夜蘭人靜，又有心事。。

christine001

雖然已經知道仔有asd已久, 由佢好細個嘅時候自己發現， 到兩歲去cac評估確診系輕微， 雖然只系輕微， 但我覺得佢好多問題 ，情緒社交行為差，理解弱成日激到我好紋因為佢吾明我講咩谷住啖氣盡量吾敢打駡佢，驚佢學我之餘又失去自信，老師話佢就認知學術尼樣我都暫時放心，之後我都逼住自己去接受佢既缺点， 同埋一路以嚟 做全職媽咪嘅我都一路付出努力，吾敢去請人凑佢自己反工，每日日頭努力教佢教到好累，我自己就成日認為只要多一分努力佢既進步就越大，但發覺自己有時支撑吾住尼分精神，夠竟尼埸持久戰系咪跟足一世都無得休息尼？？我覺得理解弱都吾緊要，我可以每日同佢睇多D書比佢用多D腦，但情緒社交行為我好頭痛，為左小小事就發晒脾氣， 又做埋啲古靈精怪動作， 例如 經常數手指， 諗起唔知啲乜嘢傻笑， 我都知道自閉症譜系嘅小朋友 可能正常係有呢啲症狀， 但佢 啱啱過咗四歲年龄越嚟越大， 搞到我越嚟越緊張 若果佢就黎升上小學都有呢啲 情況 咁究竟點算？？ 咁樣真係好明顯佢有問題。。 如果你話 不被察覺只係覺得個性問題咁我可以接受到， 我同佢講過好多次唔好甘做又唔肯聽，唉，好煩

0030

加油～

小菜豆

我仔都係ASD, 4歲K2。
"情緒社交行為我好頭痛，為左小小事就發晒脾氣， 又做埋啲古靈精怪動作， 例如 經常數手指， 諗起唔知啲乜嘢傻笑"
我仔而家都係呢D情況。
妳有冇JOIN E位或到校服務?
遇到情況可以問特殊訓練導師有什麼應對技巧。
因為雖然容易發脾氣, 同時同佢地解釋好快就可以平復情緒。
另外, 不要太在意社交或情緒缺點,多發展妳仔仔優點,
大人細路才會開心。即使正常幼兒也有情緒問題。
要相信ASD也會成長, 成年人ASD都能控制情緒。
例如仔仔DADDY都係ASD, 成年咗都傾向理性懂基本社交的。
當然善解人意一定不是他們強項。

christine001

回覆 小菜豆 的帖子

我清楚佢嘅優點， 但同時間自己有点接受吾到佢嘅缺點有点明顯， 行為上難聽啲講有少少似智障， 雖然佢吾系。。 我都知要畀啲時間， 但我都盡咗我最大嘅努力教好佢， 我都唔知仲有咩可以做到。。 可以令佢啲問題加快消失

小菜豆

而家醫療普及,
被發現asd 或adhd的小朋友越來越多。
所以不要當小朋友好怪好另類。
每個小朋友都有特別討好或特別討厭的行為。
可能妳full time湊壓力比較大。
我仔有工人湊, 工人讚他比以前湊的男孩聽話聰明。
因為asd記性很強, 工人教他很容易。
親戚也湊過他, 都很疼他。而且比我更大膽讓他嘗試很多。
或者間中妳可以放手, 交小朋友給親戚或朋友湊,
自己放空一下, 回頭看情況並不是太壞。

applepie34

christine001 發表於 20-10-12 01:25
雖然已經知道仔有asd已久, 由佢好細個嘅時候自己發現， 到兩歲去cac評估確診系輕微， 雖然只系輕微， 但我 ...

我去公園想阿仔埋下堆同人玩 極之驚青
自己就成日玩手指，講A-Z，重複問相同問題
心情都成日因為佢既表現起起跌跌
同路人，我明你。

Evachan^_^

我都好明白你的心情
仔仔都係咁，講嘢同行為都奇奇怪怪...
我仲有一個有讀寫障礙的大仔，
一個剛出世的BB女，
我係要番工的，
老公也不是搵到，也不太幫手...
好多時候都好失落，覺得自己係好不幸同好慘，點解係我.好似得我一個人要承擔所有的苦，係我一個咁不幸。
但係近排睇咗一個外國人的link..
finding kipper’s voice
個仔係嚴重case , 但媽媽好好，好樂觀。
其實有好多人都係咁，要面對的仲多。
自己個仔行得走得，講到嘢已經係不幸中之的大幸。
近排我都冇迫自己咁緊去教仔了。
我諗你仔仔大個d會好d的了！
加油，放鬆一下媽媽！

Evachan^_^

Should be “Finding Cooper’s voice”.

babytwins01

K  mom

Helen@2018

christine001 發表於 20-10-12 01:25
雖然已經知道仔有asd已久, 由佢好細個嘅時候自己發現， 到兩歲去cac評估確診系輕微， 雖然只系輕微， 但我 ...

我明白你嘅情況，我自己都係一模一樣咁面對，但其實有時真係教到好攰，你所講嘅怪行為，我仔都有自言自語、成日將已知嘅事用問句問人，到K3都係咁，我仔快升小學，我都好擔心

LifeisBlue

回覆 Helen@2018 的帖子

過來人想鼓勵大家。我兒由S位去主流幼稚園，不經不覺現在已主流小五。雖然他仍有些古怪行為，但我現已記不起他幼年時的種種尷尬事，怎樣跨過。不要放棄，努力訓練，孩子們有他們成長的時候，急不來，到時自然有突破，大家加油。

tanangel669

LifeisBlue 發表於 21-6-28 21:31
回覆 Helen@2018 的帖子

過來人想鼓勵大家。我兒由S位去主流幼稚園，不經不覺現在已主流小五。雖然他仍有 ...

LifeisBlue 替你高興

同路人我都明白樓主，我小孩K1
做左到校及密集訓練半年多，有明顯改善，

但我成日驚其他家長知道佢係特殊時，會杯葛歧視佢
而且又訓練又返學時間好密，自己又要返工不能親自接送並及時跟進，但我唔返工賺錢又如何負擔學費

總之又擔心又矛盾

mo515

christine001 發表於 20-10-12 01:25
雖然已經知道仔有asd已久, 由佢好細個嘅時候自己發現， 到兩歲去cac評估確診系輕微， 雖然只系輕微， 但我 ...

我仔小一啦！今年9月升小二，主流學校，都係理解力弱，佢都係玩手，成日上堂發夢，我估其他同學仔都覺得佢怪，但我諗我點樣都要放手，社交方面，佢要自己面對或撞板才識，認知方面，我都不斷教緊佢，始終唔想佢同其他小朋友相差太遠，大家努力啦！

LifeisBlue

回覆 tanangel669 的帖子

今時今日揾食好艱難，維持生活已經好辛苦，又要擔心仔仔，真係慘。其實越來越多SEN，大眾明白多咗，都少咗歧視，反而體諒的人多咗。如有人排斥，係佢地涼薄，無需介懷。

LifeisBlue

回覆 mo515 的帖子

勁呀，適度放手自學係最難，我到依家都未衝破。