如何減少自己孩子之間的壞影響？

小余

我有2個年紀相近的小孩，從少2兄弟感情不錯。從少覺得弟弟對文字興趣不大，還一度以為他是讀寫障礙。
現在3年級了，發現弟弟其實讀寫問題不大，但真係無心向學，最鍾意玩，揾埋哥哥玩。哥哥都係一般小朋友，有其他人叫佢一齊玩玩具，閱讀時間故然拖，見到弟弟做功課練精學懶果啲又跟埋。唉…
我都同自己講要接受弟弟可能不是讀書的材料，但擔心過往循規道距的哥哥比弟弟帶壞，唔知點算  

Jane1983

主導大仔做d學習性的活動，帶埋細仔一齊做。

兄弟感情好係美事，好多係漸行漸遠。

ar_mak

例如你每晚都同大仔入房閱讀一小時，細仔就唔能夠入來參與，從而先產生出一個空間上既明顯分化。要向細仔強調，係呢個時間，係呢個空間，大家只係能夠閱讀，不能夠分心做其他野。細仔仲係小朋友，佢會因為出於好奇，或者想得到關注，從而妥協。你既語言，態度，表達，堅持，係會對佢有影響。能夠入到房，你再點樣令到佢有興趣睇書，可以下回再分解。

ar_mak

Jane1983 發表於 20-12-31 09:51
主導大仔做d學習性的活動，帶埋細仔一齊做。

兄弟感情好係美事，好多係漸行漸遠。 ...

我同意你呢個方向，但點樣可以做得好呢場戲，就好考驗導演同埋演員既功力。

Jane1983

ar_mak 發表於 20-12-31 11:32
我同意你呢個方向，但點樣可以做得好呢場戲，就好考驗導演同埋演員既功力。 ...

有個大明星拍住個新星，套戲應該唔難拍，好過個個茄哩啡

一年將盡，做人父母係關關難過關關過，祝麥哥和大家都開開心心，闔家平安快樂    

小余

ar_mak 發表於 20-12-31 11:21
例如你每晚都同大仔入房閱讀一小時，細仔就唔能夠入來參與，從而先產生出一個空間上既明顯分化。要向細仔強 ...

Thx! 我真係想知下part
其實睡前閱讀細仔係一直都有跟入房。我習慣同小朋友指住本書續句讀，我讀啲佢讀啲咁。咁通常哥哥會同我一齊睇住本書，但弟弟就好明顯無望書，齋聽咁。

小余

小余 發表於 20-12-31 14:01
Thx! 我真係想知下part  
其實睡前閱讀細仔係一直都有跟入房。我習慣同小朋友指住本書續句讀，我讀 ...

哥哥見到弟弟都可以齋聽唔讀，搞搞吓而家想叫哥哥一齊睇書佢都十次有5次唔睬我

ar_mak

小余 發表於 20-12-31 14:01
Thx! 我真係想知下part  
其實睡前閱讀細仔係一直都有跟入房。我習慣同小朋友指住本書續句讀，我讀 ...

如果咁樣，同小朋友係個浴缸度，放滿盆水浸住浴黎睇書，睇完之後，就將本書撕爛，再撈埋Ｄ浴缸水，攪到Ｄ水好似漿糊咁樣（當然首先要本書既紙質唔好咁靚啦！），再跟住玩一大輪先收工。拿，你諗下，相對於你果種閱讀方式，既要睇又要讀，你日日咁攪法，係咪好沒趣呢？

呢個我只係隨便舉個例，唔係話跟說明書行哂Ｄ方法就會有預期既結果，但第一步要引起小朋友既好奇心，就唔能夠用太過正經既方法，或者你要洞悉到小朋友點解會同你一齊睇書，如果佢只係想得到陪伴，但反過來你想佢睇書係因為你自己想多番Ｄ私人時間，咁呢度互相抗衡既力就會令到大家都患得患失，大家都辛苦，大家都得唔到自己想要既結果（呢個只係我亂估一通，意思唔係話你係咁）。

閱讀對於我自己黎講，絕對唔係一個提升考試分數既好方法。考試就講番考試，係講點樣溫習，點樣去整理筆記（到學期尾仲一大堆野要溫，係咪又打算唔使玩唔使訓？），點樣去估計份卷會出咩，或者索性就係點樣去操卷。閱讀個套餐應該可以闊Ｄ，例如係包括去書局打下書釘，打完要買下書，要去擁有左本書，買完書就去飲下野，或者我唔知你會做Ｄ咩係會令到成件事係令人期待。返到屋企又可以包下書，可以研究下個書皮，研究下個排版，或者係改寫本書，畫花本書。。。其實我都唔知會有幾多個可能性出現，但小朋友個腦諗既野係會令人意想不到，佢地可能會諗到將一本講南極既書放入冰格雪凍一晚先至睇。。。可能你會暈低，但都盡量配合一下啦～

ar_mak

Jane1983 發表於 20-12-31 13:06
有個大明星拍住個新星，套戲應該唔難拍，好過個個茄哩啡  

一年將盡，做人父母係關關難過關關過， ...

