用戶登入
用戶名稱:
密      碼:
搜索
教育王國 討論區 教育講場 最好教育是自學
查看: 5078|回覆: 83
go

最好教育是自學

Rank: 5Rank: 5


2771
發表於 20-1-4 09:42 |顯示全部帖子
最好教育是自學 數學神童沈詩鈞爸爸:一日唔想跑唔會有起跑綫

香港競爭激烈,不少家長望子成龍,均會為子女報讀大量補習班,冀「贏在起跑綫」,「數學神童」沈詩鈞的父親沈振雄卻有另一番見解:「佢一日唔想跑,就唔會有起跑綫。」

他08年起義務為學童擔當人生教練,為逾300個家庭「看診」,發現香港家長普遍過分依賴名校和補習社。他認為最好的教育是自學,家長有最大責任,啟發子女從小思考和解決問題。

沈家一門雙傑:次子沈詩鈞在07年破天荒以9歲之齡入讀浸大數學系,時稱「數學神童」,其後到美國修讀博士,現在加州大學洛杉磯分校擔任數學系客席助理教授;長子沈怡謀亦在14歲考入英國牛津大學數學系,17歲以一級榮譽畢業,現職英國雷丁大學數學系講師。


▲ 沈詩鈞現於美國加州大學洛杉磯分校,擔任數學系客席助理教授。(圖片來源:天窗出版社提供)

沈詩鈞9歲之齡 07年入浸大

兒子成名後,沈振雄開始廣為人知,不少人叩門請他教子女讀書,「去街個個都認得我,一年最少有30個人問我點教仔。」隨着接觸的家長愈來愈多,他發現不少港人對教育有誤解,於是在08年開始義務擔當人生教練,為學生「診斷」學習問題,堅持分文不收,去年更將教養兩子和義教的經驗結集成書。

過去11年,沈振雄見過300多個家庭,歸納出普遍失敗原因在於過分依賴學校和補習老師,「佢地風吹雨打報名校;聽日考試,補習社俾晒10年試卷,佢做晒、背晒,聽日咪100分囉,其實佢唔明。」他指不少家長沒有留意子女心理狀況,當仔女遇到困難和挫敗,容易感到孤獨,變得消極和行為異常,家庭悲劇由此產生。

寄語家長 勿依賴名校補習社

沈振雄昨出席樂思集團主辦的分享會時以自己為例,小時候曾兩度跳級,當時班主任主動陪他升班,「雖然幫助並非十分大,但令我有安全感,有勇氣面對困難。好似盲人跑馬拉松有人陪跑咁。」

05年長子怡謀考入牛津大學時,他辭去上市公司副總經理的高薪厚職,和怡謀到英國同住兩年;後來次子詩鈞於07年獲浸大取錄,他又陪讀一年,「小朋友心理變化可以好大,個個大佢10年,會好慌!」


▲ 沈詩鈞的哥哥沈怡謀(左),17歲在英國牛津大學數學系以一級榮譽畢業。(圖片來源:天窗出版社提供)

他認為最好的教育是自學,讓子女學會自行克服困難和挫敗,「你一問就即刻俾答案,就乜嘢都學唔到。你經歷過掙扎,有感受,你成世都會記得。」他不准學生在中五、中六前補習,認為最重要是善用學校,學童在學習上有不明白處,應立即向老師發問。「你唔明,點解唔上堂問老師?英國學生不怕老師,有乜嘢都會舉手講『I do not agree with you』。」

家長需啟發子女思考

談到香港教育缺陷,沈振雄指香港學校只教「What to think」而非「How to think」。他認為要啟發學童自行思考,父母的角色至為關鍵,惟不少家長怕辛苦,不願意投放時間陪子女讀書,問他們問題,「好多家長覺得好小事,認為浪費時間,其實好重要。你不問,子女就不思考,學習就自然慢。」


▲ 沈怡謀(左)和沈詩鈞(右)學業成績卓越。(圖片來源:天窗出版社提供)

他透露現時每周仍與兩子視像通話15至20分鐘,6成時間問他們最近的成果和未來計劃,其餘時間講意見和交流。

沈振雄在300多個家庭中揀選的15名兒童,個個學業有成,他卻笑言變態家庭佔多數,「有父母是高薪高學問,爸爸深夜一時放工回家,不知為何定要叫齊全家一起陪佢睇電視,佢哋都唔肯改變,兩個細路唔夠瞓,成績都好差。」

對於近年家長推崇「贏在起跑綫」,沈振雄卻反問「起跑綫幾時開始?」他認為最重要是孩子本身「想跑」,「要令個細路想跑先得,佢一日唔想跑,就唔會有起跑綫.

