我仲未搞清後備生個玩法

YmOra

Kikobaby 發表於 19-12-23 00:47
如果自行是後備生，我知學校唔會公佈後備生名單，但咁啱直資收咗，交晒文件和承諾書，無得玩大抽獎，咁如果 ...

首先，無論新舊玩法，簽下"承諾書"就代表放棄自行所有結果，正取或後補皆無你份了。

另外，今年起只會提前通知已獲接受的正取生，不會通知學生是否屬後補生。

對於中學而言，未到７月放榜都不會知道自己所取錄嘅正取生有幾多個不能順利取錄而需要後補生補上，那又怎樣做到預先通知""後補生""你已被我校替補上那正取生空缺呢？！

對於家長而言，如獲中學預先通知孩子屬後補生名單，應該會造成混亂和心大心細，不知如何是好的佈署大抽獎，而且每間中學的後補位數目可以不同，如果有Ｄ中學之""後補名單""十分之多，逐一通知晒嘅話，之後嘅混亂可能更大。

YmOra

kirstyau 發表於 19-12-23 11:35
SPC,YW,HY,GH,SPCS 咪收少左最top既1A學生

個人認為，唔會收少咗！對於這些多Ｂ１ａ學生申請嘅中學嚟講，就算收晒自行學額，估計學校也會盡量把Ｂ１ａ學生列入為"備取生"，因為列多列少對該校不會造成大上大落，但可以""保障""到該中學萬一有突如其來的大風向把原本多人選為自１嘅突然某年變為自２為主的情況。

YmOra

susuwai 發表於 19-12-23 19:02
想問三月底時，假設自二收左，但當時沒有一間直資取錄，出奇地呈三考得好好，那麼可向派位組取消自行二的學 ...

唔可以，提前知結果只是得個知字，無動作可以讓你做。除咗決定是否放棄直資學位。

YmOra

gracelam 發表於 19-12-23 17:36
1.中學根本唔知你揀佢放自一定自二

2.中學亦唔知interview嗰位學生係band 1abc定band 2生,甚至band3生， ...

...自行waiting list而入到的，估計唔多。...

個人認為，這現象出現嘅應該會多。

舉個例子：一些中學長期都係做二奶，被選作自２。
九龍城區嘅"旅港"為例，自行對旅港感興趣又最多人配搭嘅會係：：
自１迦密＋自２旅港；自１華英＋自２旅港
其次先係自１旅港＋自２其他


我認為，最多人選填自２旅港嘅學生屬"次弟高"的一群，
即是話這批學生好大機會同時係迦密和旅港定為正取生，
與及華英和旅港定為正取生，對於二奶命嘅旅港而言，
旅港前２０至３０個正取生就會給迦密或華英取去，
咁！由排名５１至８０之備取生就有機會上移給取錄了。
估計這裏牽涉嘅人數唔少。

YmOra

soscho 發表於 19-12-26 17:41
請問若果自二嗰間31/3話收咗我，7/7 去註冊，之後自一可能有人冇去註冊call我話收我 ，咁我可以點做呢？
...

自１嗰間應該唔會無人去註冊，因為會有"備取生"補上嘛！

YmOra

little_yolky 發表於 19-12-26 18:20
我諗佢意思係，佢自二正取收咗，但自一係備取，所以收唔到通知。最後，有D自一學校既正取生可能兩間自行都 ...

但，因為那ｊｍ話７月７之後自１的中學有人無去註冊下ｃａｌｌ佢話收佢，ｊｍ假設的事情觸法於"註冊之後"發生，所以我認為這假設是不會發生，因為响註冊前已經有備取生補上了。

YmOra

soscho 發表於 19-12-26 18:22
我係其中一個備取生呢？

ＩＣ！原來我誤會你的問題。

YmOra

little_yolky 發表於 19-12-26 18:31
你呢個case有D麻煩。因為如果你係備取生，你又唔知，有好既直資收你正常就一定唔玩大抽獎。但係，中學係唔 ...

認同呀！這個真係一個盲點。

YmOra

睇嚟！我最初嘅解答係無誤會ｊｍ的意思。

YmOra

little_yolky 發表於 19-12-26 20:13
咁其實最好緊係由教育局排埋備取生宣布啦，肯定有三成人知道丫嘛，除非唔報自行啫。不過咁樣就要多好多時 ...

認同。但，仍然受著４月１至７之直資學位嘅放棄人數多寡而影響每所中學的"備取生取代正取生"人數。所以，要教育局完全掌握每間中學的"備取生"人數的取代正取生結果，會是幾難處理，亦要响４月８日後才有機會做得到。

YmOra

little_yolky 發表於 19-12-26 20:19
但係正常學校自行唔會有位剩架嘛。

係呀！所以我咪話唔會有機會發生ｊｍ的假設情況。

YmOra

little_yolky 發表於 19-12-26 20:25
而且，女英華call人都係用叩門位唔係自行位。所以JM基礎上係搞錯咗D嘢。
...

