用戶登入
用戶名稱:
密      碼:
搜索
教育王國 討論區 國際學校 在職媽媽vs全職媽媽
查看: 2656|回覆: 27
go

[其他] 在職媽媽vs全職媽媽

Rank: 2


86
發表於 20-6-18 14:46 |顯示全部帖子
各位媽媽我自己係一位在職媽媽(返九五時間穩定的)兩個小朋友(2,4 yr)大仔將會入讀國際學校反而令我覺得想多啲時間陪佢哋因為好多朋友話小朋友十歲前都仲會黐住你再大啲就唔再黐你所以都想享受而家同小朋友嘅時間(講緊嚟緊6-8年時間)但另一方面我其實自己好鍾意自己份工作,又驚對佢哋會癲會成日鬧佢其實好多時返工時就係可以畀我有番自己嘅時間抽離一下佢哋。、我都唔識點樣去取捨。錢對我們屋企不是一個經濟問題但係我自己都真係好鍾意份工作所以都唔捨得但又想珍惜下同佢哋嘅時間想聽下不同媽媽嘅意見覺得應該做個全職媽媽vs在職媽媽好?


Rank: 5Rank: 5


1434
發表於 20-6-18 14:49 |顯示全部帖子
本帖最後由 yankiyan 於 20-6-18 14:50 編輯

人各有志
我唔鍾意做ftm日日係屋企湊仔
必須要時間抽離一下

Rank: 5Rank: 5


2220
發表於 20-6-18 15:31 |顯示全部帖子
本帖最後由 yaijing 於 20-6-18 15:37 編輯

如果你真係非常喜歡自己工作,我覺得應該繼續做。 遲啲佢哋大少少返全日學,放學返到屋企都四點啦。 你五點鐘都放工, 都仲有親子時間。

但係 ftm  亦有其好處, 例如可以參加學校嘅活動,做義工媽媽, 小朋友運動日又可以去睇下,聽學校舉辦嘅講座等等。學校放假又可以帶佢哋同同學玩。 真係示乎你認為邊樣重要。 我由個仔出世開始就已經係 ftm,屋企無工人, 亦無四大長老幫忙, 可以話係一手一腳湊大個仔。

Rank: 5Rank: 5


1518
發表於 20-6-18 15:43 |顯示全部帖子
wss049 發表於 20-6-18 14:46
各位媽媽我自己係一位在職媽媽(返九五時間穩定的)兩個小朋友(2,4 yr)大仔將會入讀國際學校反而令我覺得想 ...
你好。 你小朋友都開始大,只有半日係屋企,如果你份工唔使OT,可以準時放工,咁其實keep 住份工都ok, 俾都一個空間及social life 你自己。

另外,又睇下你份工有幾多假期有幾彈性,因為小朋友返學後,,如果有活動,你好想去參與,咁如果假期少,咁會miss 咗好多 precious moments.  當你見到有d 小朋友係台上表演,目光係咁找尋父母有無嚟、坐邊度,個個有父母接嗰種失落,就算你平時要返工,如果你抽到時間去到大部份呢d 節目,我覺得問題不大。

我自己需要返工,但我覺得係我能力範圍做到最好。如果可以全職係好好,不過都要睇自己性格是否適合,眼見有不少媽媽全職反而令小朋友無空間去發展。 有時候,人生有少許遺憾,反而更珍惜自己所擁有。




Rank: 4


610
發表於 20-6-18 17:00 |顯示全部帖子

回覆樓主:

本帖最後由 細佬Bebe 於 20-6-18 17:18 編輯

份工唔駛加班 我會做落去 打風流工好過全職媽好多了!

令自己同社會唔脫節 對小朋友發展都好
我覺得小朋友對住一個有work life balance既媽 好過對住全職媽媽 你自己都要有遠見 有知識 先可以guide住小朋友既人生路

我仔出世多年 我大部份時間係在職媽 呢年幾係全職媽 會係佢返學後做返野 懷念有自己世界既生活 雖然辛苦但十年後 (佢十幾歲唔理你時 自己又人老珠黃時)一定覺得值!

