用戶登入
用戶名稱:
密      碼:
搜索
教育王國 討論區 自閉寶寶 有啱16個月大BB嘅自閉症治療嗎?
查看: 1239|回覆: 24
go

有啱16個月大BB嘅自閉症治療嗎?

Rank: 3Rank: 3


216
發表於 19-12-16 08:23 |顯示全部帖子
我囝囝宜家16個月,仲未有任何單字,對自己名唔係成日有反應,從未指過任何嘢(想攞嘢自己嘗試去攞,唔會出聲,攞唔到就喊、發炆憎),只有佢玩得開心時先同你有眼神接觸,唔鍾意同其他小朋友玩(但去公園又玩走去其他大人度),聽指令一時時做到,成日坐唔定要周圍行,冇模仿行為……
已經睇咗健康院,等緊做評估。

請問各位媽媽,我有咩幫到佢?同佢講嘢唔望我、玩煮飯仔只會咬玩具……我都唔知點教……

聽講有啲密集式訓練好似有用,有啱這個年紀的嗎?可唔可以介紹?好無助……

Rank: 3Rank: 3


312
發表於 19-12-16 11:09 |顯示全部帖子
你是全職照顧BB 嗎?有返過健康院嗎?
建議你可先找一些單對單訓練服務先
如有需要,可PM 我

Rank: 5Rank: 5


1242
發表於 19-12-16 12:08 |顯示全部帖子
sumyee713 發表於 19-12-16 08:23
我囝囝宜家16個月,仲未有任何單字,對自己名唔係成日有反應,從未指過任何嘢(想攞嘢自己嘗試去攞,唔會出 ...

要排幾耐先做評估?如果負擔得起,不如去私人/非牟利機構做評估(如協康會),要評估完知道佢實際問題才可以安排合適嘅訓練。

Rank: 3Rank: 3


216
發表於 19-12-16 13:59 |顯示全部帖子
回覆 bbba05 的帖子

排咗,但未收到期。私人機構係咪要18-24個月先可以做評估?
等緊期間有冇嘢可以幫到佢?😭

Rank: 4


647
發表於 19-12-16 16:56 |顯示全部帖子
其實你可以咁早發現係好好,呢段時間真係黃金期,我都識有啲人BB歲幾就發現有自閉症,之後上一對一密集班,可以進步好快,當然身為家長都可以學習點樣教BB,都會有幫助

Rank: 3Rank: 3


216
發表於 19-12-16 20:12 |顯示全部帖子
回覆 stephaniechen 的帖子

謝謝回覆。唔知你知唔知密習班資料?或可以喺邊可以學到教BB?

Rank: 4


927
發表於 19-12-16 23:27 |顯示全部帖子

回覆樓主:

本帖最後由 cheechi 於 19-12-16 23:28 編輯

16個月其實好細,唔係好多導師肯上門或者識做,建議可以試下ABA,真係好有用,但要搵個識做、有證書同有經驗,不過ABA 1:1上門都唔平的。

Rank: 3Rank: 3


216
發表於 19-12-17 08:49 |顯示全部帖子
回覆 cheechi 的帖子

可以喺邊到揾?唔該你

Rank: 3Rank: 3


432
發表於 19-12-17 10:31 |顯示全部帖子
sumyee713 發表於 19-12-16 08:23
我囝囝宜家16個月,仲未有任何單字,對自己名唔係成日有反應,從未指過任何嘢(想攞嘢自己嘗試去攞,唔會出 ...
我小朋友而家21個月 , 你有既野佢有哂我18個月開始覺得問題嚴重
我比D意見你,你小朋友真係仲細,先試下同佢做眼神訓練
例如先同佢水平狀況下,將食物放在你眼前,再叫佢名令佢望一望你
之後就話佢知你有望人,比獎勵佢,每日都最少做3-4次
叫佢唔應可以試下,行埋佢身體叫佢再拍一拍佢膊頭,話佢知人地叫要望人。
指野一定要教,係表達既第一步黎,
你同佢出街要不停同佢講同佢指「每一樣野」,
我教左三個月,佢開始會指下野,但都未指得叻
同埋 , 小朋友同你既共同視野都重要。
可以既話叫湊佢既人每日都去公園玩千秋同滑梯
呢個係感統果邊
另外,歲半返去健康院同佢講你既擔心,會轉介CAC
協康歲半都肯評估既,同埋佢既幼兒訓練係唔需要歲半,你排左先..好FULL的
最緊要有耐性,自己放D心記落去教佢先啦,
密集我未試...貴同埋FULL 仲要未安排到人陪佢去。
大家一齊加油。

