準備升小一

nanakochan

仔仔今年高班，停課期間，我每日都有教新野俾佢學，數學做緊小學四年級，中英文程度大概二三年級，有啲問題想請教過來人：
1）數學教快嘅原因係因為佢經常問我相關嘅問題，我得閒教啲，佢又學啲，佢pick up到，教吓教吓，我就決定跟小學課程嚟教，因為比較有系統，跟咗一排，佢係學到，但我發覺咁樣教法好dry, 例如教HCF LCM，有冇咩方法可以擴闊數學嘅領域，其實主要係阿媽覺得好悶，仔仔依然覺得好有趣

2）科普方面，佢有恆常閱讀習慣，但只要有某個topic，佢就會非常沉迷，早排沉迷恐龍，最近沉迷史前生物等等， 可以鑽研得好深入，但要啟發佢嘅興趣，每次都要有一個切入點，例如帶佢去完恐龍博物館，佢就研究恐龍，去完海洋公園，佢就鑽研魚類，我想佢學習多啲比較貼地同社會息息相關嘅嘢，佢學習能力唔錯，可以分析比較複雜嘅題材，但就欠缺一個切入點，疫情期間又冇得出街，大家有冇啲好提議，或者好書推介？

謝謝

nanakochan

可唔可以具體少少講下你嘅做法，我哋基督教家庭，之前有返教會，有一定信仰基礎，謝謝

nanakochan

最基本是個有良知的人，品格培養我們從來沒有忽視，他是一個溫和的孩子，目前觀察硬知識是他的強項，但不是能言善辯能歌善舞好charismatic嗰種，希望他能夠以專業知識回饋社會

kisani

nanakochan 發表於 20-3-25 16:36
仔仔今年高班，停課期間，我每日都有教新野俾佢學，數學做緊小學四年級，中英文程度大概二三年級，有啲問題 ...

日後打算跳級嗎? 若不，怕唔怕佢升小後上堂會感到沉悶而失去學習興趣同專注?

LeeCC

我認為不要再教小學可以學到的學術，反而繼續培養佢自學研究一些學校無得讀或無甘重視的科目或課題，例如天文，地理，氣候變化，歷史，生物，藝術音樂，最緊要佢有興趣就可以，無需要理會學校考試考唔考，佢本身甘叻，將來應該無需要日讀夜讀才有好成績，培養佢用多出的時間做喜歡的研究，唔好進入有時間就打機的生活模式

一，滿足佢求知欲
二，訓練佢自學，過程中媽咪可以教佢找資料歸納做筆記的技巧，唔係等人餵知識，自學能力比學術更重要
三，唔會同學校知識重複，將來上學就唔會悶

MrBeast

我會從適應小學生活方向去諗，might do an iq test, 主要是find out 那一方面需要pay attention 和輔助，balance 一下

nanakochan

kisani 發表於 20-3-26 01:19
日後打算跳級嗎? 若不，怕唔怕佢升小後上堂會感到沉悶而失去學習興趣同專注?  ...

跳級應該唔會了，我好想佢同同齡嘅小朋友一起成長，其實仔仔自己本身唔覺得有任何過人之處，因為我教佢的時候成日話’阿xxx已經學識左，佢練習多幾次就可以，我諗你都得，不如你試吓啦’，所以喺佢心目中，佢以為佢識嘅嘢其他同學都識，從來沒有優越感。暫時老師冇投訴佢唔專心，但老師有留意到佢學嘢快啲，當佢做完課堂上嘅嘢之後，老師會比額外嘅嘢佢做，有次老師叫佢抄歌詞，佢又照做，好搞笑。同埋學校嘅教法同屋企嘅教法有不同之處，所以佢都好願意坐定定聽老師講。

nanakochan

LeeCC 發表於 20-3-26 07:46
我認為不要再教小學可以學到的學術，反而繼續培養佢自學研究一些學校無得讀或無甘重視的科目或課題，例如天 ...

謝謝你的提點，非常有用，尤其是自學嗰方面，而家佢自己睇書的話，佢可以自行查閱傳統中英文字典，真係好睇佢興趣，例如佢近來沉迷緊史前生物，平時亦都會攞幾本唔同嘅書作內容比對，求真的精神我自問不及他，但我唔肯定佢識唔識歸納重點，我只係知道佢應該理解到。另外一啲比較複雜嘅概念，佢應該都要從旁指導，例如佢睇完一堆星球嘅書籍，要理解日蝕同月蝕，還是需要媽媽在附近畫圖或者攞個模型出嚟講解一下佢先掌握到，我都好想佢能夠自學，但有啲概念的確比較複雜。爸爸媽媽數理出身，歷史地理知識沒有很豐富，講真我近日都惡補緊歷史，以防仔仔突如其來的問題問到我口啞啞。


請問你有冇多少少關於訓練小朋友自學的經驗可以分享一下

屋企甚少用電子產品，有啲人話睇幾條YouTube片你仔仔應該學到，但我仲係比較抗拒呢個方法

nanakochan

LeeCC 發表於 20-3-26 07:46
我認為不要再教小學可以學到的學術，反而繼續培養佢自學研究一些學校無得讀或無甘重視的科目或課題，例如天 ...

謝謝MrBeast回覆, 上小學會再同老師傾下，睇吓有冇需要做IQ Test

MrBeast

nanakochan 發表於 20-3-26 09:30
本帖最後由 nanakochan 於 20-3-26 09:32 編輯

謝謝MrBeast回覆, 上小學會再同老師傾下，睇吓有冇需要 ...

小學對普通小朋友來說是一個很大的轉變，資優的若在沒有足夠支援的學校更難（都是看ek網友分享）。就算未必是資優，一些處理資優兒的技巧可以都可以用得上，不防早一點準備

nanakochan

多謝各位的建議，好有啟發性，近日疫情影響，心情煩躁不安，每天待在家裏，想着想着育兒失了方向，現在思路比較清晰了，謝謝各位

LeeCC

樓主不如去隔離資優教育版睇下

MrBeast

MNIF 發表於 20-3-26 15:06
我有點疑問，資優兒定義是什麼？如何介定?想了解吓。

ek 臥虎藏龍，不想班門弄斧，只知以前好簡單iq130+，有錯或補充歡迎其他資優家長搭咀