讀IS, 加強中文程度

bonbon1106

小朋友year 5, year 3 中期轉IS. 之前廣東話教中文，追極都追唔到，冇信心，打擊大。點知轉左國際用普通話，中文課文自己都識睇，或者估到多啲。因為有拼音。當然’H’’J’呢D普通話生字就難估啲。我就係唔肯放棄，轉一間相對比較多中文嘅國際學校，每日有1小時中文。課本用返出邊本地學校相同程度課本，但係冇咁谷，一路都有私補一星期一次。
如果小朋友仲細，你可能未見到好大成效，我補左幾年，慢慢會見到原來佢儲咗好多字。
以往買中文書，例如鬥嘴xx，童話夢xx都係我伴讀，咁大個都唔肯自己睇。所以好容易令家長放棄。因為讀一本都讀幾耐下。
啱啱呢兩個星期用咗新方法，我叫啲朋友俾啲唔同出版社嘅中文課文書我，我讀返嗰兩年差唔多程度嘅課文，讀嘅途中我發現好多生字或者修辭手法都係同亞女學緊嘅差唔多。咁佢就好似有時有一下叮一聲嘅感覺！好似叮醒咗佢，原來近期有學過嘅。又好似當溫書咁。
之後我同佢一人讀一段，起初佢都唔肯，可以舒舒服服就咁聽故仔，變咗要自己有份讀，所以要氹！
好多時一課裏面第一段係好短，我俾佢讀先，我就扮好慘要讀大嗰段。佢就覺得好好玩成日爭住要讀細嗰段。咁好多時讀讀下後面佢會變咗讀大嗰段。佢都要遵守遊戲規則讀埋佢。take turn 自己又可以唞吓回下氣。

bonbon1106

sammiyummy 發表於 20-6-16 08:51
好好的伴讀分享！ 其實我宜家多數俾佢的exposure都係英文，試過俾普通話dvd佢，睇左一陣聽唔明就走 ...

是繁體字，因為本身讀緊本地學校都係用繁體字，想佢繼續學落去，況且學完繁體字，轉簡體字簡單啲。相反就好難。
一對一老師真係要試幾個，尤其是你個小朋友咁細個，要大家夾到。反正每堂俾錢，試兩三個比較下。
冇趣味佢一定唔會想繼續，大人都係同一樣諗法。
我俾佢讀嘅時候，有啲字我好肯定佢唔識，讀到嗰個位我就會讀出嚟，順便簡單解釋，咁佢又唔會有挫敗感，佢又好似輕鬆啲可以讀完一段。

bonbon1106

964000 發表於 20-6-16 09:57
有點難，要native 口音要6歲前接觸native PTH.
先學廣東話再學PTH就會有点港式，你如介意可找標準老師1:1 ...

我正有意俾阿女year 7 開始學法文/西班牙文/德文。因為esf year 7 開始有得學。希望今年盡量儲多啲中文同普通話。