點解香港英文唔係英文

little_yolky

IloveJJ 發表於 20-2-15 22:14
我兩個仔英文好普通，不過去到澳洲又唔怕講英文喎！佢哋買野，同酒店既人傾計都夠胆。佢哋反而覺得去新加 ...

咁你個仔有補NET丫嘛，點同呢。我兩個同工人姐姐學是非都鬼咁叻啦！

silvia_ng

1998Ruby1998 發表於 20-2-16 02:15
回覆 MrBeast 的帖子

咪話你聽 BBC 唔明啲鄉音，遇上濃厚鄉音嘅廣東話，我都可以聽到一舊雲  ...

確實係
我記得十幾年前有一個同事佢係負責出街轉單的，果日我問佢下午要去邊，有D野想佢幫手出街攪︰

我︰JENNY，你陣間去邊呀?

J︰去跟蹤呀!

我︰下?! 去跟蹤? 做咩你而家要幫埋人去跟蹤架?

J︰去跟蹤呀，轉單。

我︰妖....去金鐘轉單呀麻!

我地兩個一齊笑死左

Jane1983

回覆 silvia_ng 的帖子

好好笑

gigayan

Cheeselover 發表於 20-2-16 22:54
我認識很多有一定教育水平的父母都不遺餘力培養子女的外語水平，我女兒身邊朋友的英文水平肯定比我身邊的好 ...

Well said!
// 將英文融入生活部分 // - 呢句講得好好~

gigayan

silvia_ng 發表於 20-2-18 10:31
確實係
我記得十幾年前有一個同事佢係負責出街轉單的，果日我問佢下午要去邊，有D野想佢幫手出街 ...

哈哈~~~
令我想起之前網上熱話之一「譚仔話」

1998Ruby1998

回覆 silvia_ng 的帖子

以前跟旅行團去北京玩，去到紫禁城嗰陣，導遊講：「好喇，各位團友，我地依家要排隊入廠！」
成班團友嚇到呆左然後笑，解釋完之後個導遊都笑埋一份，去機場都利用呢個笑話。

jumphigh

akevinla 發表於 20-2-15 11:56
點解香港政府永遠覺得現在香港英文水平係好高，讀完大學，英文就好? 今時今日大學生英文水平勁差。班高官有 ...

呢個政府係差，但教育從來唔可以只靠政府。以前學生只可以靠聽收音机同睇報纸学英文，依家就可以随时上网学，海量教材，你肯學一定得！
埋怨別人前，先看看自己付出过什麼

nkd

無語境，無英文朋友圈，差好遠。

kirstyau

akevinla 發表於 20-2-15 11:56
點解香港政府永遠覺得現在香港英文水平係好高，讀完大學，英文就好? 今時今日大學生英文水平勁差。班高官有 ...

大女讀村幼，津小，英津中，我覺得佢英文現在要出國讀書溝通冇問題。 某程度上唔可以靠學校， 真係要家長付出財力心力， 自己英文完全有限公司， 所以好早已經搵private NET, 一星期一堂，最重要係培養佢鍾意睇英文書， 一方面儲落好多生字， 再加NET谷說話，生活上多睇英文電視電影（字幕轉埋英文/冇), 英文youtube片， 相輔相成下，阿女唔係外國口音，但聽說讀寫完全冇問題。

佢已經話好想出國讀書或者exchange一年。

但後遺症而家唔鍾意中文，未至於考試唔合格， 學校入面average囉。

洋蔥頭媽咪

學語文必須要多接觸，有語境才能學得好。學習亦不能單靠學校，家長及小朋友都要谂方法，小朋友本身都要肯學肯付出先得，只要小朋友唔怕醜，肯多講其實唔難。

我仔小學算半英小，接觸英文比一般中文小學多，升中前英語能力只算一般，升中後須然係津貼英中，但學校亦提供好多英文語境，學校會鼓勵小朋友多睇英文書，更會有外藉老師跟學生交談，鼓勵小朋友主動説英語，甚至試過有 project 要同學分组到尖沙咀隨機找外藉人士作訪問， 鍛鍊佢哋說英語自信，小兒亦經常上網睇 YouTube. 佢今年中四與外藉人士溝通完全沒有問題，所以要學好語文其實亦要靠小朋友自己。

yuyueng

其實就算殖民地年代都係一樣，我地年代仲要大部分都係英中，其實因為無語境下好難講得好，語文從來都唔係靠學返黎，係要用出黎，起一個中國人既社會入面，除非你工作上幾乎都用英語既，自然好快流利，我自己英文進步神速係起航空公司做時，日日返工講英文多，英文自然好。

Yanamami

yuyueng 發表於 20-3-2 04:06
其實就算殖民地年代都係一樣，我地年代仲要大部分都係英中，其實因為無語境下好難講得好，語文從來都唔係靠 ...

同意“語文从來都唔係靠学翻黎，係用出黎……”

GreenMaDad

香港人要學英文，純粹都係為揾食，本身都不是英國、美國、澳洲人，點解要要求香港人講得到native英文？
其實大部分外國人雖然在學校會學第二語言，但他們第二語言的能力也不高，英國人都不會要求自己的法文、德文或西班牙文到native程度。

真正懂得尊重別人的外國人也不會鄙視英文不好的香港人。

當然，為揾食，我非常同意香港人學好英文，也要學好普通話，不為為揾食，亦應該學自己有興趣的外語。

minimami

課堂學得幾好冇實戰過都係冇用。
我讀中中，大學畢業IELTS得5分，below average 呀陰公…
畢業後響外資公司做野，焗講英文，由how are you 一定答 I am fine到幾年之後可以用英文lead到個會同鬼佬negotiate, 考IELTS變成7.5. 咁當然都係唔會有鬼佬口音啦

Practice makes perfect 係真理。