用戶登入
用戶名稱:
密      碼:
搜索
教育王國 討論區 初中教育 回想你地小朋友細個既時候...
查看: 3545|回覆: 32
go

回想你地小朋友細個既時候...

Rank: 3Rank: 3


295
發表於 19-11-28 14:10 |顯示全部帖子
本帖最後由 applepie34 於 19-11-28 18:55 編輯

俗語有話三歲定八十,而家我個仔兩歲八個月,性格都幾明顯。比起同齡既小朋友,我覺得佢好被動,無信心去試u新野,去到公園都係企定發下呆,樣樣都想我地陪佢,就算而家返左N班,老師都話佢比較要時間適應一樣野,當所有小朋友一踴而上時,佢就會在後面唔知發生乜事。但係學野方面又有佢既能力,好多野一教就識
(認知上),記性都好好。


唔知呢類小朋友去到幼稚園/小學,讀書會係點? 作為過來人的你地,以前小朋友去到兩歲八個月左右,會唔會大約已經估計到小朋友讀唔讀到書?
估計準唔準?

可能我太過緊張,但我都好想知小朋友大約幾時已經估到佢行邊條路線?
因為幼稚園揀happy school定學術型,小學行津小、直資、私小、IB定國際都好有分別。


所以過到來初中部,問下各位資深家長既睇法~
先感謝大家的寶貴分享!

Rank: 6Rank: 6


7798
發表於 19-11-28 14:36 |顯示全部帖子

回覆樓主:

我女 K2 老師話佢語文好,數 concept 唔穩陣,結果相反,佢中學起最叻係數,中英文點努力都只係中中等等。

Rank: 3Rank: 3


465
發表於 19-11-28 17:42 |顯示全部帖子
我仔2歲時健康院轉介去智力評估中心,被評為整體發展遲緩;5歲8個月臨升小一時,在同一個評估中心評估IQ 有130,marginally 算資優,在整個小學階段,包括呈分,從來都係考試前一天先溫書,都叫升上了B1中學。所以小朋友咁細仲有無限可能,順著他成長慢慢發掘和栽培吧。

Rank: 10Rank: 10Rank: 10


26141
發表於 19-11-28 17:44 |顯示全部帖子
popochiny 發表於 19-11-28 17:42
我仔2歲時健康院轉介去智力評估中心,被評為整體發展遲緩;5歲8個月臨升小一時,在同一個評估中心評估IQ 有 ...
我仔幼稚園都被不同老師懷疑有發展遲緩,不過我冇去做測試
依家讀幾個資優課程

Rank: 11Rank: 11Rank: 11Rank: 11


38728
發表於 19-11-28 17:52 |顯示全部帖子
applepie34 發表於 19-11-28 14:10
俗語有話三歲定八十,而家我個仔兩歲八個月,性格都幾明顯。比起同齡既小朋友,我覺得佢好被動,無信心去試 ...

呢D性格可能係觀察型,回想以前由幼稚園到初小都被老師評為反應唔明顯。其實,都幾好㗎,傳統和活動教學都適合,睇吓你家長想佢點行!

Rank: 13Rank: 13Rank: 13Rank: 13


79595
發表於 19-11-28 18:28 |顯示全部帖子
本帖最後由 Yanamami 於 19-11-28 18:39 編輯

怕羞內向唔等於讀唔到書喎~我女都係怕羞,見陌生人唔敢打招呼会躲係我身後……佢記性好、学野快、專心自律。虽內向面試係会輸蝕d, 但既然你發覺呢个问題,就及早糾正……佢唔会脫胎換骨变左另-个人,但会有改善。

我都刻意花好多时间去鼓勵佢,話怕羞就算唔叫人都要笑下揮下手,等佢慢慢改唔急得。多外出接触唔同人去唔同环境。上到小学我鼓勵佢多参加朗誦比賽,唔需要贏,只求踏上台好好順利完成就係成功,練胆。多參加課外活动如童軍~

幼稚園SC, 小学KTS, 都幫到佢成長,中学都係傳統直資。家長角色其实好重要,先有同理心,明白佢感受,再俾多d exposure佢,慢慢幫佢改善。


43514
發表於 19-11-28 18:35 |顯示全部帖子
提示: 作者被禁止或刪除 內容自動屏蔽

Rank: 10Rank: 10Rank: 10

醒目開學勳章 貢獻勳章


28683
發表於 19-11-29 15:19 |顯示全部帖子
其實,好多名人都係細個發展遲緩架!
早教本身就係俾呢d小朋友,結果係,只要識教,其實係可以"變" 優秀架!

