用戶登入
用戶名稱:
密      碼:
搜索
教育王國 討論區 資優教育 點分資優同高智能亞氏保加?
發新帖回覆
查看: 775|回覆: 9
go

點分資優同高智能亞氏保加?

Rank: 3Rank: 3


334
發表於 20-2-7 09:30 |顯示全部帖子
因為兩類小朋友可能都係會比較好勝、固執、社交弱和負面,如做IQ test是否只會知道小朋友資優與否,而唔會知道小朋友是否亞氏保加?

Rank: 14Rank: 14Rank: 14Rank: 14


107482
發表於 20-2-7 18:01 |顯示全部帖子
邪留丸ha 發表於 20-2-7 09:30
因為兩類小朋友可能都係會比較好勝、固執、社交弱和負面,如做IQ test是否只會知道小朋友資優與否,而唔會 ...
亞氏保加症係一種因為腦功能異常而引致社交能力差,屬於發展障礙既一種,基本上係自閉症,同資優、高智力無關係。但係需要留意社交差,唔一定係亞氏保加症,社交差可能只係白鴿眼,睇唔起其他人,所以唔想接觸。
IQ Test 可以話可以知道小朋友係唔係資優,亦可以話唔得。得既原因係,一般130以上已經可以話係資優,所以人數其實相當多。但係,原理上,IQ Test 只可以測試小朋友既智力方面既參數,知道小朋友喺智力方面既強弱項,所以只靠 IQ Test 既結果,其實並唔足夠判斷小朋友係唔係真資優。
至於好勝、固執,如果用得好,可以係好事,所以又未必好似坊間講得咁負面。


Rank: 5Rank: 5


1664
發表於 20-2-13 10:58 |顯示全部帖子
測IQ,不測自閉

測自閉,一定會測IQ

的確有邊緣性的case,無法區分資優與亞氏保加的區別。

既然無法區分,又何必去區分。只須按最有利於孩子成長的方式去處理。隨著年齡增長,本就說不清是青春期問題,或是判斷失誤。

Rank: 5Rank: 5


2279
發表於 20-2-13 19:20 |顯示全部帖子
邪留丸ha 發表於 20-2-7 09:30
因為兩類小朋友可能都係會比較好勝、固執、社交弱和負面,如做IQ test是否只會知道小朋友資優與否,而唔會 ...
有可能同時是自閉和資優。又可能同時兩樣都唔係。
如何在測試中分別到是哪種?
如能在測試分別到是哪種,即 先假設左那小朋友必然是其中一種同時不可能同時符合兩種。但這兩個概念是互不排斥, 同時合起來不含蓋所有可能性。所以這問題係無解的。即問題本身有問題。
仔可以自動自覺溫書就好了。

Rank: 3Rank: 3


334
發表於 20-2-15 11:07 |顯示全部帖子

謝謝各位回覆,我知道亞氏保家與資優是兩個不同範疇,但兩個範疇的小朋友性格特徵是有點相似。
我小朋友現在小三,在社交方面不是太差,其實可能他在班上表現突出,說話有說服力,因此班上的同學都很信任他(老師都是這樣說),同學亦喜歡與他一起玩,他都有幾個玩得埋嘅同學。
但有時他對同學的要求很高,往往別人做不到佢要求,例如佢約左10個小朋友開會,其中只有一個小朋友冇黎到,佢就會很不滿或憤怒,他最介意別人說他的不是或說詆毁他的說话,有時一些比較多咀的小朋友說刺激他的說話,他會10分憤怒,大發脾氣,甚至出手打架。
我係想知我應該點樣幫佢,因為佢對別人的說話10分敏感,以致不願上學。
就因我覺佢樣樣都好似有d如資優、亞氏保加、高敏,所以我應該同佢去做什麼評估?

Rank: 5Rank: 5


2279
發表於 20-2-15 13:02 |顯示全部帖子
邪留丸ha 發表於 20-2-15 11:07
謝謝各位回覆,我知道亞氏保家與資優是兩個不同範疇,但兩個範疇的小朋友性格特徵是有點相似。
我小朋友現 ...
這個就較清晰知道問題所在。要試下上社交班, 見心理學家先。
仔可以自動自覺溫書就好了。

Rank: 5Rank: 5


3914
發表於 20-2-15 20:31 |顯示全部帖子
邪留丸ha 發表於 20-2-15 11:07
謝謝各位回覆,我知道亞氏保家與資優是兩個不同範疇,但兩個範疇的小朋友性格特徵是有點相似。
我小朋友現 ...

本帖最後由 Activehealth 於 20-2-16 00:08 編輯

其實樓主個仔有行為問題要處理正係重點,唔係研究佢係唔係gifted and/or Asperger。

樓主只要去找個educational psychologist (EP), 將仔仔的情況講俾EP知,由EP決定用什麼investigation, 根據結果制定訓練/治療方向,再通知學校要求配合支援。

個diagnosis 都只係一個label, 係咪真係咁緊要?大吉利事講句,若果發現仔仔係A仔,唔通就會嫌棄佢咩?
當然如果個label係gifted,父母會較容易接受。

Rank: 3Rank: 3


334
發表於 20-2-17 09:55 |顯示全部帖子
明白!我知道點做了,謝謝各位!

Rank: 10Rank: 10Rank: 10

醒目開學勳章 貢獻勳章


28113
發表於 20-2-20 11:29 |顯示全部帖子
講個故事
細個阿仔係跟職員治療師上playgroup 嘅,佢話過仔一定唔係過度活躍 (我仔係越攰越癲,停唔到,除非有書睇)

佢兩歲已經背熟MTR 站名,鍾意睇地圖,巴士路線 (我有本新年九巴路線書)
記性好,學習能力強,固執,唔願改變,有變化要預早同佢講,最似自閉係唔望眼!

6歲半去做智力評估,事係EP講:佢頭60分鐘係完全無望眼,所以腦裡要已經覺得佢可能係自閉群譜嘅亞氏,但之係望咗兩眼,有交流,所以rule  out 呢樣野,但佢嘅偏執問題都幾嚴重,所以可以話係有"傾向"

講咁多野,只想帶出一個message,EP係會觀察小朋友表現,從而俾意見家長,包括佢有無自閉問題
建議响評估時嘅對話當中,講清楚你嘅concerns,等EP觀察一下

其實IQ score 都有cut off,129唔係gifted 但都夠聰明,所以就算唔係亞氏,都可能有亞氏特質

我已經放棄去將某d特質歸類,佢就係佢,a mixture of 古怪/麻煩野,但如果講緊讀官津小的話,有亞氏 (或其他SEN) 嘅資優兒,會得到較多資源/幫助,起碼,一個highly gifted+行為問題,係無資格見註校EP,但一個其他SEN嘅小朋友,係會安排見EP...  所以,如有需要,就點都要搵人做其他SEN嘅評估,反而IQ test 就可有可無





恐龍家

Rank: 3Rank: 3


334
發表於 20-2-21 14:03 |顯示全部帖子
明白,謝謝你經驗分享,我而家都搵緊EP。
BTW你地有冇聽過或者小朋友做沙遊治療?可否分享一下
你需要登錄後才可以回帖 登錄 | 註冊