過來人經驗 做全職媽 頭幾個月就好美好 耐左真係枯燥到爆 同埋時間太多都未必會用哂佢度 最後未又係去左做facial, shopping, yoga and tea 其實真係唔係咁正嫁咋 我有工人 得一個小孩 湊仔唔辛苦 但唔可以話正到想成世都咁過

你有兩個 唔同歲數 就算國際學校 你顧佢地學業 同佢地去explore都足夠你無哂自己既時間

錢銀方面 經濟不是問題 係靠哂老公 定你自己有家底夠你同一對仔女食成世,國際學校學費加出國留學 (一個小朋友500萬計)

如果係前者 你自己真係唸清楚 男人有錢有事業 touchwood萬一離婚 你連仔女都爭唔贏

你自己有個富爸爸 有三五千萬留俾你 就唔同講法

其實又唔駛係一個life changing既決定既

可唔可以考慮下 做一兩年全職媽 試下過下癮 返返職場有問題嗎?仲搵唔搵得返唔駛加班既工? 相信減人工對你應該唔重要 如果減人工後都可搵返一份唔駛加班既工 做一兩年全職媽 拎個回憶都係唔錯

頭半年會唔適應 過左半年 先唸下自己想點

我自己覺得 人生有好多角色
人地既媽媽 人地既老婆 自己 人地個女 人地既朋友 每個角色都60分 好過其中一個角色100分 (仲要你覺得自己係一個犧牲者 100分既阿媽 你老公同仔女未必覺 分分鐘仲唸點解個阿媽咁無所事事)

同轉做全職媽呢個決定 老公又點睇?

Rank: 3Rank: 3


181
發表於 20-6-18 17:37 |顯示全部帖子
鍾意份工就繼續做,長期係屋企需要好高情商,小朋友鍾意媽咪開心,佢地睇得出。ftm長期係屋企難免會發脾氣勞氣。或者同公司商量no pay leave 半年試下。

Rank: 3Rank: 3


258
發表於 20-6-18 18:39 |顯示全部帖子
我覺得除左經濟仲有幾方面考慮,例如老公支唔支持(有d男人好反對女人做ftm;亦有vice versa, regardless of有冇經濟考慮)
仲有你強調自己好中意份工
有左小朋友亦要做自己鍾意嘅嘢,如果正常9-5,又可以有需要時請假support小朋友嘅學校活動,我覺得夠時間陪小朋友喇
畢竟佢哋返學都6、7個鐘,同你返工時間都唔差太遠
最重要係,將來如果再搵工,唔知搵唔搵到同而家一樣你咁享受嘅
我有返工但我小朋友都好黐我呀

Rank: 4


610
發表於 20-6-18 19:33 |顯示全部帖子
ykydg 發表於 20-6-18 17:37
鍾意份工就繼續做,長期係屋企需要好高情商,小朋友鍾意媽咪開心,佢地睇得出。ftm長期係屋企難免會發脾氣 ...

No pay leave而家啲公司應該超歡迎  係一個好時機去試

Rank: 4


610
發表於 20-6-18 19:35 |顯示全部帖子
meimeimandy 發表於 20-6-18 18:39
我覺得除左經濟仲有幾方面考慮,例如老公支唔支持(有d男人好反對女人做ftm;亦有vice versa, regardless of ...

