2020入學~林大輝中學交流

CM.MUN

babykenny 發表於 20-2-15 23:58
不過而家無咗呈三，自行面試又唔知點安排，我諗好多人都註冊咗先，應該都唔多位放出嚟
...

如果自行無面試，我覺得一樣會有位放出來，好多家長都係先攞咗直資學位先，到自行收咗就抽飛，其實都係唔想小朋友參加大抽獎

CM.MUN

呢個疫情真係嚴重，學費都加到3600一個月，啱啱收到gmail通知

CM.MUN

babykenny 發表於 20-3-20 12:43
突然加咁多，咁仲會唔會讀？

當然會讀，幻想每個月一家人食一次自助餐

CM.MUN

babykenny 發表於 20-3-20 13:53
哈哈，你而家係每個月食少一餐自助餐

CM.MUN

Duffy15 發表於 20-3-20 18:01
加幅33%好似誇咗d，$3xxx好多直資選擇，同埋LTF係直資中唔算top個浸，我諗好多位放出。唔知其他直資會唔會 ...

我諗自行之後會好多人抽飛，啱啱睇返註冊果啲通告，話20／21年學費2千8佰幾蚊，等教育局同意，7月通知，今日通知變3千6，差距太遠

CM.MUN

cohesion 發表於 20-3-30 16:55
其實好奇怪的，我們註冊時封信話等教育局批的學費有不同，可以申請2次的嗎？
...

咁真係唔知，我收到email都奇怪，註冊果張通告寫上年學費2千7百幾，下年學費2千8佰幾，等教育局批，7月確定，依家變3千6

CM.MUN

cohesion 發表於 20-3-30 16:55
其實好奇怪的，我們註冊時封信話等教育局批的學費有不同，可以申請2次的嗎？
...

不過我覺得我哋都叫做好啲，入讀之前仲可以考慮，依家讀緊果啲同學應該係2千7佰幾，下年突然變3千6，真係唔知佢哋會點諗

CM.MUN

vivi_ma 發表於 20-3-30 16:48
已經收到 waiting email, 唔知仲有冇機會 (emoji)

機會實有，好多都等4月7結果，自行一出，間間直資中學就開始有人抽飛，到時就開始通知waiting 補位

CM.MUN

winglee408 發表於 20-4-1 21:41
點解？唔係16號前

4月7號係之前日期，最新應該係16號，如果真係想抽飛，呢兩日打去學校問一問，應該都係跟返教育局時間

CM.MUN

cohesion 發表於 20-4-5 11:31
是的，我有打去學校問，都答我唔到。
我覺得要反映一下。
見有些直資因為疾情，不加價。

如果都已經打去學校問過，老師都答唔到，我覺得可以打去教育局問吓，資訊意見（因為加學費一般老師應該都唔清楚，應該係校董會），因為註冊通告寫明2千8佰幾蚊是下年學費，突然發個信息話3千6，會唔會違反咗啲咩條款或法例，當然如果教局話冇問題，咁就自己考慮讀唔讀

CM.MUN

我今朝打咗去教育局了解加學費問題，教局話林大輝仲未提交加學費申請，亦講咗話原來係我之前已經收到好多有關學校突然加咁多學費同註册時所講費用不同，但已經聯絡左林大輝校長了解情況同反應家長情況，總結就係林大輝仲未提交加學費申請比教育局

CM.MUN

a11325 發表於 20-4-6 15:36
大家知不知道林大輝今年收了多少學生？謝謝。

之前好似有人講過，話180人分5班

CM.MUN

cohesion 發表於 20-4-6 22:38
我今天下午也打了去教育局，主任也如你所說的回覆。
多些家長打去查詢也好的，讓教育局替家長反映一下。
...

所以我覺得到7月前應該有可能又改學費，此中疫情嚴重，學校應該會考慮

CM.MUN

Duffy15 發表於 20-4-7 11:13
我昨日都打左去EDB，同樣回覆，希望多些家長反映，因為作為教育機構，這個做法真的不太恰當及讓準家長對學 ...

啱晒，我覺得多家長反應問題，就算學校申請，教育局多多少少都會考慮，此中今年疫情之下，好多家庭收入都減少，亦擔心9月仲未復課等等問題

CM.MUN

dreambk 發表於 20-4-7 20:41
收到自行的同學, 係咩 banding 學校？我仲係林大輝 waiting, 等待ing...

會有機會，單係呢度，已經有4-5位家長會抽飛，今日啱啱自行完，我估計學校統計完抽飛人數就開始通知waiting嘅人補位

CM.MUN

a11325 發表於 20-4-12 11:28
請問大家知不知道林大輝中學七月有叩門位嗎？

我之前睇過其他留言，應該係有叩門位，應該六月底會有公布，或者疫情受到控制，6月23號家長晚會可以舉行，咁就可以問清楚

CM.MUN

今日有同學家長講，原來學校7月7號有叩門位，早上派表，學校唔會網上公布叩門