用戶登入
用戶名稱:
密      碼:
搜索
教育王國 討論區 幼校討論 請賜教,禮賢AM及學之園PM
發新帖回覆
查看: 1500|回覆: 15
go

請賜教,禮賢AM及學之園PM

Rank: 2


67
發表於 20-5-14 13:34 |顯示全部帖子
如上,請問大家會如何選擇呢?禮賢已交了註冊費及書簿雜費,離家較遠,我自己試過不計等車,由上車到學校需時30分鐘,如孩子走得慢,應需40分鐘,讓他搭校巴又有些不捨,因聽說校巴需兜來兜去需時更久,喜歡禮賢校園大,面試時老師親切好笑容,我仔的表哥返呢間,以前十分粗魯,返了禮賢行為禮貌都改了許多,學之園則離家近不必搭車,但學費較貴,且是下午班,現在十分糾結,請問大家會如何選擇呢?謝謝!

Rank: 5Rank: 5


1495
發表於 20-5-14 14:49 |顯示全部帖子
Jaly926 發表於 20-5-14 13:34
如上,請問大家會如何選擇呢?禮賢已交了註冊費及書簿雜費,離家較遠,我自己試過不計等車,由上車到學校需 ...
K or PN? 邊間LH? 我會揀離家較近

Rank: 2


67
發表於 20-5-14 15:05 |顯示全部帖子
回覆 kisani 的帖子

紅磡昇御門嗰間呀,有second in, 但因為豬隊友媽媽(即是我),冇收,但話擺佢入waiting list,今朝收到電話收佢做下午班,請問你知唔知下午班有機會轉到上午班嗎?

Rank: 5Rank: 5


1495
發表於 20-5-14 15:09 |顯示全部帖子
Jaly926 發表於 20-5-14 15:05
回覆 kisani 的帖子

紅磡昇御門嗰間呀,有second in, 但因為豬隊友媽媽(即是我),冇收,但話擺佢入waiti ...
pm accept左offer後比較難轉am, 反而一直waiting am果d有機會最後收入am

Rank: 2


67
發表於 20-5-14 15:20 |顯示全部帖子
回覆 kisani 的帖子

原來係咁呀,謝謝你呀!

Rank: 4


817
發表於 20-5-14 15:41 |顯示全部帖子
回覆 Jaly926 的帖子

點解話豬隊友呀?

Rank: 5Rank: 5


1157
發表於 20-5-14 16:20 |顯示全部帖子

回覆樓主:

學費是否考慮重點?
學之園學費是交足12個月,而且每年也會加少少,上下學期各一次教材費,如果經濟上有壓力,就選擇學費較相宜果間。

Rank: 2


67
發表於 20-5-14 16:36 |顯示全部帖子
muimui125 發表於 20-5-14 15:41
回覆 Jaly926 的帖子

點解話豬隊友呀?

因為second in嗰陣主任問點解揀學之園,我答因為我好注重小朋友嘅德育,而家佢在家都好曳下,希望返左學會改善到,唔知發咩神經,哈哈,真係完全扯後腿,仲要見完後,行返出去嗰陣,我拖住個仔,佢見到旁邊有車車(可以捐入去嗰種呢~),即刻撇甩我隻手捐左入去,我同佢爸爸點講點(emoji)都冇用,佢掹實個呔盤唔肯出黎,話唔走要揸車,當時隔離有成班小朋友上緊堂,老師小朋友都望住我哋,超尷尬,唉,嗰時就打定輸數了。

Rank: 2


67
發表於 20-5-14 16:41 |顯示全部帖子
wg_ann 發表於 20-5-14 16:20
學費是否考慮重點?
學之園學費是交足12個月,而且每年也會加少少,上下學期各一次教材費,如果經濟上有壓 ...

都會加入考慮呀,因為之前我份工好穩定,但而家幾近失業了,之前老公負責俾每月租金18500,我俾工人姐姐人工及負責伙食,佢仲要供養父母,如之前收入就仲好鬆動,而家就感覺有些壓力了。

Rank: 5Rank: 5


1157
發表於 20-5-14 17:02 |顯示全部帖子
Jaly926 發表於 20-5-14 16:41
都會加入考慮呀,因為之前我份工好穩定,但而家幾近失業了,之前老公負責俾每月租金18500,我俾工人姐姐人 ...