本帖最後由 細佬Bebe 於 20-6-18 19:37 編輯

係 我老公就係任我揀無立場 最緊要我開心

但試過先知 原來全職湊仔 要日日開心 都唔容易 可能因為疫情 少左出街 無得去旅行 係無咁多姿多采

疫情前可帶佢去唔同地方 care free and 開心好多

而我身邊有唔少男性朋友都prefer老婆有份唔太chur可兼顧家庭既工 全因女人太多時間好煩 唔係旨在佢地收入

Rank: 6Rank: 6


6693
發表於 20-6-18 20:15 |顯示全部帖子
其實真係人睇你好,你睇人好
我係working mum, 亦同一班幼稚園開始認識嘅家長好熟,佢哋多數係full time mom.
佢哋會羨慕我返工有私人時間,我就會因為自己無法接放學而感到內疚。
但我哋好幸運,可以互補不足,我因為返工算輕鬆,可以幫手睇學校通告(原來俾個細路纏住係好難靜靜地上網睇通告嘅),而佢哋就幫手接我仔放學,間唔中湊我仔上佢哋屋企玩,等我放工去接。其實咁都幾好呀,大家都贏
呢段時間辭咗工真係唔容易搵返,我覺得可以keep住份工試吓先嘅,如果學校嘅文化係需要好多家校合作,好多家長義工可以做,到時先辭工都未遲呀

Rank: 2


86
發表於 20-6-18 23:04 |顯示全部帖子
回覆 yaijing 的帖子

你好犀利冇請工人自己一手一腳做清潔煮飯湊小朋友其實你份全職媽媽工仲辛苦過在職媽媽返工因為沒有放工時間。

Rank: 2


86
發表於 20-6-18 23:14 |顯示全部帖子
ykydg 發表於 20-6-18 17:37
鍾意份工就繼續做,長期係屋企需要好高情商,小朋友鍾意媽咪開心,佢地睇得出。ftm長期係屋企難免會發脾氣 ...
我份工作唔會有no pay leave一旦如果辭職就一定返唔到去我而家個職位。我都好同意如果要做full time mum eq要高同個人要比較冷靜否則可能都係日鬧夜鬧小朋友。

Rank: 2


86
發表於 20-6-18 23:22 |顯示全部帖子
細佬Bebe 發表於 20-6-18 17:00
份工唔駛加班 我會做落去 打風流工好過全職媽好多了!

令自己同社會唔脫節 對小朋友發展都好
多謝你的分享。我老公很支持我佢話我可以繼續做如果將來做得唔開心先至辭職或唔做都可以。佢話覺得冇乜需要特登辭咗份工去接阿仔返學放學。反而佢驚我將來啲小朋友大咗唔做嘢就覺得好悶。

Rank: 5Rank: 5


2220
發表於 20-6-18 23:26 |顯示全部帖子
wss049 發表於 20-6-18 23:04
回覆 yaijing 的帖子

你好犀利冇請工人自己一手一腳做清潔煮飯湊小朋友其實你份全職媽媽工仲辛苦過在職媽 ...
自己做到就唔需要搵人幫手啦。 以前一家三口喺美國,冇屋企人喺身邊。 我除咗係ftm外,亦都有自己開網店。 叫做有少少收入同細藝啦。我老公乜都唔理,總之屋企同個仔嘅事我自己搞掂。 最幸運係我個仔算好乖, 從來都唔扭計發脾氣, 做功課又聽話,成績好都唔需要我勞氣。
所以其實聽落我好似幾嘆添。清潔煮飯都係小事, 一星期有幾日帶佢出去上課外活動, 每次等個幾鐘仲辛苦。 而家升中,反而要嚴謹啲督促佢啲成績同功課添。 其實我都好羨慕你有一份自己咁鍾意嘅工。 而家回流返咗香港,網店又冇得做,個仔又開始大,我都要開始諗下搵份 part time。

Rank: 3Rank: 3


164
發表於 20-6-19 00:03 |顯示全部帖子
可以繼續工作,做你喜歡的事,媽媽開心積極工作,孩子也會耳濡目染。可以放工後及週末利用碎片時間做有質量的陪伴~

我在孩子2歲前做全職媽媽,全心全意陪伴孩子,自認是非常有耐心並且能控制情緒的人,但時間久了也偶爾會覺得崩潰。後來回到職場,選了非常flexible的工作,時間自由,有自己的事業圈子,也有陪伴孩子的時間,整個人非常開心!心態平和,也更能在陪伴孩子的時候更用心,更能體會到親子時光的寶貴和快樂。孩子都能體會到這些,也懂得媽媽需要有自己的空間,還經常會說,我以後會像媽媽一樣努力工作~