Rank: 3Rank: 3


216
發表於 19-12-17 12:02 |顯示全部帖子
回覆 chun719 的帖子

好多謝你嘅回覆呀!
自從BB出世,我已經辭咗工,全職湊佢,不過得我一個湊佢(冇四大長老,冇工人,老公返工),有時做家務嗰陣放 youtube 俾佢睇,唔知係咪睇得太多。。宜家已經完全唔開電視,希望好D。

佢鍾意嗰陣就望下你(不過都係得幾秒),同佢講、拍膊頭都唔睬…… 。指嘢,我捉住佢隻手,佢會 fing 甩我……不過我會盡量努力。

最近一個多月識行,唔知係咪佢接觸多咗嘢,刺激多咗,夜晚成日醒、坐、企喺度,你有冇呢個情況?搞到精神好差……

你做咗評估未?我仲等緊CAC期……

協康幼兒訓練是每星期50分鐘那個嗎?


Rank: 3Rank: 3


432
發表於 19-12-17 13:06 |顯示全部帖子
sumyee713 發表於 19-12-17 12:02
回覆 chun719 的帖子

好多謝你嘅回覆呀!
係,我都係以前成日放YOUTUBE PINKFONG比佢睇,而家又係停左了不過而家一星期都會播返半個鐘左右比佢睇。
我個仔18個時係完全唔望人的,係完全 ,叫十次得一、兩次聽
唔知佢知唔知自己個名、指令當然係唔多識,父母我懷疑佢未識分
唔指野、仲自轉,唔會分享....好多行為都十分似的。
你留意下佢望你係咪近既唔望,特別抱佢既時候
但遠既會望,特別係玩既時間。
我個仔由細到大都訓好少....最少仲每一晚都會醒 , 會坐係到 有時仲會喊添
你健康院見左醫生轉介了? , 我轉介完睇左CAC了 , 佢話呢一刻咁細唔會寫「懷疑自閉」
叫我比早期訓練同語言訓練佢,一年之後再返黎睇下點,但佢比我先排E位。
協康幼兒訓練係50分鐘600果個 , 先做呢個啦 , 語言要夠2歲,同呢一刻學都係浪費,因為佢連對望都未有
你個小朋友認知如何? 認唔認到杯杯、水水、飯飯 ?


我個仔經過左三個月我訓練之後,我叫十次佢應我6次了,好大進步嫁啦已經,仲有我而家肯定佢知邊個係父同母,
開始出街有主動指下野,當然唔係好叻果隻啦,我開始覺得同佢親暱返D,亦都識拎野比父母了
認知方面我每晚訓之前都會教佢幾個物品,例如蘋果、男孩子、牛牛、狗狗咁... 佢由開始時完全無耐性學
到我每日都同佢講、佢認到幾個,囉得返黎比我就再教新,而家都認到有幾十件物品,
語言佢仲係零呀,CAC話佢慢左10個月,不過認知影響語言 、語言又影響返認知
所以,持之以恆啦,佢會慢慢吸收,父母都辛苦D啦,無咩辦法,最直接幫到佢既人只有父母。
我上緊協康600/50分鐘堂嫁 都唔錯,起碼佢會教下你由邊方面教佢
你小朋友驚唔驚 彈床 彈下彈下 , 會唔會玩搖搖馬? 驚唔驚沙?
如果驚就可能感統出問題,BTW , 加油啦,我都係咁
呀,如果你小朋友唔識表達,我教你一個方法先,你先教佢每一次想要果樣野 , 你將佢隻手打開向住你
比一個「比」既手勢,之後你將食物放落佢隻手到,慢慢佢會知道要「比」既手勢代表叫你比佢。
BTW , 醫生唔確診話有好大變數,因為仲細,大家都努力啦
如果佢有進步,事情可能係我地敏感又或者唔係想像中咁壞
不過服務而家比佢,有好無壞,洗多少少錢都無計
最後,你有問題可以PM我問下,不過我唔會介紹你咩私人教既人,你要小心選擇
早期教育有幾間大機構其實做得幾好,例如協康、耀能、明愛
我會推介你先搵呢方面既資料。其實教育王國呢到找尋都好齊全
我自己,三個月前都好徬徨,感激呢到好多同路人比意見我,而家有D方向,
當然....離「放心」仲有一段路。
分享比可能岩岩徬徨既你。加油! 共勉之