捱多幾個鐘如果冇死到，就係２０２１年。我諗機會都大既！

ＰＳ：其實都唔知有咩祝福說話係講得出口，因為感覺上個發生既機會都唔係好大。不過我都會祝你同家人身體健康，呢個係最緊要，亦都係個人可以控制得到。

MrBeast

小余 發表於 20-12-31 00:20
我有2個年紀相近的小孩，從少2兄弟感情不錯。從少覺得弟弟對文字興趣不大，還一度以為他是讀寫障礙。
現在3 ...

大路方法都是讚和奬勵，起初弟弟個bar 可能要set 低一點，又或者反向連坐法（ie, 兄弟一起得到獎），好難做到完全公平，要大家溝通、理解，一起找個大家同意的方案。另外你自己看書set good example, 之前我會比reading assignment.  最後，雖則書中自有黃金屋，小學期間，閱讀和分數未必有直接關係。最後最後，你要留意下弟有冇什麼困難，難自然就冇心機做

小余

係，本來的睡前閱讀時間有時2兄弟唔願應酬我，明明坐喺到都掛住吹水唔睇書，我咪坐在佢哋中間但自己睇書囉

b3410

小余 發表於 20-12-31 14:01
Thx! 我真係想知下part  
其實睡前閱讀細仔係一直都有跟入房。我習慣同小朋友指住本書續句讀，我讀 ...

一人讀一句真係要好配合的小朋友先做到。記得細個時，大女都係要我“講”，唔係讀，因為讀的故事都唔夠好玩，要講故事，繪聲繪色。如果一句句照讀，已經唔肯聽，更加冇可能一人一句。所以，小朋友一定係興趣行先，讀書又好，睇書又好，講故事又好，目的係  建立  “書” =“愉快的感受” 這個正面心理反饋。
所以弟弟喜歡坐埋一起聽，已經達到效果。可以大家一起繼續編故事，開開心心就係最佳親子活動。

b3410

小余 發表於 21-1-1 14:10
係，本來的睡前閱讀時間有時2兄弟唔願應酬我，明明坐喺到都掛住吹水唔睇書，我咪坐在佢哋中間但自己睇書囉
...

咪一起吹水囉，我哋之前唔知編咗幾多故事，連續的長篇。

MrBeast

b3410 發表於 21-1-1 15:21
一人讀一句真係要好配合的小朋友先做到。記得細個時，大女都係要我“講”，唔係讀，因為讀的故事都唔夠好玩 ...

不同方法有expiry date.  bedtime story kg 初小適用，同意要從小朋友興趣出發，之前會放一些書在當眼地方，小朋友有興趣便會看，所以起初不要急上chapter books.  bridge books 更容易找到小朋友興趣

Jane1983

其實睇書本身有樂趣，係睇你幫唔幫小朋友搵到。

話說我女初小時，佢中文唔差但唔多主動睇中文課外書。有次，我發現佢連續幾日小息無買零食，就問佢點解。佢話幾日都係課室的圖書角睇書。因為朝早上堂前睇咗少少，好睇到小息忍唔住要追埋。果年班主任係中文老師，佢揀的書真係好精彩。咁好睇既童書就唔使逼，細路哥都會睇。

964000

Jane1983 發表於 21-1-2 10:54
其實睇書本身有樂趣，係睇你幫唔幫小朋友搵到。

話說我女初小時，佢中文唔差但唔多主動睇中文課外書。有次 ...

請問係咩書咁好？

Jane1983

回覆 964000 的帖子

我唔記得書名，我女有帶過返屋企比我睇，故事內容精彩到好似乾淨版韓劇。

Azzurro

弟弟三年級，那麼哥哥幾年級？
有時候閱讀水平不成正比，可能對哥哥來說水平合適，弟弟覺得太難？
而且每個人興趣愛好都不一樣呢

如果是水平差距大，我覺得應該按弟弟水平去選書
父母陪讀基本上可以講到天花龍鳳，好似演話劇，適時講複雜的概念迎合哥哥

調低書的難度水平其實問題不大
小朋友容易消化才是重要
需要的時候你講述的時候增加複雜程度就好了

打個比方
最簡單的兒童書是一個字都沒有的
後來變成一個字，就是那些認字書
後來變成一個句子，幾個句子，一個段落，幾個段落
最後變成沒有圖畫的文字書
實時向上向下調整好處很多

小余

明白，儘量就返弟弟的程度。同埋要留中觀察吓弟弟的喜好。

Soundervolt

ar_mak 發表於 20-12-31 11:21
例如你每晚都同大仔入房閱讀一小時，細仔就唔能夠入來參與，從而先產生出一個空間上既明顯分化。要向細仔強 ...

麥sir，唔似你講嘢嘅style，仲以為你揾人代筆添