睇餸食飯,LH雖然係好學校,但如果學費會構成經濟壓力,我唔會take,但有些父母確實會為子女教育節衣縮食,希望盡可能俾最好既小朋友,問問自己及先生意願吧。

Rank: 2


67
發表於 20-5-14 17:35 |顯示全部帖子
wg_ann 發表於 20-5-14 17:02
睇餸食飯,LH雖然係好學校,但如果學費會構成經濟壓力,我唔會take,但有些父母確實會為子女教育節衣縮食 ...

我先生最鐘意民生,都係waiting list, 仲未通知,如民生佢就點都會俾個仔入去讀,民生係我帶個仔入去面試,覺得個環境好古板,老師好嚴肅咁,我自己感覺有些壓抑,個仔好活潑好多嘢講,驚就算收左入去佢都會唔鐘意返學。禮賢聽家姐講佢個仔返得好開心冇壓力,德行又好左好多,面試時感覺好好,而原本學之園覺得冇行了,而家打黎話有位俾佢,好近(行路五分鐘),所以好糾結。

Rank: 5Rank: 5


2586
發表於 20-5-14 18:04 |顯示全部帖子
你是否心儀禮小?如果將來想入禮小,就禮幼啦。LH學費唔平㗎,如果擔心經濟,就要諗清楚。

不過,5分鐘返學,真係好正下,就算PM都唔難適應。

Rank: 2


67
發表於 20-5-15 10:11 |顯示全部帖子
piglover 發表於 20-5-14 18:04
你是否心儀禮小?如果將來想入禮小,就禮幼啦。LH學費唔平㗎,如果擔心經濟,就要諗清楚。

不過,5分鐘返 ...

禮賢係家姐叫我報埋,因為佢仔讀得開心,禮小聽講喺禮幼入去都係得一半?好多學校我其實唔係好識,都係臨時抱佛腳,共報了十間,六間收四間waiting, 收嘅學校中感覺禮賢係最好,我想個仔返學開開心心,佢之前返N班都係樓下附近嘅(仲近,行路3分鐘),每日返學喊
到傻左,朝朝出門都勁淒涼,返左兩三個月都係咁,佢同我講佢好驚學校個x老師(佢班主任),話x老師話佢多嘴、多手、多事。  三個月後我同佢退左學。而家經過間學校,佢都好緊張咁捉實我,叫我遮住佢,唔好俾x老師睇到。哈哈,好可憐


Rank: 2


67
發表於 20-5-15 10:21 |顯示全部帖子
piglover 發表於 20-5-14 18:04
你是否心儀禮小?如果將來想入禮小,就禮幼啦。LH學費唔平㗎,如果擔心經濟,就要諗清楚。

不過,5分鐘返 ...

最終都應該會揀學之園下午班,禮賢學費3000,學之園6300,但禮賢需搭校車(車程應超過一小時),8點45返到應該要7點起身?校巴未知幾錢,但應該都要1000零蚊?計落好似爭唔係好多,學之園交12期學費,但8月開學(唔知開唔開到),感覺都唔係好蝕。我老公同奶奶話如民生遲下打黎收佢,就轉民生,我覺得好煩呀。

Rank: 5Rank: 5


2586
發表於 20-5-15 21:51 |顯示全部帖子
路過,聽樓主形容嘅小朋友性格,其實,小朋友真係未必適會讀民幼。民幼其實徵6成升民小,禮幼升禮小嘅其實更多。

Rank: 3Rank: 3


239
發表於 20-5-16 03:54 |顯示全部帖子
piglover 發表於 20-5-15 21:51
路過,聽樓主形容嘅小朋友性格,其實,小朋友真係未必適會讀民幼。民幼其實徵6成升民小,禮幼升禮小嘅其實 ...

禮幼唔係得一半到升禮小?
你需要登錄後才可以回帖 登錄 | 註冊