Rank: 3Rank: 3


216
發表於 19-12-17 14:45 |顯示全部帖子
回覆 chun719 的帖子

謝謝你!無言感激。

Rank: 3Rank: 3


216
發表於 19-12-17 15:01 |顯示全部帖子
回覆 chun719 的帖子

係呀,佢只係玩嘅時候,較遠會望。近嘅時候,例如抱住、喺 playmat 玩靜態嘅都唔望,咁代表咩?
我唔知佢識唔識杯、水、飯,不過佢應該認得自己個水樽(遞俾佢會自己拎住飲),但冇意慾自己but飯食。N班 interview 或玩煮飯仔都完全唔識杯同spoon嘅用途……

冇帶過佢去沙灘,所以唔知佢驚唔驚沙……不過佢玩千秋、滑梯好興奮、玩唔厭。但佢唔鐘意人抹佢手、面、口,咁係咪感統有問題?

好多謝你嘅回覆。我會睇下你講嗰D機構,一齊加油!

Rank: 1


10
發表於 19-12-21 21:49 |顯示全部帖子
sumyee713 發表於 19-12-16 08:23
我囝囝宜家16個月,仲未有任何單字,對自己名唔係成日有反應,從未指過任何嘢(想攞嘢自己嘗試去攞,唔會出 ...

我都係大約14-15個月發現,之後我18個月馬上同佢報咗單對單既治療堂,費用3000元左右,一個月5堂,如有需要仲可以申請果間學校既基金

Rank: 3Rank: 3


216
發表於 19-12-21 22:08 |顯示全部帖子
回覆 carriewai521 的帖子

你嗰陣小朋友有咩徵狀?有冇喺邊度做評估確診?另外,可否告知喺邊度做治療?Thx

Rank: 2


70
發表於 20-1-4 21:29 |顯示全部帖子
sumyee713 發表於 19-12-16 08:23
我囝囝宜家16個月,仲未有任何單字,對自己名唔係成日有反應,從未指過任何嘢(想攞嘢自己嘗試去攞,唔會出 ...

你仔仔同我個仔之前情況好似,我個仔到兩歲都未講嘢,唔識聽指令,唔應名,冇模仿。

我跟其他媽媽介紹做左ABA,效果好顯著。 依家已經識坐定定,聽指令,應名,指自己要咩,模仿動作,等等。 雖然佢都重有好長既路要行... 我好慶幸及早搵到ABA。


訓練望人: 你可以試下攞住佢想要/鍾意既嘢, 叫佢一聲,如果佢一望你就俾個玩具佢。 或者玩佢好鍾意既玩具時(例如吹泡泡) 佢一望你你就吹多D

Rank: 3Rank: 3


216
發表於 20-1-4 21:39 |顯示全部帖子
回覆 vanemama 的帖子

多謝你嘅建議。
雖然仔仔仲未識講任何單字,不過我覺得呢一個月佢眼神接觸多咗,亦會開始指住啲嘢(不過佢係伸哂五隻手指「指」住,唔係淨係用食指),開始學拍手同fing手拜拜。去公園都會走埋去小朋友度,唔抗拒一齊玩。

不過開始番第一堂playgroup,仍然扭計坐唔定,唔聽指令(喺屋企一時時聽指令)希望繼續有進展啦。


169
發表於 20-1-7 13:32 |顯示全部帖子
提示: 作者被禁止或刪除 內容自動屏蔽

Rank: 3Rank: 3


216
發表於 20-1-8 14:36 |顯示全部帖子
回覆 carolsclee 的帖子

謝謝你啊。
宜家我地完全冇開電視,好似有D進步,多D眼神接觸,同多啲BB話發出(佢係面對住我地講,不過仍然冇可以明白嘅單字)

想問職業治療同感統訓練點做?有時佢1-2小時就扎醒,好攰……

Rank: 2


87
發表於 20-1-10 16:36 |顯示全部帖子
近日都揾緊自閉症兒童嘅訓練資料,因為姪子1歲半便巳絰確診了見到有家長工作坊,打算叫他媽媽報名, 等佢學下點幫嗰仔都好

https://drive.google.com/file/d/1NtBkyWOfyv8fpw1PfyWfrXAa8dJUWHwC/view

www.linkscdc.com
你需要登錄後才可以回帖 登錄 | 註冊