小一面試報幾多間？

muimuihipper

自問小女唔係好出眾又係細B, 應該要報多過10間，報15-20間會唔會太多？

謝謝

bettyay

muimuihipper 發表於 21-2-10 16:54
自問小女唔係好出眾又係細B, 應該要報多過10間，報15-20間會唔會太多？

謝謝

建議先按自己希望的學校類型、期望；孩子個性分類，如學術、活躍、斯文；學校區域，交通到唔到等等，太遠的就唔好諗！interview 太多孩子家長都辛苦！個人覺得大約10間係極限，扣除或會撞期，見到7-8間已經好叻

bird06

比幾十蚊，報左可以唔去，我兩年前報左17、18間，去左13-4間。到你有一個offer喺手，就可以揀去定唔去。

xubin2008

回覆 muimuihipper 的帖子

今年疫情，我報咗6間，如果冇疫情可能多報2間，我就唔喜歡報太多個一類家長但只代表我自己

DengCK

bird06 發表於 21-2-10 17:06
比幾十蚊，報左可以唔去，我兩年前報左17、18間，去左13-4間。到你有一個offer喺手，就可以揀去定唔去。
...

agree.  報名都係辛苦阿媽，有offer就可以揀去唔去，以前當warm up係好好

kisani

muimuihipper 發表於 21-2-10 16:54
自問小女唔係好出眾又係細B, 應該要報多過10間，報15-20間會唔會太多？

謝謝

如一心非直私不可就盡報，但要諗埋實際考慮如果收你你係咪真係去讀(vs 大抽獎中寶校，直私學費，龍校直私小六可能冇呈分，交通距離係咪可接受範圍)，考慮晒應該唔會報到20間咁多，始終如果住九龍港島點都唔會報屯元天嘅直資(唔關學校質素事，只係純交通唔就腳)。
如一心讀一線官津，報直私只為backup offer/ 叩門嘅warm up, 就更加唔好報太多非心儀直資，到時大抽獎前比左offer你又要爭扎一輪....不過就算take次心儀直資offer唔抽獎，叩門階段都有機會100/000有offer, 睇你點部署

糯米米糍

我小朋友今年升小， 我自己一直都係aim直私，由佢k1開始慢慢做定功課，將所有直私list out分四類。
第一類最心儀，即學校定位同地點都理想。
第二類次心儀，即學校定位同地點其中一項較理想，而地點上即使唔近但交通都可以安排到或考慮搬屋都許可。
第三類可考慮，即未太清楚學校定位是否合適但地點同上。
第四類不考慮，即收左都唔會讀，包括學校定位，地點，學費等等。

加上考慮到小朋友有輕微speech delay，強項不在表達，預計在考直私上未必發揮理所，所以根據以上自己分類都大包圍報左20間。

唔同家長有唔同approach，始終因應每個家庭同小朋友要考慮嘅都唔一樣，不過參考有經驗家長意見，都會建議先按自己考慮因素將學校分類，再按小朋友特質決定報邊啲，多與少。

xubin2008

回覆 糯米米糍 的帖子

可以冒昧問一句，你手中有幾個offer嗎？你真係一位思慮周到嘅家長

Tang23

今年考小一，之前覺得報多過10間好過份，最後報咗16間今年改咗拍片，好多已經死亡，個一刻慶幸自己報多少少，一來死幾間都總有少少過到唔會全軍覆末，二來提升拍片經驗，起碼過唔到自己都知原來咁拍唔掂，幫到後面拍片個d.
個人支持大包圍，到時你可以唔去！
當然報多間都要付出少少嘅，不同學校填表不一樣，有d都幾煩
不過今年之後應該大部份學校已經有online 報名糸統，更加方便，應該唔會走番轉頭要親身吧！

xubin2008

回覆 Tang23 的帖子

係咁啊，咁可唔可以講下依家你有幾個offer？

糯米米糍

xubin2008 發表於 21-2-10 21:49
回覆 糯米米糍 的帖子

可以冒昧問一句，你手中有幾個offer嗎？你真係一位思慮周到嘅家長 ...

