動資優？有乜特質？謝謝！

Dongs

iloveapplepie 發表於 22-1-31 11:49
傳統學校的資優教育只係績優教育

我女女讀傳統學校, 初小成績只係中上, 但入選了資優班, 不過學校沒有通 ...

你女女間學校是否直資或私校？

iloveapplepie

FilifalaW 發表於 22-1-31 13:14
回覆 iloveapplepie 的帖子

我想問你小朋友係咪運動資優？有乜特質？謝謝！

我女女psi average, 其他very sup/sup,高低相差30幾分

但唔知係唔係運動資優
自細身手反應都好似OK


佢細個學嘢快和記憶好,
但有輕微讀寫困難, 啲中文字好辛苦先認到, 串英文就正常
數感都好差吓...
仲有其他問題就唔講了...
用社工和補習老師的話概括: 未見過佢和佢細佬咁樣的小朋友...

我地不嬲無操練佢, 初小成績在中上
但自疫情網課後, 成績急跌到中下
我地便跟番足D佢啲學業
發現佢好簡單的題目, 特別係英數, 就算重覆做十次八次, 學識咗後, 再俾佢做, 都可以失咗憶咁唔識做
俾人個感覺係智障咁...
反而有啲幾難吓的邏輯解難題目, 佢又好快諗到....在智力測驗呢部分都高分

數感方面奇怪地又好差, 就算俾例如, 39-38佢計, 佢都要逐個數字先知相差1...


簡單講, 整體係好兩極, 好飄忽, .....

iloveapplepie

Dongs 發表於 22-1-31 16:52
你女女間學校是否直資或私校？

津校

zaba

iloveapplepie 發表於 22-1-31 11:49
傳統學校的資優教育只係績優教育

我女女讀傳統學校, 初小成績只係中上, 但入選了資優班, 不過學校沒有通 ...

想請教你係點樣同幾時發現囡囡係資優?
因為我見好多資優生都係數感好好, 好突出, 但我見你話你囡囡數麻麻地
我感覺我囡有啲資優特性, 學嘢算快, 運動型, 但數感真係好一般...

iloveapplepie

zaba 發表於 22-7-25 11:16
想請教你係點樣同幾時發現囡囡係資優?
因為我見好多資優生都係數感好好, 好突出, 但我見你話你囡囡數麻麻 ...

由K1開始都一直都發覺女兒學中文好差,
跟小學中文老師講, 老師話睇佢默書都唔係好差, 應該無乜問題, 反而覺得我地太緊張

老師覺得無問題可能因她有說話問題, 小一曾找了位言語治療師訓練,
有同治療師傾過女兒讀寫問題, 他沒有測試,  但佢話平時觀察都見到係較差
估計應該是音和形之間轉換有困難
佢就教了我地一啲方法去改善默書成績,
我地跟住做, 默書的成績係好好多, 但就幫唔到其他科目

到小三她成績差咗好多, 加上佢參加太多活動, 所以為咗追番成績, 就CUT了好多活動和興趣班
她好勤力溫書, 但成績仲係好差
我地估佢真係有學習障礙, 然後經社工介紹做測試,
不過社工都話以佢經驗測出嚟的結果無乜用, 學校都話已過小一, 學校無嘢幫到
但為了了解女兒那部分有問題, 幫佢解決, 都去做了測試

數學方面, 時鐘, 磅, 尺, 幾何係特別差, 教極都唔識睇, EP話有讀寫困難的小朋友都比較弱
其他主要係錯: 唔睇/唔明題目直接將D given 數字亂咁計, 計直式D位寫得太衰又亂而睇錯位, 啲字體太衰衰到佢自己都睇錯, 呢啲問題都或跟讀寫有關

所以IQ test的邏輯, 詞義部分佢幾高分都有啲驚訝, 開頭唔係好明點解

之後慢慢觀察, 估計因為佢記憶力好
初小前好多嘢都係憑死記就得
但小三開始,各科都多咗要用腦諗的問題, 加上佢唔想睇 或 睇唔明題目, 便繼續用死記硬背的方法去作答
成績就急轉直下

而IQ TEST的問題佢無見過, 無記憶可遁, 要焗住用腦,
同埋沒有文字, 當係games玩, 玩得幾開心
所以就表現到佢的優點

ABC-DAD

如果記憶力好，有讀寫困難，前題可能係學習訊息嘅輸入遇到問題，低年級嘅圖像多，文意結構直接啲，到小學入學變左文字嘅訊息，書寫又相對有要求，試試學習電腦輸入或者視頻學習有無改善先。

ABC-DAD

小朋友除左見CP,重可以揾兒科專科醫生，做兒童發展評估，質詢下參照同年齡的人，會全面啲瞭解身心智力的發展在臨床方面，有無身心/生理上要注意嘅地方。

私院收費貴的話，睇下可唔可以寫紙去兒童醫院有這方面服務。費用我唔清楚。

iloveapplepie

ABC-DAD 發表於 22-7-26 20:35
如果記憶力好，有讀寫困難，前題可能係學習訊息嘅輸入遇到問題，低年級嘅圖像多，文意結構直接啲，到小學入 ...

Thanks

聽EP講, 有中文讀寫障礙跟英文讀寫障礙係唔同成因
就好似我女兒, 中文讀寫有困難, 但英文就無問題


初小時, 就用寫大字, 和唔同的記憶法以及遺忘曲線原理等技巧去解決
現在高小已唔可以單用呢啲方法, 因為字詞量真係大好多

知唔知有沒有針對呢個腦內機制的解決方法? 就應該可以順便解決埋數學的困難了

ABC-DAD

回覆 iloveapplepie 的帖子

針對你的問題，生理上的應對方案，宜先去見兒科醫生問下會好啲，兒科好廣泛，佢地瞭解左再針對問題介紹Specialist 去進一步幫你啦。
有時，係聽或視或運動肌肉或神經傳導嘅問題，醫學臨床研究可能有唔同解決方法嘅。