K1 民生 VS K2LH 點揀好

wg_ann

whylikeu 發表於 20-4-14 13:30
thanks ，大家既reply

我仲諗緊LH 收得

或者調轉頭咁講，LH收得你讀插班，通常係小朋友學習能力上有一定能力，聽聞青衣總校收既插班生係好勁，亦好難爭，但坦白講，新校插班通常易好多（無意冒犯）。
唔知你期望學校會用盡咩方法幫個小朋友，但我幾肯定學校無補課/補底班，基本上幫小朋友盡快適應/跟上學習程度係家長自己既責任（即係靠自己），每個主題有評估表，如果家長覺得有需要跟，就自行跟進（學校提供很多資源輔助家長）。
睇番樓主對小朋友既描述，做超大MS穩陣好多，除非已有back up plan。（如樓上所言，讀LH無包生仔，年年也有考小無offer既人）

wg_ann

whylikeu 發表於 20-4-15 09:18
多謝大家

我諗我個女都係適合做大B

另一option可考慮同LH申請轉K1做超大，LH由K1讀起應該好好多

wg_ann

whylikeu 發表於 20-4-15 13:08
如果我只target 播道依類happy 直資

民生大機會嗎？

如果樓主本身唔心儀民小，而係target播道呢類happy school, 讀LH其實較合適，問題係小朋友插K2能否跟上進度從而建立自信/改善人際。
(本人都很欣賞播道)

wg_ann

whylikeu 發表於 20-4-15 13:18
係呀
所以先矛盾

世上無完美既學校，只有最合適既學校。
我只是LH用家，所以俾唔到MS既資料你。LH課程編排係好好，有少少似巧虎果種螺旋式教學法，即係之前教過既野會在後來既主題出現番，從而鞏固所學既知識。
樓主可問問自己究竟想期望什麼再選擇學校，有家長以名氣排先，有家長以小學back up為首，我自己較著重學習的過程及體驗，只希望小朋友每天番學都過得愉快，喜歡上學，所以我著重過程多過結果。

wg_ann

外間有很多人其實只以考小結果評核LH，覺得考入神小比例低，但事實係好多人神化LH學生，好多LH學生都不是神童，亦唔覺有咩特異功能，極其量有小量學生係特別醒目同學習能力高。
而且，我接觸過的LH家長不是每位也是心頭高既人，好多只希望入新派直私而不用大抽獎，並非非君不嫁，非神校不讀。

wg_ann

whylikeu 發表於 20-4-15 13:33
其實學之園真係咁犀利
又可以愉快學習
又可以學到深野

愉快學習係因為佢既教學模式以活動為主，在小朋友眼中就是'玩'，活動滲入左學術元素，所以玩玩下就學左野，所以有d人話LH係谷但小朋友唔覺。
小朋友自唔自信其實好睇性格，不過我估LH既模式係小組活動，好多時小朋友要出黎玩/答問題，變左好多時會在其他小朋友面前答問題，可能係咁從而練大左個膽。

wg_ann

whylikeu 發表於 20-4-15 13:47
你點評論 lh 的德育教學理念

LH課堂係無專題德育課（但上課基本規則禮貌，待人接物等等，老師都會教），學校有一系列既德育主題及圖書（如吃飯禮儀，良好公民等等）俾家長，家長在家同小朋友閱讀，從而培養正確觀念及良好行為，所以點解有D話LH著重家校合作就係咁解。
睇下你是否認同這模式，因為有D家長會期望德育由學校主導/教，但我自己覺得家教很重要，所以無諗過將德育外判俾學校教，而且學校受場地/課堂時間所限，我覺得家長在日常生活中身教更有效。

wg_ann

yee123480 發表於 20-4-15 22:21
呢個講法第一次聽，但係你都可以咁講嘅，我那一屆就基本所有係考唔到冇辦法轉去龍先至留向LH，成功考到都走 ...

基本上所有留低既LH學生係因為考唔到龍幼無法轉走，此說法未免有點誇張，唔係所有LH PN學生都會考龍幼，而且我認識有家長有龍幼offer但最終都係選擇留低。
當然，另一位家長話LH轉走果班係無信心考到直私先轉，亦都係有點嘩眾取寵。
轉唔轉龍幼根本係家長好個人既選擇，唔明點解要同學生能力扯上關係，轉到龍幼就叻d? 選擇唔轉又一定係能力差?

wg_ann

monodad 發表於 20-4-17 01:40
當然啦⋯⋯梗係要㨂適合小朋友嘅學校去讀，等如唔係讀直私就一定叻D一樣之嘛，硬係要攞D直私率出嚟比較間 ...

無錯，單純以考小成績去評論一間學校既優劣根本完全忽略了每間學校既獨特性，理應根據小朋友的性格特質及家長的期望去選擇一所合適的學校，讀左先發覺唔合適再轉校，恐怕已浪費左一年的光陰。

wg_ann

Dollys 發表於 20-4-17 15:01
另外有一點想請教，如何選擇適合小朋友既學校？
還是為小朋友選擇父母想既學校？
因為好多家長，對學術好 ...

每個小朋友的特質同每間學校的教學/風格都唔同，其實仔細了解並唔難幫小朋友找合適的學校。而且，有時小朋友係會自己選擇學校，如果佢鍾意果間學校，係會表現得特別好。
千其唔好單純以升小成績作為選校條件，讀名幼可以0 offer,讀龍幼亦有機會不能直升。學習係一個過程，幼稚園最少讀3年，選擇錯的學校對小朋友及家長都可以好痛苦。