一直兩私，都係非熱門學校，同自己預期吻合，仍有3間等緊2nd in結果。
值得一提嘅係，其實整個報考直私過程好多得著，我自己有報名而又有舉辦網上簡介會嘅學校，全部都有參加，加埋過程中體驗每一間學校喺疫情中嘅安排，其實係俾我哋一個好好嘅機會去了解學校，亦更了解邊類型學校適合小朋友。有啲學校以前未太了解，到小朋友意料之外入到2nd in會再多做功課深入了解學校，發現其實每間學校都有佢可取之處。回頭睇返的確學校真係經驗豐富會選到合適小朋友，作為父母都經過整個過程重新了解小朋友，好多學習。

xubin2008

回覆 糯米米糍 的帖子

明白，明白，睇起上來，你好啱，好應該多D瞭解學校，咁才會選擇啱自己小朋友嘅學校！謝謝你嘅回覆

EudyptulaMinor

muimuihipper 發表於 21-2-10 16:54
自問小女唔係好出眾又係細B, 應該要報多過10間，報15-20間會唔會太多？

謝謝

先list out心水學校（鍾意佢嘅教學模式），再按地點、學費或其他原因排除你考到都唔讀嘅，淨返我報咗7間，in咗6間，最後得兩個offer（非競爭大嘅學校）。
我女都係平凡細b，報幾多間要睇小朋友承受到幾多，要知道每一次面試都係壓力，你預頭兩間係warm up，唔好一味報哂神校，你報1間同10間都係一樣，叻女嘅就間間收，你都只可以讀一間，未有咁叻嘅就只會全軍覆沒，唔同level嘅學校各報兩三間我覺得就好夠啦。

pokipoki

muimuihipper 發表於 21-2-10 16:54
自問小女唔係好出眾又係細B, 應該要報多過10間，報15-20間會唔會太多？

謝謝

我小朋友都係超細B今年升小，初初都覺得報10間好多，但聽下同學講完一齊報，有d二線就係報來當包底，有d明知唔會讀但只係為拎實戰經驗，所以最後都報左14間，我覺得報得多雖然係好麻煩，但今年太多變數，所以報左至算

Tang23

回覆 xubin2008 的帖子

我4間有offer, 二間final in 完等result, 一間等緊final in, 一間final in 放棄了沒有去,另外二間好後先first In, 一改為拍片之後我就放棄，因為個時已經有offer 無咁心慌慌，又不是最心儀就算啦唔再迫阿仔拍片
其他失敗的全部都係video一開始已經死咗
中間個段時間不斷收reject, 個心好灰，所以好慶幸報多d死極都有d剩
拍video 都越拍越搵到多少少自己的best practice
而以我仔情況，有多d interview 經驗好有幫助，幫佢進入面試mode, 令後面個d越來越好
佢自己好知做咩，又唔會驚，仲會主動話咩咩幾點in 呀，我哋幾時練習
不過一開始拍片係極度痛苦，有好幾次/個我都想放棄

Kitche

我覺得睇你自己係咪只想入直私，如是就要大包圍，會讀的都要報，博下邊間有offer，但如純粹用來back up, 就要策略性地揀D相對比較易入的私學，再博大抽獎！

yiqiyihui

我其實冇數住幾多間咁報。見到啱嘅就報，back up 又報幾間。啱啱先數咗，冇數漏嘅話原來已經有15間。我仲以為自己報好少。我報呢個數當中係包括幾間國際學校，同埋諗住全軍覆沒嘅話會再報多啲國際學校。
報一定報哂先，至多到時唔去。撞時間係幾乎一定會，咁就已經冇咁幾間。

Mrscatcatfung

我報了12間，只得2間私立有offer. 另2間直資waiting. 好多間熱門都在第一round後rejected. 現在博大抽獎。我個小朋友7月b，唔叻講嘢。

fadgare

照報，開頭有啲當warm up都要，撞期又少1/3，有offer有啲又唔去，報多啲冇壞，最多蝕報名費

lambeanmama

我是去年考的（即今年已讀小一），一點分享供參考：

在報考前，我制訂了三個學校list: 1. 心儀學校，入到開香檳即收工停考的（我有三間）。呢三間是我心儀也覺得非常合適兒子；2. 心水學校，入到都好開心，也樂意俾錢交學費去讀（我有八間）。呢八間是在心儀度、合適度和位置三個考慮範疇各有擅場也各有隱憂的學校。3. Ok學校，是有名氣的私小，非心儀也覺得不適合兒子，但若無其他，樂意入讀好過裸抽津小（呢個list我有三間）。

做好個list後，我報晒以上咁多間，因為早段已有list2 其中一間直資取錄，所以最後好多都無再繼續參與了。

做list嘅好處是讓自己保持清醒。我不太認同預賽於操的。尤其我仔的性格是會「厭戰」個種（呢啲真係人人不同）。再者，當收到offer也可根據自己的心水，早作決定。讓等候中的家庭可早日收call。

僅供參考。祝考小順利。