我認為ｊｍ攪錯咗個７月７"分界線"之前後事件觸發。

YmOra

little_yolky 發表於 19-12-26 20:37
其實今次個遊戲最難係有直資收咗既後備生。

認同！自１自２皆同時被列作"備取生"又要決定是否放棄直資學位者最為""煩腦""。

YmOra

little_yolky 發表於 19-12-26 20:39
其實唔駛諗咁多，鍾意就報。

哩個當然。每當遇到一些難以決定的事情，我哋都會還原"基本步"，喜歡那中學就是了，無謂諗咁多。

YmOra

Kikobaby 發表於 19-12-30 22:44
謝謝各位的回覆, 我都仲係消化緊個玩法, 好頭痛

試下從另一角度描述，看看會否清晰多ＤＤ。

情況：直資取錄＋自行取錄為正取生；或；直資取錄＋自行無通知
對已有"自行"學位的學生來說，可以更清楚提早知道孩子的""自行結果""如何，
亦等於提早讓學生決定直資位的要或放。直資位決定時限為４月１至７日。
前者係有得揀之中最好，結果一係入直資，一係要自行正取中學之學位。
後者一係入直資，一係進入大抽獎。

情況：直資未有取錄＋自行取錄為正取生；或；直資未有取錄＋自行無通知
４月１至７日無嘢需要做。
前者有正取生通知嘅就代表絶對肯定已有學位但需要靜待至７月７日放榜後註冊。
後者就需要參與大抽獎填表程序及等等等７月７日結果的來臨。
這情況基本上與過往無分別，只是提前知結果而矣！

優先序列為：：（隨著括號內的選擇或結果而得出不同的推進）
直資（要/放）＞＞自１（正取/備取）＞＞自２（正取/備取）＞＞大抽獎

當進入＠直資（要/放）：＞＞選擇要學位，即停步於此；選擇放學位，即需進入下個結果。
當進入＠自１（正/備）：＞＞正取生結果，即停步於此；備取生結果，即需進入下個結果。
當進入＠自２（正/備）：＞＞正取生結果，即停步於此；備取生結果，即需進入下個結果。
當進入＠大抽獎： ：：：＞＞以上三個程序皆未獲得學位者。

希望幫到你呢！

YmOra

ET0911 發表於 20-1-5 05:59
我想問下。如果同時成為自一 和自二的正取生：
1/ 4月1 前兩間都會通知你已被取錄？
2/ 最後7月7 放旁係會s ...

既然喜歡自２中學多Ｄ，又為何不放响自１呢？

YmOra

ET0911 發表於 20-1-5 05:59

我想問下。如果同時成為自一 和自二的正取生：

1/ 4月1 前兩間都會通知你已被取錄？

2/ 最後7月7 放旁係會show 自一個間？

3/ 接point 2, 但最後其實鍾意自二多d, 錦可以點做？叩門？但本來已預位比你，因為你係正取生。

當假設自１和自２皆被選為正取生：
１. 响３月３１日都會獲兩中學通知取錄為正取生。
２. 放榜日將顯示自１中學為取錄結果。
３. 如果想轉到別的中學，就與過往的叩門程序做法一樣。
　  縱然自２曾取錄過你係正取生都未必有絕對優勢，
　  因為，你可能係第９個正取生排响自２中學名單中，
　  而前你８個學生同你一樣已經得到自１的垂青，
　  換言之，自２可能响８個叩門位裏已經盡收了前
　  過你的學生，而你仍然落空於自２中學。

YmOra

fefemom 發表於 20-1-5 07:36
放榜:自一
可自己叩自二
所以想清楚自行排位:自一是放最想入的，不是放比自二易入的，因為學校是不知道你 ...

當中學把你選為"正取生"後，但到放榜日卻未見你到來註冊，就可以推算出你把她選為"自２"中學，或已經接受咗"直資"學位。

YmOra

vin105 發表於 20-1-5 14:40

想問下要左直資A中學之後，主動放棄大抽獎啦。直資A中學已將學生被取錄的資料呈交教育署。

但之後在五月或以後接獲直資B中學的取錄通知，是否直接去直資B中學註冊，就能夠順利轉去直資B中學呢？

有機會發生响期間Ｂ直資中學通知取錄，但Ａ直資中學未必會立時把"學生資料表"歸還，因為該Ａ直資已經把你曾簽下的"承諾書"呈上教育局，固你需要响７月７日攞到張派位結果表到Ａ校取回學生資料表才可以去Ｂ校註冊，此段時間只屬Ｂ校的""口頭取錄""，一切結果還待７月７日才可註冊。

不過，見你的問題設响五月發生，估你都知道直資中學需要响４月３０日或之前把取錄和家長簽下的承諾書一併交上教育局，此刻直資取錄算係"暫"告完結，可以做嘅嘢無乜，有變數嘅需要留待７月７日或以後了。

YmOra

vin105 發表於 20-1-5 15:39
咁即是五月後收到直資B Offer, 我是無法向他正式注冊的，因為已經沒有學生資料表。問題是在這情況下，他會 ...

個人認為，直資嘅"音樂椅"如要轉動，就必需要有人响１間直資走咗才會有機會讓該缺人的直資中學致電通知下一個合資格的學生前來註冊，１間出現"流出流入"，這流動牽連到第２間第３間．．．，音樂椅才會轉動，即是話會出現Ｂ校致電通知取錄嘅事情應該只會發生响４月８至３０日最多，因為４月１至７日之期為學生決定是否放棄直資位的時限，而８至３０就是直資中學致電"補位"期。故５月後仍有取錄來電機會很微。

修正：
發生Ｂ校致電通知取錄嘅動作有可能發生响４月１至３０日。