媽媽不用太擔心,不管怎麼選擇都好,都是追求一種平衡,時間及情緒上的平衡~其實只要媽媽開心,全家都會開心~

Rank: 3Rank: 3


181
發表於 20-6-19 06:21 |顯示全部帖子
回覆 aurora0326 的帖子

講得太好,重點係平衡

Rank: 4


610
發表於 20-6-19 23:07 |顯示全部帖子
wss049 發表於 20-6-18 23:22
多謝你的分享。我老公很支持我佢話我可以繼續做如果將來做得唔開心先至辭職或唔做都可以。佢話覺得冇乜需要 ...

本帖最後由 細佬Bebe 於 20-6-19 23:18 編輯

你老公都好好呀 亦好合情理

我都覺得係咁 難得你有份鐘意既工 (香港無咩人會不停講 好鐘意自己份工 =P) 我覺得唔好為左幾年時光而放棄 老左得返仔女同家庭時 人難免會失落

當初我生完頭幾個月 都有唸過唔做 但當時唔捨得份工(當時好做)再過多幾年 做得唔開心先唔做

而家試過做全職媽媽一段時間 有得著既 但其實真無想像中咁enjoyable

我返工時好貪靚 但湊仔真係令你無咩動力去扮靚 唔駛好耐就變黃面婆

同埋我䑁得夫妻關係都會變得更平淡 話題少左單一左

同老實講 我覺得男人 如果長年養住個老婆係屋企做黃面婆 真心好欣賞同感激老婆既付出有幾多個

打風流工比做全職媽好多了!面上有光采多了 子女都會尊敬你多啲 (覺得媽媽係獨立有能力既女性)

我唔知你兩個小孩有無一個女 外國有一個研究指出 在職媽媽對個女將來既事業有正面影響 個女將來事業都因為有媽媽既好榜樣而會好啲

而個仔都會比較尊敬女性 會傾向搵個叻既老婆

你有一份鐘意同唔駛加班既工 得到既收入就算唔駛供佢地讀書 多左既錢將來實有用掛 留返子女創業都好呀
又對子女有正面影響 至少都要做到wok/唔開心時 先考慮放棄掛

Rank: 2


92
發表於 20-6-20 18:17 |顯示全部帖子
其實都要睇下你適唔適合ftm嘅生活?
我係working mom,小朋友讀國際學校。 班上有好多ftm,佢哋會安排好多playdate、興趣班帶小朋友去。你要預咗你嘅生活大多數圍繞住小朋友,同其他ftm一齊,去飲tea,做facial,做運動咁。

我唔知你做邊行,如果你而家辭職唔做,遲啲想再揾工會唔會無咗競爭力? 我好多朋友做咗ftm後都無再做返嘢。

Rank: 2


86
發表於 20-6-21 00:08 |顯示全部帖子
dairymeow 發表於 20-6-20 18:17
其實都要睇下你適唔適合ftm嘅生活?
我係working mom,小朋友讀國際學校。 班上有好多ftm,佢哋會安排好多pl ...
如果離開職場不可能返回現職位可能要再由低做起所以一旦離開都唔會諗住再返轉頭。之前都冇咁嘅念頭想做全職媽咪自從小朋友將準備入國際學校就開始有咁嘅諗頭可能國際學校比較多假期想多啲時間陪佢哋。我覺得自己唔太適合做全職媽媽因為EQ 低容易"炆", 覺得自己生活好唔充實因為冇寄託除咗小朋友外。我返工除咗可以抽離下我仲可以買埋餸同有番自己嘅空間做自己需要做嘅嘢覺得自己過得好充實。可能我都需要係一個自我價值

Rank: 2


60
發表於 20-6-21 11:02 |顯示全部帖子
搵份可以 home office 既工/轉 part time..
你需要登錄後才可以回帖 登錄 | 註冊