另外,我見身邊有幾個case,小朋友都被評遲緩,其實係自閉/自閉傾向,唔願意同外界溝通,無反應,d大人就當佢遲緩!
恐龍家

Rank: 13Rank: 13Rank: 13Rank: 13


79595
發表於 19-11-29 15:22 |顯示全部帖子
小曳人 發表於 19-11-29 15:19
其實,好多名人都係細個發展遲緩架!
早教本身就係俾呢d小朋友,結果係,只要識教,其實係可以"變" 優秀架 ...
其实楼主有边句講佢仔遲緩?点解个个禁答佢?我睇落只係內向咋喎……

Rank: 10Rank: 10Rank: 10

醒目開學勳章 貢獻勳章


28683
發表於 19-11-29 15:47 |顯示全部帖子
本帖最後由 小曳人 於 19-11-29 15:48 編輯
Yanamami 發表於 19-11-29 15:22
其实楼主有边句講佢仔遲緩?点解个个禁答佢?我睇落只係內向咋喎……

我估,大家嘅意思係:3歲定80 係唔一定啱嘅!有好多例外  (學習上)

不過,要性格改變,可能要有d 經歷....

恐龍家

Rank: 3Rank: 3


465
發表於 19-11-29 18:32 |顯示全部帖子
小曳人 發表於 19-11-29 15:47
我估,大家嘅意思係:3歲定80 係唔一定啱嘅!有好多例外  (學習上)

不過,要性格改變,可能要有d 經歷... ...

係,我想表達的是,2丶3歲觀察到的和長大後的表現可以差天拱地,所以唔需要咁早將小朋友定是什麼類型,起碼到初小才開始靠譜。

Rank: 10Rank: 10Rank: 10


26141
發表於 19-11-29 18:50 |顯示全部帖子
小曳人 發表於 19-11-29 15:47
我估,大家嘅意思係:3歲定80 係唔一定啱嘅!有好多例外  (學習上)

不過,要性格改變,可能要有d 經歷... ...
3歲我唔覺得睇到將來性格,可以好大改變。最簡單你見到之前大仔D幼稚園同學,性格還一樣嗎?可能過多10年大學畢業,再睇,同依家又不同。

Rank: 13Rank: 13Rank: 13Rank: 13


79595
發表於 19-11-29 18:52 |顯示全部帖子
小曳人 發表於 19-11-29 15:47
我估,大家嘅意思係:3歲定80 係唔一定啱嘅!有好多例外  (學習上)

不過,要性格改變,可能要有d 經歷... ...
我两个女,两种情況都有。大女升中後变左另-个人;细女,真係三歲定八十~

Rank: 5Rank: 5


4765
發表於 19-11-29 23:34 |顯示全部帖子

回覆樓主:

最主要回想小朋友細個时候啲乜嘢,我就主要係陪同小朋友一起开心成长經歷就夠。若係想將来孩子什样那样,都未經歷有咩好想,幻想嘅野好與唔好都唔知,行得好由自可,行得唔好又会怨天怨地,都係睇家长自己,所以唔好太緊張,順其自然孩子健康学习成長已经係一條好路線。

Rank: 5Rank: 5


1610
發表於 19-11-30 06:48 |顯示全部帖子

回覆樓主:

其實太擔心會成壓力,我個仔由幼稚園以為有小小聰明,到小學一做卷同d課程成日以為佢乜都唔識,考試時有唔合格,到升中去到二線中學成績又好番d,人都有番信心,所以到乜時候選擇番合佢level已可!

Rank: 12Rank: 12Rank: 12


60593
發表於 19-11-30 12:42 |顯示全部帖子
Yanamami 發表於 19-11-29 18:52
我两个女,两种情況都有。大女升中後变左另-个人;细女,真係三歲定八十~ ...

家姐上到中學都變咗,成隻開籠雀咁

Rank: 5Rank: 5


2130
發表於 19-12-2 14:03 |顯示全部帖子

回覆樓主:

佢兩歲,讀PN時候,可以好快畫到學校老師同同學特徵出來,大個小小,就最鐘意自已拍片,不停作故仔作吾停,一路以來,佢最墀利就係扮人,可以扮得好似,捉到某個人行為同說話特徵。我估佢應該由細到大觀察力都非常之好。幼稚園玩好多砌圖同獨數,對分辨顏色可以好細緻。現在到中學,理科比較強,對美感,例如去畫展 ,佢可以好敏感地睇到平常人睇吾到野。
我想佢讀建築
但以前佢講過想讀law 做法官
妹妹豬 齊來做個好朋友)

Rank: 5Rank: 5


2130
發表於 19-12-2 14:08 |顯示全部帖子

回覆樓主:

如果再可返轉頭,我一定要佢做好運動,睇多D書,参加多D比賽或者活動係用來訓練口材,另外一定要窮養。
妹妹豬 齊來做個好朋友)

Rank: 3Rank: 3


295
發表於 19-12-5 14:50 |顯示全部帖子
回覆 zitaeric 的帖子

點解要窮養?

Rank: 5Rank: 5


2130
發表於 19-12-5 15:09 |顯示全部帖子

回覆樓主:

以前中學前,特别幼稚園,因為得一個,各樣都比較好,包括食,衣,學,用..., 到慢慢大佐,好處係,佢會較重視儀容,對靚嘅野,又有一套見解。但吾好,就返吾到轉頭,好吾願意去些,我地認為大眾化地方,吾捱得苦,好小姐等等。
身邊有窮養朋友仔女,又真係相反。所以最好就係平衡,偏向窮養
妹妹豬 齊來做個好朋友)
你需要登錄後才可以回帖 登錄 | 註冊