點評

Poyau    發表於 20-1-29 09:30

Rank: 3Rank: 3


400
發表於 20-1-4 10:33 |顯示全部帖子
本帖最後由 stillgood20 於 20-1-4 11:09 編輯
planetearth 發表於 20-1-4 09:42
最好教育是自學 數學神童沈詩鈞爸爸:一日唔想跑唔會有起跑綫

香港競爭激烈,不少家長望子成龍,均會為子 ...

天生我材, 悉心培養, 又或是人生際遇.

先天, 自發, 又或是努力.

起跑線在那. 又或是因材施教. 又或是隨遇而安.

因人而異.

沈詩鈞確是一個美好的典範. 夢寐以求.



百年鍊一劍.

好像, 朗朗跟父親case. 父子同心.

天才+刻苦+機遇.

成功, 便成仁.



可是,...真的是天才.

Rank: 5Rank: 5


4420
發表於 20-1-4 11:30 |顯示全部帖子
孩子想起跑,也要睇係開心的跑,還是苦著黎跑. 最重要都係香港教育,令很多家長錯覺要孩子一開始就要入什麼特出學校,之後又要做得分機器,若不達標不到家長自己心目中目標就好像冇晒希望咁.  每個孩子係有他可造之材,衹係家長眼光睇得窄,成材不在於早或有限度的積分,若是眼光遠大,自然就不會刻意去追求短暫的目的. 就算有起跑了,也要跑得合適,亂跑一通,最終都跑累自己,也可能跑錯了歪路.

Rank: 5Rank: 5


4420
發表於 20-1-4 11:37 |顯示全部帖子
stillgood20 發表於 20-1-4 10:33
天生我材, 悉心培養, 又或是人生際遇.先天, 自發, 又或是努力.起跑線在那. 又或是因材施教. 又或是隨遇而 ...
雖成長路上不是很合適,但起碼朗父是專一,唔會要孩子多心向多方面,純音樂就音樂,唔會要十八般武藝上身,都情有可原,始終當時環境與現在環境天壤之別.

Rank: 3Rank: 3


400
發表於 20-1-4 11:51 |顯示全部帖子
本帖最後由 stillgood20 於 20-1-4 11:52 編輯
jli008 發表於 20-1-4 11:37
雖成長路上不是很合適,但起碼朗父是專一,唔會要孩子多心向多方面,純音樂就音樂,唔會要十八般武藝上身,都情 ...

曾看過電視節目訪問朗朗父親, 有关朗朗生命歷程.極之艱苦, 甚至差不多是身家性命相抵去令朗朗走上的成功之路.

個人很喜歡. 朗朗鋼琴, 跟父親二胡合奏的"賽馬"一曲.

Rank: 11Rank: 11Rank: 11Rank: 11


43175
發表於 20-1-4 12:12 |顯示全部帖子
回覆 stillgood20 的帖子

朗朗父母好彩,佢仔真係有才華和夠堅毅。睇報導,佢早期好多時係鬧得逼得好激,嘈得激烈時有挑釁個仔去跳樓。講到全家家無恆產咁栽培朗朗,如果唔成功就全家自殺.....
咁樣的教法,大家見到成功的朗朗,可能痴咗、死咗的不知幾多。

Rank: 5Rank: 5


4420
發表於 20-1-4 12:26 |顯示全部帖子
stillgood20 發表於 20-1-4 11:51
曾看過電視節目訪問朗朗父親, 有关朗朗生命歷程.極之艱苦, 甚至差不多是身家性命相抵去令朗朗走上的成功之 ...
所以才講朗爸方式現今不太合適,但成功都是各位所想,都要努力才可以. 就看家長自己本身心中咩要求及用咩眼光去睇.

Rank: 5Rank: 5


4420
發表於 20-1-4 12:37 |顯示全部帖子
Jane1983 發表於 20-1-4 12:12
回覆 stillgood20 的帖子

朗朗父母好彩,佢仔真係有才華和夠堅毅。睇報導,佢早期好多時係鬧得逼得好激, ...
朗父年代同現今年代生活及資訊都差很多.  但現在香港所謂的教育制度,父母有冇痴咗、死咗就真係唔知,但都已令很多父母為了孩子的學業都老了幾十年. 更多了不想有孩子的已婚人仕.

Rank: 3Rank: 3


400
發表於 20-1-4 12:37 |顯示全部帖子
Jane1983 發表於 20-1-4 12:12
回覆 stillgood20 的帖子

朗朗父母好彩,佢仔真係有才華和夠堅毅。睇報導,佢早期好多時係鬧得逼得好激, ...
是的.可能"偉人"是這樣鍊出來的.

堅毅, 也是身體內的DNA. 是天份.
很難強求.

Rank: 5Rank: 5


4420
發表於 20-1-4 13:01 |顯示全部帖子
stillgood20 發表於 20-1-4 12:37
是的.可能"偉人"是這樣鍊出來的.

堅毅, 也是身體內的DNA. 是天份.
每個孩子都一樣有機會係"偉人",衹係父母點樣自身教學,唔可以一味單靠學校老師, 若是單靠老師,後果隨時很不好. 現在睇到的年輕人都有好多效果出來.好多都講到自己點咁偉大,但........事實是對嗎?

Rank: 11Rank: 11Rank: 11Rank: 11


43175
發表於 20-1-4 13:24 |顯示全部帖子
jli008 發表於 20-1-4 12:37
朗父年代同現今年代生活及資訊都差很多.  但現在香港所謂的教育制度,父母有冇痴咗、死咗就真係唔知,但都已 ...

呢個世代生兒養女確係難。為另一個個體,付出一生咁多時間、金錢和精力,對方仲要未必對你好,感激你的付出......值唔值得真係好難講。

之前係BK,有女網友湊仔感嘆好後悔。佢話打工唔鍾意,可以辭工。結婚唔適合,可以離婚。但生仔就至少18年的責任。其他人勸佢上到中學會好好多,佢話而家先2歲,十幾年好難過。我唔會帝佢生之前做乜唔諗清楚,因為真係難。

Rank: 11Rank: 11Rank: 11Rank: 11


43175
發表於 20-1-4 13:32 |顯示全部帖子
stillgood20 發表於 20-1-4 12:37
是的.可能"偉人"是這樣鍊出來的.

堅毅, 也是身體內的DNA. 是天份.

先唔講小朋友係咪命硬,只講父母。發現小朋友有天份,即刻辭工、變賣資產,兩公婆分隔兩地,一年唔見一次,帶個仔女周圍拜師、比賽。咁樣的玩法,有幾多人會咁做。

Rank: 3Rank: 3


400
發表於 20-1-4 13:46 |顯示全部帖子
jli008 發表於 20-1-4 13:01
每個孩子都一樣有機會係"偉人",衹係父母點樣自身教學,唔可以一味單靠學校老師, 若是單靠老師,後果隨時很不 ...
說的對.
自問小兒数學是小優.話不上天才,
已是天份很高.
但,從未有想走向沈詩鈞那種境界.
亞仔活得自在, 從未要求特大數學成就.
現在, 進入大數據時代, 小兒修大數據科,
游魚得水.

縱觀, 小朋友各善勝長.家長能夠理解和指導自已兒女發揮所長.已經很好了.

Rank: 5Rank: 5


4420
發表於 20-1-4 14:07 |顯示全部帖子
Jane1983 發表於 20-1-4 13:24
呢個世代生兒養女確係難。為另一個個體,付出一生咁多時間、金錢和精力,對方仲要未必對你好,感激你的付 ...

因人大部份始终都係自私,且香港又是一个要求“吾知咩為之好既自由”地方想要享受,所以成家了有孩子自教以“陪”為最難。

Rank: 10Rank: 10Rank: 10

醒目開學勳章 貢獻勳章


28020
發表於 20-1-4 17:31 |顯示全部帖子
stillgood20 發表於 20-1-4 13:46
說的對.
自問小兒数學是小優.話不上天才,
已是天份很高.
我搵過沈先生傾計,坦白講,就算有天份,亦好難做到佢所付出嘅!真係好多學習嘅時間,無乜娛樂,當人人話佢兩個仔係天才,其實佢所付出嘅努力,係常人嘅倍數!

恐龍家

Rank: 11Rank: 11Rank: 11Rank: 11


43175
發表於 20-1-4 17:40 |顯示全部帖子
回覆 jli008 的帖子

我有個前輩朋友,後生時他無結婚、無仔女,一路多少有d遺憾。
近一兩年,佢工作麻麻地如意,提早退休移民他鄉,買了間大屋養了6隻狗,種了好多植物。佢話想不到當初的遺憾原來是blessing in disguise。一家黃口小兒等你養,唔到你唔搏殺。

Rank: 5Rank: 5


2771
發表於 20-1-4 21:00 |顯示全部帖子
stillgood20 發表於 20-1-4 10:33
天生我材, 悉心培養, 又或是人生際遇.先天, 自發, 又或是努力.起跑線在那. 又或是因材施教. 又或是隨遇而 ...
父母的悉心培養都好重要, 又要父母自己有能力去教. 沈父及郎爸都要有相當的相關學問,才可以train出奇才. 或者有些人好運, 遇到伯樂老師, 才可以有更高成就. 我父母都沒有學識, 但我父親好明白我喜歡追求學問的心態. 好感謝佢好放手比我自己追求理想. 對於我兒子, 我就成日跟他說他很幸運, 有很多資源可以學到最好的. 只有自己肯努力.

點評

jli008    發表於 20-1-6 16:08
小曳人    發表於 20-1-5 17:36
stillgood20    發表於 20-1-5 11:55
b3410    發表於 20-1-5 11:00

Rank: 9Rank: 9Rank: 9


20422
發表於 20-1-5 09:52 |顯示全部帖子
planetearth 發表於 20-1-4 21:00
父母的悉心培養都好重要, 又要父母自己有能力去教. 沈父及郎爸都要有相當的相關學問,才可以train出奇才. 或 ...

你的孩子的確幸福,因為有你親自教導。

Rank: 5Rank: 5


2771
發表於 20-1-5 14:49 |顯示全部帖子
Radiomama 發表於 20-1-5 09:52
你的孩子的確幸福,因為有你親自教導。

其實我覺得能教他的非常有限. 最多也是中學數學及在理科方而能給他多一點啟發,
大部份的知識都靠他自己想學, 語文及其他都要靠在學校浸 .他們這個年代書本又多網上資訊又多, 想學什麼都容易, 負擔得起的可以給他報些比較優質的科學summercamp(如CTY).
至於數學, 是最容易教的一科, 最多參考書最多練習. 但還是要他自己肯學才教到. 當然過程中父母還是要不斷提點的. 現在初中成熟一點最想他學習專心及認真做好每一件事, 學好時間管理...

慶幸在EK都看到不少分享育兒心得, 不斷從錯誤中學習. 有時見到在別人身上work, 在自己兒子身上又唔work, 又要重新學習. 每個孩子的成長步伐不同.

我最想還是想兒子身心健康地成長. 追求好的成積或者將來在社會的成就也是為他自己負責任. 成就的定義很廣, 我們普通人覺得
讀完高等教育有份好工已經滿足了.


Rank: 9Rank: 9Rank: 9


20422
發表於 20-1-5 14:56 |顯示全部帖子
小曳人 發表於 20-1-4 17:31
我搵過沈先生傾計,坦白講,就算有天份,亦好難做到佢所付出嘅!真係好多學習嘅時間,無乜娛樂,當人人話佢 ...

有趣啊!真的是免費服務?介意分享多一點他的advice嗎?
你的孩子會試行那一條路呢?HKUST的Dual program會否已用他好多時間?
你需要登錄後才可以回帖 登錄 | 註冊